سهردێرهكان
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
- جینۆسایدی کورد و جینۆسایدی جولەکە. -………………… سروە نوری ئەزیز
کارەکتەرێکی فیلمی هەزارویەک سێو کۆچی دوایی کرد
کارەکتەرێکی فیلمی هەزارویەک سێو کۆچی دوایی کرد
(دولبەر مەجید فارس) خەڵكی دێی (عەزیز قادر )ی سەر بەناحێی سەرقەڵای کفریە، دڵنیام ئەم وێنەیە بەبینەرانی فیلم و خوێنەرانی ماڵپەڕەکان نامۆنیە، لەڕێگەی ئەم وێنەیەوە خەڵکێکی زۆر بەر روخساری کەوتوون،بەڵام زۆر بەکەمی ئاگاداری خەم وچیرۆکی ئەون، تەنانەت زۆرجار ئەم وێنەیە لەلایەن خەڵکانی ترەوە بەکارهێنراوە بێ ئەوەی بزانن وێنەگرەکەی کێیە ! سەرەتای ساڵی ٢٠١٢ لەگوندی عەزیز قادر بۆیەکەمجار دولبەر خۆی لەبەرانبەر کامێرادا بینیەوە وێنەکە ئەوینی شەریفی گرتوویەتی .
دولبەر لە پێناسی باری کەسێتیدا ناوێکی کوردی زۆر جوانی هەیە (دڵاران) بەڵام خزم وکەسوکار هەر پێیانگوتووە دلبەر لە دایکبووی ساڵی (١٩٣٧)بوو، پێش ئەنفال دایک و باوکی هەر لەگوندی عەزیز قادر کۆچی دواییان کردووەو لەبەر ئەوەی هاوسەرگیری نەکردبوو هەر لەگەڵ براکانی دەژیا، بەڵام لەپەلاماری ئەنفالدا براو برازاکانی و زۆربەی کەسوکارەکەی ئەنفالکران، بۆیە لەدوای ئەنفالکردنی براکانی هەتا ئەو کاتەی کۆچی دوایی کرد، لەلای برازایەکی بەناوی (حەسەن مەحمود) دەژیا. براکانی ئەحمەدو مەحمودو محەمەد ئەنفالکران و رەوانەی قەڵای نوگرەسەلمان کران، ئەحمەد هەر لەنوگرەسەلمان مردوو، محمودو محەمدیش دوای گەرانەوەیان لە نوگرە سەلمان لیرە مردن. محەمەد هەموو منداڵەکانی ئەنفالکراون تەنها یەک کوری ماوە بەناوی جەلال، مەحمودیش هاوژین و منداڵەکانی ئەنفالکراون بەم ناوانە ( زوبێدە محەمەد عەزیز – هاوسەری) کورەکانی (عەلی و حوسێن) کچەکانیشی (سوعاد و سەرگول وکافیە). مەحمود تەنها یەک کوری ماوە بەناوی (حەسەن) ئەویش سەعید جافی موستەشار داڵدەی دابوو .
ڕۆژی ١٩/١/٢٠١٢ لەگەڵ تیمی فیلمسازی ( فیلمی هەزارو یەک سێو) لەگەڵ هونەرمەندی سینەماکار تەهاکەریمی گەیشتینە گوندی عەزیز قادر، لەوێ چاومان بە دولبەر مەجید کەوت، وەک لەوێنەکەدا دیارە سێوێکی سوری دەبەدەستەوەیە و لەبەرانبەر کامێرامانەکە وەستاوە، ئەم ژنە ئەگەر خانەوەنی هیچ سەرمایەو سەروەریەک نەبووبێ خاوەنی ئەو سەرمایەیە کە بەشداری لە فیلمی هەزارو یەک سێودا دا دەکات کە گوزارشتە لە تاوانێکی کۆمەڵکوژی و ساڵانێکی زۆر دولبەرو هەزاران ئینسانی لەچاوەڕوانیدا هێشتبووەوە .
دولبەر مەجید لە روخساریدا هەزاران خەم بەدیدەکران، ئەم ئینسانە خاوەنی هەڵوێستێکی زۆرتایبەت بوو، ئەو موچەی براکانی رەتکردەوەو ئامادە نەبوو وەریبگرێت، ئەوە لەکاتێکدا بوو کەوا ماڵێکی نەبوو تێدا بژێت بەڵکو زۆر پێویستی پێی بوو، بەداخەوە دوای ململانێیەكی زۆر لەگەڵ نەخۆشیدا ڕۆژی ٥/١٢/٢٠١٦ کۆچی دوایی کردو بۆ هەتا هەتایە، ماڵئاوایی لەم دنیا نا عەدالەت و نابەرانبەرە کرد.
بەناوی ماڵپەرو پەیجی ئەنفالستانەوە پرسەو سەرەخۆشی خۆمان ئاراستەی کەسوکاری بەتایبەت کاک (حەسەن مەحمود) و کاک لوقمان و کاک سیامەند غەفور دەکەین .
