سهردێرهكان
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
- کۆمەڵێک بیرۆکەو پێشنیار بۆ دیدێکی نوێ بۆ یادکردنەوەی تاوانەکانی جێنۆساید …………………………هۆمەر محەمەد
- پێشەکی نۆڤێلەی “سێوسێنان” …….نووسینی میران ئەبراهام
- خوێندنەوەی پشت قسەکانی عەلی حەسەن مەجید. دەربارەی ئەنفال و لێکەوتەکانی .. هۆمەر محەمەد
ئەمرۆ یادی کۆمەلکوژییەکی تری دۆڵی بالیسانە
ئەمرۆ یادی کۆمەلکوژییەکی تری دۆڵی بالیسانە
ئەمرۆ ٣١ی تەموز یادی
٣٣ هەمین ساڵەی کۆمەلکوژی بارزانیەکانە هاوکات یادی ٢٩ هەمین ساڵەی کۆمەلکوژی دووەمی خەڵکی بالیسانە کە لەچیاکان مابوونەوە، لە پەلامارەکانی ئەنفالدا پێشمەرگەکانی یەکێتی لە مەلبەندی سێ بەبەردەوامی بەرگریان دەکردو بەرپەرچی پەلامارەکانی بەعسیان دەدایەوە، سوپا بەبەردەوامی هێرشی دەکردو سەرباری بەکارهێنانی گازو بۆمبی هێشوویی کەلەجەنگدا زۆر کاریگەر بوو، بەڵام پێشمەرگە هەردەجەنگان، پاش سێ مانگ لەبەرگری رۆژی ٢٦ی تەمووز بوو دەکەوتە ڕۆژێك دوای جەژنی قوربان فەرماندەكانی مەڵبەندی سێ كۆبوونەوەیەكی لە ناكاویان كردو بڕیاریاندا كەوا پاشەكشە تاقە ڕێگایە لەبەردەمیاندا.
نەخشەی پاشەکشە دانراو بریاردرا پێشمەرگەی بەتوانا و كارا لەدواوە بمێننەوە بۆهەڵكوتانە سەر هێزی حكوومەت و پارێزگاری كردن لەپاشەكشە، بەڵام كە كشانەوە دەستیپێكرد هێزی ئاسمانیی عێراق كەوتە هێرشكردنێكی قورس بەچەكی كیمیایی. نووسراوی ژمارە (ش٣/ق٣/١٤١٢٧)ی ڕۆژی ١٧ی ئابی ١٩٨٨ هەواڵگری رێكخراوی ناوچەی ڕۆرهەڵات، کە ئاراستەی هەواڵگری گشتیی (ش٣) کراوە ئاماژە بە بۆمبارانی کیمیایی رۆژی (٣١/٧/١٩٨٨ )دەکات دەنوسێت : هێزەكانمان بە گازی کیمیایی لەناوچەی بالیسانیانداوە . لە نوسراوەکەدا لەبری چەکی کیمیایی بە (عیتاد الخاص) نوسراوە کە بەواتای چەکی تایبەت دێت.
ئەمجارەش گشت دۆڵە سەرەكییەكانی (بالیسان،خەتێ ،مەلەكان، وەرتێ، هیران، سماقووڵی) كوتاو هەموویان بە چری بۆردومانکران، زیانی گیانی زۆری لێکەوتەوە بەڵام گازبارانی رۆژی ٣١ی تەموز سامناکتر بوو، هەندێک خانەوادەی خەڵکی بالیسان کە هەتا ئەوکات لە چیا بوون و لەناو (ئەشکەوتی کونە سیخور) جێگەیەکیان بۆخۆیان دۆزیبووەوە و تیایدا دەژیان فرۆکەکانی بەعس چوونە ئاسمانی ناوچەکەو بە چری بۆردومانی کیمیایی کردو ئەو خانەوادانەشیان لەناو بردو شەهید بوون ئەوانەش بریتی بوون لە ماڵی جەعفەر حەمەدو هاوژینەکەی بە ناوی ئامینەو کچەکەی بەناوی بەناز ئەم خانەوادەیە تەنها کورێکیان دەربازبووە بەناوی هەندرێن کە ئەوسا لە شەقڵاوە لەماڵی باپیری بووەو ئێستا ئیمام وخەتیبی مزگەوتیکی شاری هەولێرە.
هاوکات خانەوادەیەکی تری بالیسان بەناوی سەلام و هاوژینەکەی و منداڵەکەی بەناوی گەردۆ لەو بۆمبارانە کیمیاییەدا، شەهید بوون، بەگشتی لە کیمیابارانکردنی چیای هەورێ وئەشکەوتی کونە سیخوڕدا ١٨ کەس بریندار بوون و٦ کەسیش گیانیان لەدەستدا .
جگەلەم کۆمەلکوژیە هەرلەو بۆردومانەدا لە چیاکانی ناوچەی دۆلی مەلەکان ودۆڵی ئاکۆیان کە پیشمەرگەی مەڵبەندی سێی یەکێتی بەرگریان تێدا دەکرد ١٥ پێشمەرگەی تریش لەشوێنی جیاجیا بەگاز شەهیدو بریندار بوون.
وێنەکە ئەشکەوتی کونە سیخورە لە ئەکاونتی مامۆستا هەندرێن بالیسانی وەرگیراوە
