سهردێرهكان
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
- جینۆسایدی کورد و جینۆسایدی جولەکە. -………………… سروە نوری ئەزیز
- لە نێوان قەفەسی ئایخمان و حکومەتی فەرامۆشیدا. – …………………. د.کامەران محەمەد
پرۆفایلی ئەنفالکراوان وەهاب ڕەشید محێدین
پرۆفایلی ئەنفالکراوان
ئا: عومەر محەمەد
(١)
وەهاب ڕەشید محێدین
لە دایکبووی ساڵی ١٩٦٨
دانیشتووی گوندی رەزای ناوچەی داوێی.
پلەی خوێندەواری : پۆلی یەکەمی ناوەندی.
گەرمیان لەسێ عەشیرەتی گەورە پێکهاتووە (جاف،زەنگنە،داوێ) بۆیە گوندەکانیشیان زیاتر بەناوچەی عەشیرەتەکان دەناسرێنەوە.
لەقۆناغی سێهەمی پەلاماری ئەنفالدا کەلە ٧ی نیساندا دەستی پێکردو لە ٢٠ی نیسان کۆتایی هات، هەموو گەرمیانی گرتەوە بەهۆیەوە خەڵکێکی زۆری ئەو گوندانە ئەنفالکران و گوندنشینەکان زەرەری گیانی زۆریان بەرکەوت، گوندی واهەیە نزیکەی ٣٠٠ کەسیان ئەنفالکراون. لەوپەلامارەدا گوندەکانی ناوچەی داوێ پێدەچێت ژمارەی ئەنفالکراوەکانی ئەم عەشیرەتە لەهەردووک عەشیرەتی جاف وزەنگنە زیاتربن .
وەهاب رەشید کەلەوێنەکەدا دیارە لەکاتی ئەنفالدا تەمەنی ٢٠ ساڵ بوو، ئەوتەنها گەنجێکی سڤیل و لادێ نشین و کاسبی ماڵی خۆی بوو،ئەو چەکەی لەوێنەکەدا بەسەرشانیەوەیەتی تەنها بۆیادەوەری بووەو ئەو وێنەیەی پێوەگرتووە لەبەرئەوەی وەک هەرگەنجێکی لادێ نشین زۆر ئارەزوی لەچەک هەڵگرتن بووە،دەنا چەکەکە کەجۆری ژێرسێی ئێرانیە هی خۆی نەبووە، بەڵکو هی کورێکی ئامۆزای بووە بەناوی (محەمەد خورشيد محێدین) بەداخەوە ئەویش ئەنفالکراوەو سێ منداڵی لەدوا بەجێماوە.
وەهاب رەشید هێشتا هاوسەرگیری نەکردبوو،لە ناوەراستی مانگی نیسانی ساڵی ١٩٨٨ لەگەڵ خەڵکی گەرمیاندا گیران و ئەنفالکران لەناویاندا برایەکی بەناوی یاسین و (٣٥) کەس لەخزمەکانی گیران و ئەنفالکران کە زۆربەیان ژن ومنداڵ وئامۆزاومیمزای بوون .
سەرچاوەی زانیاری هاورێ پێشرەو برای ئەنفالکراو.
