سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
وێنە و یادگاریی ئەنفالکراوان
وێنە و یادگاریی ئەنفالکراوان
ئامادەکردنی : عومەرمحەمەد
مێژووی ئەم وێنەیە دەگەڕێتەوە بۆ ناوەڕاستی هەشتاکانی سەدەی ڕابوردوو، واتا پێش پەلاماری ئەنفالی گەرمیان، لە گوندی سۆفی رەزای بناری گل سەربە ناحێی قادرکەرەم لەپشت ماڵی شێخ شوکر گیراوە،بەڵام وەرزی ساڵەکە نادیارە کەسەکان خزمی یەکترن،لەناویاندا دووکەسیان ئەنفالکراون..
لای ڕاستەوە، ئەنفالکراو ( کامیل شێخ ڕه شید) لە دایکبووی ساڵی ١٩٤٨ کامیل لە ساڵی ١٩٧٨ بووەتە پێشمەرگەی هەرێمی (٥)ی قەرەداغ هەتاکو ساڵی ١٩٨١ لە نیسانی ساڵی ١٩٨٨ ئەنفالکراوە. باوکی پێنج کورو چوار کچە، ئەوانیش ئەنفالکرابوون و لە سەربازگەی دوبز دەستبەسەر بوون .
دووەهەمیان ناوی ئامانجە کە بەسەردان چووە بۆگوندی سۆفی ڕەزا. بەڵام زانیاریمان دەربارەی دەستنەکەوت بەهیواین لە ژیاندا مابێت.
سێهەم لەلای ڕاستەوە ئەنفالکراو ( یوسف شێخ شکور- موالیدی ١٩٥٣) ئامۆزای کامیل شێخ رەشیدە. دووجار هاوسەرگيرى كردووە، هێشتا باوکی دوو کچ بوو، کە خيزانەکەى كؤچى كرد، لەساڵی ١٩٧٨ جارێکی تر هاوسەرگيری كردەوە بەرهەمی ئەم هاوسەرگیرییەش چواركچى تربووە، هاوسەرو مانداڵەکانی یوسفیش وەک هاوسەرو منداڵەکانی کامیل شێخ رەشید،ئەنفالکران و لە سەربازگەی دوبز بۆماوەی شەش مانگ دەستبەسەر بوون، لەبەندیخانەی دوبز كچيكى ترى لە دايك بوو ناویان لێنا کەنار، واتا ژمارەی کچەکانی بوونه حەوت، بەڵام كچه بچووكەكەى (کەنار) لە چوارەمین ساڵی تەمەنیدا لەکاتێکدا کەلەگەڵ منداڵانی هاوڕێیدا لەبەردەرگا يارى دەکرد، لەپڕ دڵی لەلێدان وەستاومرد.
چوارەم لوقمان شيخ عبدول عەزيز. لەژیاندا ماوە
پێنجەم: منداڵەکە پيشتيوان عدنان خیروڵا لە ژيان ماوه
قادر کامیل شێخ رەشید دەڵێت :
باوکم ومامەم لەگەڵ ئێمەدا گیران بەڵام هەر لە تۆپزاوا، وەک هەموو پیاوانی تر لەژن ومنداڵەکانیان جیاکرانەوەو جارێکی تر نەبینرانەوە،باپیرەشم دوای شەش مانگ بە هیلاکی لە نوگرەسەلمان گەرایەوە ناومان. ئێمەش( دایکم و براو خوشکەکانم لە تۆپزاوا سواری سەیارەیان کردین و بردیانین بۆ دوبزو نزیەکەی پێنج مانگ لە سەربازگەکەی شارۆچکەی دوبز دەستبەسەربووین دواتر لە دەوروبەری ٢٠ی مانگی ئابدا بوو بردیانین بۆ تکریت و لەوێ ئامادەکراین بۆ گوللەبارانکردن، رۆژی ٥ی مانگی ئەیلول ئێوارەکەی هەرچی پارەو ئاڵتون و کاتژمێرو شتی بەنرخ بوو لێیان سەندین و رۆژی دواتر، واتا ٦ی ئەیلول بەخت یاوەرمان بوو لە کۆتا ساتەکانی ژیانماندا بروسکەیەکیان پێگەیشت (هەموو کردەکان بووەستێنن) . هەربۆیە دوای دوو رۆژ ٨/٩ هێنایانینەوە بۆناحێی عەربەتی نزیک شاری سلێمانی، لەوێ جارێکی تر سەیارەیان هێناو سواریان کردینەوە بۆ چەمچەماڵ و ئازادکراین .
دوای ئەوەی باپیرەم گەرایەوە ناومان دەیگێرایەوە (هەموو ڕۆژێک خەڵک دەمردن، من دەم شۆردن و دواتر لەپشتی قەڵای نوگرەسەلمانەوە دەخرانە ژێر (لم) قومەوە، بەڵام هەر زوو سەگە رەشەکانی ئەو نزیکانە دەریان دەهێنانەوەو لاشەکانیانی دەخوارد)
سوپاس بۆ: قادر کامیل کوڕی ئەنفالکراوکامیل شێخ رەشید کەزانیاری پیداین .
