سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
لەدوای ئەنفال پێناسی باری کەسێتیم نەبوو، دایکم و باوکم لە نوس هێشتا هەر کوروکچ بوون، ئەوە بۆمن بووە گرفت وهەتا چاکم کرد زۆری پێچوو.
کازم فەتاح :
لەدوای ئەنفال پێناسی باری کەسێتیم نەبوو، دایکم و باوکم لە نوس هێشتا هەر کوروکچ بوون، ئەوە بۆمن بووە گرفت وهەتا چاکم کرد زۆری پێچوو.
ناو : کازم فەتاح محەمەد
لە دایکبوی : بە پێناسە ١٩٨٢ بەڵام لەبنەرەتدا نازانێ
شوێنی نیشتەجێی ساتەوەختی ڕوداو : کوڵەجۆی حاجی حەمە جان
دانیشتووی ئێستا : ڕزگاری – گەرەکی ئاسودە
دیمانە : عومەر محەمەد .
فۆتۆ:سمکۆ سابیر .
کات : ٥/١١/٢٠١٦ /٨:٣٠ی شەو.
شوێن : ڕزگاری ماڵی کازم .
لە ئێوارەیەکی درەنگ وەختدا لەگەڵ هاورێ وهاوکارم سمکۆسابیر گەیشتینە کۆمەڵگای ڕزگاری، هەرچەندە ئێمە دەبوو زووتر لە وادەی خۆمان بگەیشتینیایە، بەڵام بەلای کەمەوە نیو کاتژمێر درەنگتر گەیشتین، چونکە تاقانەی ئەنفال سەباح نەجمەدین پەیوەندیەکەی رێکخستبوو ئەو چاوەروانمان بوو، کاتژمێر ٨:٣٠ گەیشتین و چووین بۆ ماڵی کازم، هەرچەندە من زۆر ماندوو بووم بە درێژایی ڕۆژ لە دیداری تاقانەکاندا بووم، بەلام بەدیداری ئەم کورە کەوتەمەوە چالاکی و بێتاقەیەکەم نەما،کازم بەواتای وشە قوربانی ئەنفال و سیاسەتی ناعادیلانەی تۆتالیتاریزمە، کەسێکی بەئەدەب و هەژارە، لە گۆشەیەکی ئەم دنیایەدا خۆی و هاوژینەکەی لە خانوویەکی جوان و پاک وتەمیزدا لە کۆمەڵگای رزگاری یاخود مەملەکەتی کەسوکاری ئەنفالکراوان سەریان بەیەکەوە ناوەو بێدەنگ لێی دانیشتوون. ئەنفال هێندە کاریگەری بەسەر کازم فەتاحەوە هەیە دەڵێی هێشتا بە راپەرینی ساڵی ١٩٩١ نەگەیشتووە، وەک چۆن دکتاتۆریەتی بەعس ماڵی وێران کردووە، ئازادی و دیموکراسیش روناکییەکی پێنەبەخشیوە.چونکە ئەو هێشتا بەقوڵی بیرناکاتەوەو هەستکردن بە بێکەسی هێندەی تر بێتاقەتی دەکات .
