سهردێرهكان
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
- جینۆسایدی کورد و جینۆسایدی جولەکە. -………………… سروە نوری ئەزیز
- لە نێوان قەفەسی ئایخمان و حکومەتی فەرامۆشیدا. – …………………. د.کامەران محەمەد
پەرلەمانی ئەڵمانیا بە نیازە کۆمەڵکوژی ئەرمەنیەکان بناسێنی
پەرلەمانی ئەڵمانیا بە نیازە کۆمەڵکوژی ئەرمەنیەکان بناسێنی
د.ناجح گوڵپی 15/5/2016
سەرەرای نارازی بوونی دەو
لەتی تورک پەرلەمانی ئەڵمانیا (بوندستانج) بەنیازە کوشتاری ئەرمەن و ئاسوری و کلدان و مەسیحیەکانی تری ژێر قەلەمڕەوی دەولەتی عوسمانی بە جینۆساید بناسێنی.
لە پێگەی ئەلیکترۆنی پەرلەمانی ئەڵمانیا هاتوە دەڵێ : لە دوی حوزەیرانی داهاتودا (2/6/2016 ) ،دانیشتنێکی تایبەت ساز دەکرێ لە سەر پێشنیاری هەرسێ حزبی یەکێتی مەسیحی بە سەرۆکایەتی ڕاوێژکاری حکومەتی ئەڵمانیا ئەنگیلا مێرکل، و حزبی سۆشیال دیموکرات، وحزبی سەوزی ئەڵمانی، سەبارەت بە گفتوگۆ لەسەر ” بیرەوەری و زیندو هێشتنەوەی کۆمەڵکوژی(جینۆسایدی) ئەرمەن و ئاسوری و کەمینە مەسیحیەکانی تر پێش سەدو یەک ساڵ “
سەرۆکی حزبی سەوزی ئەڵمانی رای گەیاند بۆ هەفتەنامەی “بیلد ام زونتاج” کە ئەمرۆ 15/5/2016 یەکشەممە دەرچوە، ووتی چاوەڕێ توڕەیی و قەڵسی ڕژێمەکەی ئەردۆگان دەکەین، بەلام پەرلەمانی ئەڵمانیا بەهۆی زوڵم و خۆسەپاندنەکانی ئەردۆغانەوە بێزار نابێت و لەسەر کاری خۆی بەردەوام دەبێ.
هەرلەسەر ئەم بابەتە سەرۆکی فراکسیۆنی سۆشیال دیموکراتەکان لە پەرلەمانی ئەڵمانیا “تۆماس اوبرمان” رای گەیاند ، ئەڵمانیا دەچێتە ژێر باری لێپرسراویەتێکی مێژوویی گەورەوە، بەتایبەت لە کاتیکدا کە ئەڵمانیا هاوپەیمانی ئەوکاتەی دەولەتی عوسمانی بوە، وەپشتراستی کردوە کە ئەم کارە دەچێتە پێشەوە سەرباری گفتوگۆکانی سیاسی و ڕۆژانە ی تایبەت بە پەنابەران لەنیوان تورکیا و ئەڵمانیا.
جینۆسایدی ئەرمەن و ئاسوری وکلدان ( مەسیحیەکانی ژێر دەسەلاتی دەولەتی عوسمانی ) لە ساڵی 24/4/1915 بەدواوە دەستی پێکردوە ،مەزەندە دەکرێ کە ملیۆن و نیوێک مرۆڤ کۆمەڵکوژ کرا بێت، تائیستا تورکیا نکۆڵی دەکات ،بەلام چەندین دەولەت و ڕیکخراوی جیهانی و پەرلەمانەکانی ولاتان ئەم تاوانەیان بە جینۆساید ناساندوە ، وڕۆژ بەڕۆژ ناساندن لەسەر ئاستی جیهان بەرەو پێش دەڕوات.
وێنەکە پەرلەمانی ئەڵمانیا
