ئاب 08, 2019 Omer ئهنفال لێدوان نووسین ناچالاککراوە لە یەکەم گۆرکە لەهەڵەبجە هەڵدرایەوە پەیکەرە ئێسکی گەنجێک بوو، کاتژمێرەکەی دەستی هەرئیشی دەکرد. عومەرمحەمەد
یەکەم گۆرکە لەهەڵەبجە هەڵدرایەوە
پەیکەرە ئێسکی گەنجێک بوو، کاتژمێرەکەی دەستی هەرئیشی دەکرد.
عومەرمحەمەد
ئەگەر من بم لەبری پارێزگاروسەرۆکی شارەوانی هەڵەبجە ئەم وێنەیە لەدەروازەی شار دادەنێم.
چیرۆکی وێنەکە :
فەرەج عەبدوڵاعەلی، گەنجێکی هەڵەبجەیی بوو، رۆژی ١٣ی ئایاری ساڵی ١٩٨٧ کە خۆپیشاندانەکەی شاری هەڵەبجەکراو بەهۆیەوە گەرەکی کانی ئاشقان لەگەڵ زەوی تەختکرا، هاوکات خەڵکێکی زۆریش برینداربوون و گیران و دواترگولەبارانکران، ئەگەرچی هەندێکیان بەشداری خۆپیشاندانەکەش نەبوون، یەکێک لەوانە فەرەج بوو، کە لە خەستەخانە یاوەری مامی بووە بەناوی عوسمان عەلی حاجی ساڵح کە یەکێک بووە لە بریندارەکانی ئەو خۆپیشاندانە، کەچی فەرەجیش وەک هەموو بریندارەکان بێ سەروشینکراو دوای چەند رۆژێک بەهۆی ژنێکەوە کە لەنزیک سەربازگەی سەراو بامۆک دەسکەنەی نۆکیان کردووە، هەواڵی داوەتە کەسوکاریان کەوا لەو نزیکانە گوێی لەدەنگی تەقەو دەنگی شۆفڵ بووە، بەڵام لەو سەروەختەدا کەبەعسیەکان لەلوتکەی جەبروت و خوێنڕێژیدا بوون کەس نەیاتوانیوە بچێتە ئەوشوێنە، لەدوای کیمیابارانیش ماوەی ٤ ساڵ هەڵەبجە بەچٶڵی مایەوە.
یەکەم گۆڕکە لەهەڵەبجە هەڵدرایەوە فەرج بوو هێشتا کاتژمێرەکەی دەستی ئیشی دەکرد .
دوای ڕاپەڕینی ئازاری ساڵی ١٩٩١ بەرەی کوردستانی حاکمی هەرێم بوو، ئەوسا هەڵەبجە تەنها کەرتێکی رێکخستنی یەکێتی تێدابووە، ساڵی ١٩٩٢ هەواڵ دەدەنە بارگای ئەو کەرتەی یەکێتی کەوا ئێسکی روفاتێک لە نیوان سەربازگە کۆنەکەی سەراو بامۆک بەدیارکەوتووە، ئینجا لە پایزی ئەوساڵەدا بەرەی کوردستانی هەستان بە دەرهێنانەوەی روفاتەکە، دەرکەوت کە گۆڕێکی تەنیاو پەیکەرە ئیسکی فەرەج عەبدوڵایە، خوشکەکانی بەجل وبەرگ وکاتژمیرەکەی دەستیدا ناسییانەوە، کە هەتا ئەوکاتەش ئیشی دەکرد.! جگەلەوە پێناسەکەی و ١٦ پەنجایش لەگیرفانیدابوون، دوای ناسینەوەی هەر لەهەڵەبجە بەرەی کوردستانی بەمەراسیمێک بەخاکیان سپاردەوە. ئەمە یەکەمین گۆڕبوو کەلەهەڵەبجە هەڵبدرێتەوە، بەڵام هێشتا ئەوە جێگەی پرسیارە ئاخۆ بۆچی فەرەج لە بریندارەکانی ترجیاکراوەتەوەو بەتەنیا گولەباران کراوە؟.
