سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
کەسێک لازۆی دیبێ
کەسێک لازۆی دیبێ
ڕۆمانێکی مامۆستا (حەمەفەریق حەسەن)ە، ڕۆمانێک کە توانیویەتی چۆڕاوگەی خوێنی بزوتنەوەیەک وێنابکا، بە شێوەیەک کە نووسەر سێ قۆناغی گرنگ دەخاتە ڕوو:-
نووسەر دەیەوێ ئەو پەیامەمان پێ بڵێ کە دەتوانرێ،پشت بە یەکێ لە دیرۆکی ژیانی پێشمەرگەیەک ببەسترێ، بۆ ئەوەی ناسنامەی ئەو بزوتنەوەیە بناسرێ، کە لە دە ساڵێ سەدە ڕابردوودا بە شەڕی براکان سەری هەڵدا و بە و جینیوساید کۆتایی پێ هات و سەدان مرۆڤ و گوند و ئاوایی سارای زەوی کران.
یەکەم کە چۆن لاوێکی خوێن گەرم دەبێتە پێشمەرگە و دەیەوێ بەرگری لە نەتەوە و نیشتیمانەکەی بکا، کە چۆن ژیانی شار بەجێ دەهێڵێ و دوور لە هەموو کینێکی شەڕی براکان چەکی پێشمەرگایەتی دەکاتە شان. لە دەیان داستان و شەڕدا بەشداری دەکا و پلەی فەرمانداریش وەردەگرێ. هێندە ئەزمون پەیدا بکا، کە تەرازوو و بارسەنگیی سەربازی و سیاسی زوو بەدی بکا، کە بزانێ کام کرد پتر سوودی نیشتیمانی هەبێ..
نووسەر هەروەک چۆن لە ڕۆمانی پێشوی( کوڕەزاکەی زیتۆ)، بەشێوەیەکی وا وێنە سروشتی جوانی کوردستان دەکا و چرپە و جوانی و ئەڤین لە ڕیی خامەکەیەوە، دەنەخشێنێ، ئاواش لەم ڕۆمانەدا، گەشتی ئەو پێشمەرگەیە بە بن بەرد و کەمەری کێوان و دۆڵە کپەکاندا پڕ تیشکی پەلکەزێڕنەی بەهار و سەرمای وەزەکان و شەوانی پڕ ئەستێرە، ڕوماڵی نووسین دەکا.
نووسەر باسی قۆناغی دووەمی پاکتاوی نەژادی و جینۆسایدی داگیرکەران و وێران بوون و لە ناوبردنی ئازیزانی ئەو پێشمەرگەیە و خەلکی ئاساییش فەرامۆش نەکردوە. ئازاری ئەو پێشمەرگەیە و خەڵکانی دی کە گوندەکانیان دەڕوخێ، بە کامیرای خامەی وێنە دەگرێ.
ئەوەی کە زۆر سەرنجی منی ڕاکێشا، سێیەم قۆناغی ئەم ڕۆمانەیە، کە نووسەر تەرخانیکردوە بۆ ڕاپەڕین و هاتنەوە بۆ ناو شاری ئەو پێشمەرگەیەیە، کە سەرباری خەباتێکی درێژخایەن، سەرانی سەروتری، بە شێوەیەکی نادیار لە ناوی دەبەن. ئەو دیاردە قێزەونە، دەرهاویشتەی شەڕی نەگریسی براکانە و کینەی ئەو سەرکردانەیە بەرامبەر پێشمەرگەی ئازا و نیشتیمانپەروەر، کە دەها پلانیان بۆ داناون و تەپکەی کوشتنیان بۆ ناونەتەوە، هەشبووە ناردویانە بۆ شەڕ و لە پشتەوە تیرۆریان کردوە.
لە ڕوی دەروونیشەوە، نووسەر توانیوویەتی زەبری دەروونی باب و دایکی لازۆ، بخاتە بەر لێکۆڵینەوەیەکی وێژەیی کە چۆن بە دەم ئازارەوە باوەڕییان نەکردوە کە کۆڕەکەیان، سەرانی بە ناو شۆڕش لە ناویان بردووە. نەیان ویستوە، باوەڕ بە خۆیان بهێنن کە کوڕەکەیان لە دەستداوە.
لە کۆتاییدا ئەم جۆرە ڕۆمانانەیە کە دەبنە پردی بەستنەوەی مێژوویی نێوان نەتەوەکان نیشتیمان، گەنجینەیەکی فەرهەنگی و سەرمایەیەکی نەتەوەیی، کە جێگەی، ڕەخنەو شانازیش بن، کە ببنە ئامرازی ناسنامەیەکی هاوبەش.
دووبارە دەستخۆشی دەڵێم بە نووسەر و هیوای سەرکەوتنی بۆ دەخوازم!
ئاسۆ بیارەیی
١٦ی چواری ٢٠١٧
