سهردێرهكان
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
- جینۆسایدی کورد و جینۆسایدی جولەکە. -………………… سروە نوری ئەزیز
- لە نێوان قەفەسی ئایخمان و حکومەتی فەرامۆشیدا. – …………………. د.کامەران محەمەد
تەیمور عەبدوڵا سزای هەتاهەتایی درا .
تەیمور عەبدوڵا سزای هەتاهەتایی درا
ئەنفالستان : ئەمرۆ ١٥ی ئابی ٢٠١٦ دوای ساڵێک حەوت مانگ لە راگرتنیان لە زیندان بەتۆمەتی کوشتن، دادگای تاوانەکانی کەرکوک – گەرمیان سزای زیندانی ھەتا ھەتایی بۆ هەریەک لە تۆمەتباران (تەیمور عەبدوڵا ئەحمەد) و حوسێن محەمەد دیاری کرد، بەتۆمەتی ئەوەی دەستیان لە کوشتنی بەڕێوەبەری پۆلیسی دارستانی ناحیەی کولەجۆی سەر بەقەزای کفریدا هەبووە.
سیروان سەیوان، پارێزەری تەیمورعەبدوڵا بە کەناڵی ئێن ئاڕتی ڕاگەیاند: “ئەمرۆ دادگای تاوانەکانی کەرکوک لە گەرمیان لەسەر کوشتنی حەمە نوری کە بەڕێوەبەری پۆلیسی ناحیەی کۆلۆجۆ بوو لە کفری، سزای زیندانی ھەتا ھەتایی بۆ دووکەس دەرکرد کە یەکێکیان تاقانەیەکی ئەنفالە، بەناوی تەیمور. پارێزەرەکەی تانە لە بریارەکە دەداو دەڵێت: لە دوای ٣٠ رۆژی دیکە تانە لە بڕیارەکە دەدەین و تەمیزی دەکەینەوە”. پارێزەرێکی تری تەیمورعەبدوڵا بەناوی بەختیار سزای هەتا هەتایی بە تاوان ناو دەباو دەڵێت : لەماوەی مانگێکدا تەمیزی دەکەینەوە. لە دیدارێکی تەلەفزیونی ڕوداودا وتی: راستە ئەوان پێشتر کێشەیان بووە، بەڵام کە لەبەردەم ماڵی حەمەنوری تاوانی کوشتنی دوو کەس ڕویداوە تەیمورو حوسێن محەمەد لەسەرداوای ئاسۆ عەلی چوون بۆ ماڵی نوری رەحیم بۆئەوەی نیازپاکی خۆیان پیشان بدەن و دڵی حەمە نوری چاک بکەنەوە کە رۆژی پێشتر دەمە قاڵەیان بووە .
بەڵام ئەفسوس چیرۆکەکە هەرچۆنێک بووبێت روداوێکە، دوو مرۆڤی تێدا بوونە قوربانی و گیانیان لەدەستدا، کە یەکێکیان (ئاسۆ عەلی) و ئەوی تریش نوری رەحیم، ناسراو بە (حەمە نوری)یە، کە لەو روداوەدا گیانیان لەدەستدا.
ئاسۆ عەلی ئامۆزای تەیمورو خەڵکی گوندی کوڵەجۆی حاجی حەمەجانەو زۆرێک لەکەسوکارەکەی لە پەلاماری ئەنفالی ناوچەی گەرمیان بەرکەوتن وئەنفالکران .
حەمەنوریش کە دوای گیان لەدەستدانی رێکخراوەکان نازناوی یەکەمین شەهیدی ژینگەیان لێ نا، تاقەنا دەربازبوویەکی خانەوادەکەی بوو لەتاوانی ئەنفالدا، لە ڕێوڕەسمێکی تایبەت بەتاقانەکانی ئەنفالدا لەشاری کەلار قسە بۆ ئەنفال دەکات و دەڵێت : من حەمە نوری خەڵکی گوندی عالیانم هەموو خانەوادەکەم ئەنفالکراون ولە ماڵی خۆماندا تەنها خۆم برایەکم دەربازبووین بەداخەوە براکەشم لە ڕاپەڕینی ساڵی ١٩٩١ لەگرتنەوەی شاری خورماتوو شەهید بوو، ئێستا تەنها خۆم لەژیاندا ماوم .
حەمە نوری بەڕێوەبەری پۆلیسی دارستانی کولەجۆی سەربەقەزای کفری بوو، کە زێدی تەیمورو شوێنی نیشتەجێی باب و باپیری بوون، لە ڕۆژی ١٣ی کانوونی دووەمی ساڵی ٢٠١٥ لە بەرئەوەی ڕێگای نەداوە تەیمورو ئامۆزاکەی بەناوی (ئاسۆعەلی) ڕاوبکەن توشی گرژی و دەمەقاڵە بوون و رۆژی دوایی ١٤ی کانوونی دووەم لە پێش دەرگای ماڵەکەی خۆیان لە قەزای کەلار پاش دروستبونەوەی گرژی ودەمەقاڵە لە نیوانیاندا دەسترێژی گولە بیستراو بەهۆیەوە حەمە نوری و ئاسۆ عەلی گیانیان لەدەستداو تەیمور عەبدوڵاو ساڵح بەتۆمەتی کوشتنی حەمەعەلی دەستگیرکران، بەڵام هێشتا کوژرانی ئاسۆ کە ئەویش کەسوکاری ئەنفالکراوانەو ئامۆزای تەیمورە بەنادیاری ولە تەموومژدا ماوەتەوە. ئەمرۆ سەرۆکایەتی دادگای کەرکوک لەکەلار بریاری لە دۆسێکەداو تەیمور عەبدوڵاو حوسێن محەمەدی، بە سزای هەتا هەتایی یەکلایی کردەوە.
تەیمور عەبدوڵا ئەحمەد، لەکاتی پەلاماری ئەنفالدا تەمەنی ١٢ ساڵ بوو، دوای ئەوەی لەگەرمیان گیران وئەنفال کران، رەوانەی بیابانەکانی پارێزگای سەماوە کران و لە دەمەو ئێوارەیەکدا بەکۆمەڵ گوللە بارانکران، لەو تاوانەدا دایک و خوشکەکانی لەگەڵ هەموو خەڵکەکەی تردا لە گۆرێکی بەکۆمەڵدا کوژران و تەیمور بەبرینداری لەو کۆمەڵکوژیە رزگاری بوو، دوای سێ ساڵ لەداڵدەدانی لەلایەن خانەوادەیەکی عەرەبەوە، بەهۆی سەربازێکی کوردەوە بەناوی ئەسعەد حەمە صاڵح دۆزرایەوەو هەر بەهۆی ئەو سەربازەو حەمەصاڵحی باوکیەوە هێنرایەوە بۆ گەرمیان .