بەداخەوە هەتا ئێستا روفاتی ئەو کۆمەڵە کەسە نەدۆزراوەتەوە کە بەهۆی خۆپیشاندانەکەی رۆژی ١٣ی ئایاری ١٩٨٧ برینداربوون و گیران، بەڵکو تەنها گۆڕەتەنیاکەی فەرەج عەبدوڵا دۆزرایەوە ئەویش بەهۆی دەرکەوتنی روفاتەکەیەوە بوو هەرچەندە ژنێک بەناوی مەلیحە کە لەوکاتەدا دەسکەنەی نۆکیان کردووە چیرۆکی گولەبارانکردنەکە دەگێڕێتەوەو دەڵێت من ئاگاداربووم کە لەنێوان سەربازەگەکەی سەراو بامۆکدا گوێم لەتەقەو دەنگی شۆفڵ بووەو شوێنەکەش پێدەزانم، دواتر کەسێکی تر کە ئەو سەروەختە شوان بووە، چیرۆکەکەی مەلیحە پشتڕاست دەکاتەوە، سەرئەنجام شوانەکە بووە رێنیشاندەرو گۆرەکە دۆزرایەوە، ئەگەرچی گۆرەکەیان بەبێ پزیشکی دادوەری و بەنەشارەزایی هەڵدایەوە، بەڵام خوشکەکانی تەرمی فەرەج و کاتژمێرەکەیان ناسییەوەو ئەوەش بووە بەڵگەی ئەوەی ئەو روفاتەی لەوگۆڕەدابوو هی کیمیاباران نیە بەڵکو هی فەرەج عەبدوڵایە کە لە خۆپیشاندانەکەی ساڵی (١٩٨٧) بەدیارمامییەوە بووە، لەم بارەیەوە عەلی عوسمان ئامۆزاری شەهید فەرەج لەپەیوەندییەکی تەلەفۆنیدا پێی راگەیاندم، پێشئەوە فەرەجیان ئاگادارکردبوو کە حکومەت نیازی خراپەو مامت بەجێبهێڵەو بەپەلە لەخەستەخانە برۆدەرەوە، بەڵام ئەو گوتبووی دەبێت مەرگی منیش لەگەڵ ئەماندابێ و مامم بەجێناهێڵم. سەرئەنجام قسەی خۆی بردەسەر، مامی بەجێنەهێشت وبۆخۆشی شەهیدبوو.
کە دەستکرا بە هەڵدانەوەی گۆرەبەکۆمەڵەکەی سەماوە، وێنەی کاتژمێرێک تەواوی تۆرەکۆمەڵایەتیەکانی تەنی، لەوکاتەدا مامۆستا کەژال حەمە، لە ئەڵمانیاوە چیرۆکی فەرەج و کاتژمێرەکەی دەستی بۆگێڕامەوەو بەڵێنیدا وێنەیانم بۆ پەیدا بکات و بۆم بنێرێت .. ئەم زانیاریانەش هەرلەبەرێزی و کاک عەلی عوسمانی ئامۆزای فەرەج وەرگیراون.
مافی بڵاوکردنەوەی بۆ ئەنفالستان و خانەوادەی شەهید فەرەج پارێزراوە
نیسان 08, 2022 1
ئازار 20, 2024 0
ئازار 17, 2015 لێدوان نووسین ناچالاککراوە لە الأمم المتحدة: فظائع داعش في العراق قد ترقى إلى الإبادة الجماعية
ئازار 17, 2015 لێدوان نووسین ناچالاککراوە لە حقوق الإنسان: مشروع لشمول الفيليين بامتيازات رفحاء ولا نملك بيانات دقيقة عن ضحاياهم
ئازار 20, 2024 0
ئازار 16, 2024 0
کانونی دووهەم 29, 2024 0
تشرینی دووهەم 28, 2023 0
ئاب 11, 2020 لێدوان نووسین ناچالاککراوە لە دیداری ئەنفال : حەسەن محەمەد سێدەری چیرۆکی خۆیان وگوندەکەی دەگێڕیتەوە.
ئاب 10, 2020 لێدوان نووسین ناچالاککراوە لە مستەفا قادر پیرۆت دەربارەی كیمیبارانی هەوارەخۆڵ دەدوێت .
ئاب 10, 2020 لێدوان نووسین ناچالاککراوە لە دیداری ئەنفال .. ئەو رۆژەی كە لێبوردنە گشتیەكە دەرچوو، براكەی من لە نوگرەسەلمان گیانی لەدەستدا.