سهردێرهكان
- پێشەکی نۆڤێلەی “سێوسێنان” …….نووسینی میران ئەبراهام
- خوێندنەوەی پشت قسەکانی عەلی حەسەن مەجید. دەربارەی ئەنفال و لێکەوتەکانی .. هۆمەر محەمەد
- یادی ئەنفال؛ لە «مریشکە بەکرەکەی» عەلی کیمیاوییەوە هەتا ئەمڕۆ…………………هۆمەر محەمەد
- وانەیەک بۆ مێژوو……….. هۆمەر محەمەد
- سینەما وەک پارێزەری مێژوو کورد ڕزگاربوویەکی بەهێزە، نەک قوربانییەکی زەلیل. ………………..هۆمەر محەمەد
سەرۆک وەزیرانی عێراق بەرپرسە لە روداوەکانی خورماتوو
سەرۆک وەزیرانی عێراق بەرپرسە لە روداوەکانی خورماتوو
ئەنفالستان
ئەوەی حەشدی شەعبـی لە خورماتوو ئەنجامیداوە، بە پێوانەکانی نەتەوە یەکگرتووەکان، تاوانی جەنگ وجینۆسایدن، ئەگەر خەڵکی خورماتوو، سەیارەو ئامێری گواستنەوەیان لەبەردەستدا نەبوایە بێگومان قەوارەی تاوانەکە گەورەترو ژمارەی کوژراوەکانیان زیاتر و دەستدرێژی سێکسیش زیاتر دەبوون، ئەوەی لێرەدا پێویستە سەرنجی بدەین ئەوەیە عێراق هێشتا قەرزداری ئەنفال وهەڵەبجەیە، کەچی تاوانی خورماتووشی ئەنجامدا.
هێزەکانی حەشدی شەعبی میلیشیایەکی مەزهەبیەو گوزارشت لەهەموو عێراقیەکان ناکەن، بە پێچەوانەوە ئەو هێزە هێندەی نمایندەی ئێران و ئاخوندەکانی عێراقن، دەهێندە دژایەتیان لەگەڵ گروپەکانی تری عێراق هەیە، بەتایبەتیش دژایەتی خۆیان بۆ کوردو سوننەی عەرەب ناشارنەوە، بۆیە تاوانەکانی ئەم میلیشیایە لە گروپێکی مەزهەبیدا کورت نابێتەوە بەڵکو پەڵەیەکە بە ناوچەوانی دەوڵەت وحکومەتی عێراقەوە. لەبەرئەوەی بەلای کەمەوە حەشد بەهۆی زۆریانەوە شیعەکانی عێراق لەپەرلەمان رەسمییەتیان پێداوە، ئەوهێزە بەتەنیشت سوپای عێراقەوە یاخود لە پێشیانەوە لەشكركێشی دەكات، ئەوانیش بە فەرمانی سەرۆك وەزیران حەیدەر عەبادی دەجوڵێن کە هاوکات فەرماندەی گشتیی هێزە چەكدارەكانە.
بێگومان تاوانی هەرە گەورەش لە ئەستۆی حەشد و ئەو چەترە مەزهەبییەیە بۆ ئەم جۆرە رەفتارە كۆكوژییانە دابینكراوە، با تەنانەت پاساویش بۆ ئەوە بهێنێتەوە گوایە ئەم حەشدە پەیوەندیی راستەوخۆی بە فەتوای جیهادی كەفائییەوە نییە، یان گوایە رەفتاری ئەم گروپ و ئەو گروپی حەشد، لاساری و لەڕێ دەرچوونە.
ئێستا دەبێت جامیعەی عەرەبی وەڵامی ئەو پرسیارە بدەنە داخۆ کوردەکان تاوانیان چییە لە نێوان ململانێی سوننەو شیعەدا ؟ هەرچی سوننەکانن بانگەشەی سەربرینی کوردو شیعە و هەرچی شیعەکانیشن بانگەشەی کوشتنی کوردو سوننە دەکەن ؟ تاوانی ئەنجامدراو لەلایەن داعش لە شەنگال و حەشد لە خورماتوو، هیچ نیە جگەلە سەرچاوەی بیری نەتەوە پەرستی و دەمارگیری مەزهەبی و پاساوی حکومەتی ناوەندیش هەرچییەک بێت، هیچ لەو راستیە کەم ناکاتەوە کە هەموویان لەیەک بیری تەسکی نەتەوەیی ومەزهەبیەوە سەرچاوە دەگرن. ئەوەش پەڵەیەکی رەشە بەتەوێڵی دەوڵەتی عێراقەوە كە لە عێراقی دوای سەدامی دیكتاتۆرو حزبی بەعس، نەیانتوانی دەسەڵاتێکی باشتر لەویان هەبێت و نەیانتوانی حكومەتێك دابمەزرێنن كە هەموو پێكهاتەكان لێی بەهەرمەندبن و شکۆو بەهای هاوڵاتی خۆیان ببینن.
