سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
داعشان ل ناڤە ندا شنگالێ ودەردورێ و دومیز، ب کاتوشایێن کیمیاوی بوردوومان کر ………………….رێکارێ میزوری
داعشان ل ناڤە ندا شنگالێ دەردورێ و دومیز، ب کاتوشایێن کیمیاوی بوردوومان کر
رێکارێ میزوری
موقەدەم ( فەرهاد هاشم مێروزی ) ل روژا ۱٤ـ ٥ ـ ۲٠۱٦ دگەل دوو هەڤالێن خوە بناڤێن ( موشیر حەسەن، دلدار عومەر) بچەکێن قەدەغەکرین ژەراوی برینداردبیت، هەژی گوتنێیە ناڤبری ژبنەمالەکا شورشگێر و قەهرەمانە و خودانێن چەندین شەهیدێن سەربەرزە. کورێ روژنامەڤان نڤیسەرێ هێژایە، ل وەلاتێ ئیرانێ بابێ وی رولەک مەزن گێرایە د بەلاڤکرنا گوڤارا گەزنگ دا. بنەمالاوان هەمی ئەشکەنجێن داگیرکەران دیتنە، گرتن و زیندان و ئاوارەی و برینداری و گیانفیدای، لداویێ ببەر کیمیابارانا داعشانیش کەفتن هەڤالێ هێژا:
ل سالا ١٩٧٩ل ئاوارەیی ل ووڵاتێ ئێران ل باژێرێ مەشهەد ژدایک بووە. قۆناغا سەرەتایی و ناوەندی ل ڤی باژێری تەواو کریە و خاوەن. بڕواناما بکالۆریوسا سەربازی یە ل کۆلیژا سەربازی ل هەڤلێرێ . ل سالا ١٩٩٤ کادیرێ یەکێتی قۆتابی و لاڤێن کوردستان بوویە . ل سالا ١٩٩٩ ب ئێکجاری دگەل ماڵباتا خۆ زڤریەف ووڵاتێ و ل هەمان. سال بوویە پێشمەرگه ل فەرماندەیا بارزان هەتا سالا ٢٠٠١ . ل دۆماهیا سالا ٢٠٠١ بوویە ئەفسەر ب پلێ مۆلازم دوو ل ڕێکخستنا تایبەتی و ل سالا ٢٠٠٩ نەقلی بڕێڤەبەرایەتیا ئاسایشا سۆران بووە و ژبەر چاڵاکی و ژێهاتی ب پلێ مۆقەددەم یێ بوویە بەرپرسێ هۆبا چاڤدێری و پشکنین ( المتابعە و التفتیش ) و بەردەوامە ل ڤی کاری .
ل دەست پێکا شەرێ داعش وەک پێشمەرگەیەکی خۆبەخش بەشداری زۆر میحوەرێت شەرێ ل رەبیعە و زوممار و سەددا مووسل و بادۆش و سۆلتان ئەبدولا و گوێر کریە هەتا کوو ل رۆژا ٢٠١٦/٥/١٤ ل گۆندێ ئەبۆشیتە ل میحوەری گوێر ب چەکێ کیمیایی هاتە بڕیندار کرن و چەندین. جار بۆ چارەسەری چوویە دەرڤەی ووڵاتی و هەتا نووکە ژی ل ژێر چاڤدێریا پزیشکی یە .
باپیرێ ناڤبری ب ناڤی فەرماندە شەهید هاشم مێرۆزی ل شۆرشا ئەیلولێ ئامر هێزێ شێخان بوویە ل لەشکەرێ بادینان و ل سالا ١٩٦٥ ل شەرێ چیایێ ئەترۆش هاتیە شەهید کرن .
هەروەسا مامی وی بناڤێ شەهید سادق هاشم میروزى ل سالا ١٩٨٦ ل دەڤەرێن ئازادکری ل شۆرشا گۆلانێ ب بۆردومانا تەیارێت بەعسی هاتیە شەهید کرن, و مامێ ڤی حۆسێن هاشم مێرۆزی بەرپرسێ حەرەکاتێ بووە ل فەرماندەیا بارزان و ل سالا ١٩٩٥ ل گۆندێ مێرۆز هاتیە شەهید کرن.
کێم وکاسی د کێسێ بکار ئینانا چەکێن کیمیاوی ژلایێ داعشێڤە
۱ـ گرنگی نەدانا دەزگەهێن راگەهاندنێ بڤی کێسەی
۲ـ نەبوونا هوبەو بەشان لسەر ڤی چەکی ل وەزارەتا پێشمەرگەی.
۳ـ نەبوونا زانیاریان لسەر ڤی چەکی لدەف پێشمەرگەی.
٤ـ نەبوونا دەرمانێن تایبەت بوو چارەسەریێ.
٥ـ ئەرشیف نەکرنا ڤێ تاوانێ ب ئاوایەکێ زاستی.
٦ـ نەبوونا ئالاڤێن خوپارستنێ وەک ماسک ( القناع ) کەلوپەلێن دن وەک دەست کێش و جلێن تایبەت.
هەروەسا دبەردەوامییا کیمیابارانکرنا خودا، ل روژا ۱۳ـ۲ـ ۲٠۱٦ داعشان دەردورێ شنگالێ و دومیز، ناڤە ندا شنگالێ ب کاتوشایێن کیمیاوی بوردوومان کر، لدەست پێکێ ۳٠ پێشمەرگە بریندار بوون، جارا دوویێ ۱٠٠ پێشمەرگە بریندار بوون، ل ۱۳ـ ۳ـ ۲٠۱٦ ێ، ل حەلەبا سوری ژ لایێ جەبهەت نوسراو ل تاخا شێخ مقسود کورد ب چەکێن کیمیاوی هاتن توپبارانکرن.
بۆ دیتنا بەلگەها ڤان تاوانین داعشا ئێرە کلیک بکە
