سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
یادی ئەنفال لە گۆپتەپەو جەلەمۆرد
یادی ئەنفال لە گۆپتەپەو جەلەمۆرد
خەرجیەکی کەم و یادێکی شایستە
گۆپتەپە :
ئەنفالستان :گۆپتەپەی شەهیدان خەرجییەکی کەم و یادێکی شایستە
لەکاتێکدا زۆربەی ناوچەکان یادکردنەوەی قوربانیانی ئەنفالیان بایکۆد کرد، کە ئەوە (تەواو جێگەی رەخنەیە)، هەندێک شوێنیش یادی شایستەی کەسوکارە ئەنفالکراوەکانیان دەکەنەوە، گوندی گۆپتەپەی کیمیابارانکراو، لەسەرئەرکی خۆیان یادی ئەنفال وکیمیابارانیان کردەوەو رێزیان لە قوربانیەکانیان نا، بەبێ ئەوەی چاوەروانی دەستی حکومەت و بەرپرسان بن، لەو بارەیەوە مامۆستا هێمن عەبدولا بە ماڵپەری ئەنفالستانی راگەیاند : لەپیشەوە کۆمەڵە کەسێکی گوندەکە کۆبووینەوەو وەک رەمزێک بۆ یادی ٢٨هەمین ساڵیادی کیمیاباران وئەنفالکردنی گوندەکەمان هەریەکەو ٢٨٠٠٠ بیستوهەشت هەزاردینارمان داناو دواتر خەلکی تر هاتنە پێشەوەو وتیان ئێمەش بەشدار دەبین ؟ چونکە ئێمەش بەشمان بەم یادەوە هەیەو ئەرکیشمان لەئەستۆیە ئیدی بەو شێوەیە یادەکە بەکۆمەکی دەستەجەمعی کرایەوەو سەرئەنجام هەریەکەو ١٦٠٠٠ شانزە هەزاردیناریان پیبراوە خەرجی یادەکەیان دابین کرد کە بەهەمووی ٢٥٢ دوسەدوپەنجاو دووهەزارخەرجی یادەکە بوو یادیان کردەوە.
فەرموون چاو لە گۆپتەپە و سبەی جەلەمۆرد بکەن ئیدی کە ئیرادە هەبێ بایکۆت چ سودێکمان پێدەگەیەنێ ؟ بایکۆت جگەلەوەی رۆحی قوربانیەکان ئازار دەدات چی ترە ؟
رۆژی ١٠ی ئایار ٢٠١٦ یادی جەلەمۆرد کرایەوە
لە یادی ئەنفالکردنی قوربانیانی ئەنفالدا خەڵکی جەلەمۆردو گوندەکانی بناری خاڵخاڵان لەسەرئەرکی خۆیان و کۆمەکێکی کەمی کۆمپانیای داناغاز رۆژی ١٠ی ئایاری ساڵی ٢٠١٦ لەگوندی جەلەمۆرد یادی قوربانیانی تاوانی ئەنفال کرایەوە، لەو یادەدا کە کەسوکاری قوربانیانی ئەنفال پێی هەستابوون جگەلە وتاری کەسوکاری قوربنایان چالاکی هونەریش بەرێوەچوو، لەمیانەیاندا دیمەنێکی شانۆیی و پێشانگایەکی فۆتۆگرافی لەلایەن مامۆستا هێمن عەبدوڵا کرایەوە کە (٢٨) فۆتۆی لە خۆگرتبوو، وەک
ئاماژەیەک بۆ (٢٨)هەمین ساڵیادی تاوانی ئەنفال تەنها ئەو ژمارەیە نمایشکران، وێنەکان کەلەلایەن هێمن عەبدولاوە لە ناوچەجیاوازەکاندا گیرابوون گوزارشت بوون لە ژیان و مەینەتی وچاوەروانی و یادەکانی ئةنفال وكيمياباران لةناوچةجياوازةكانى كوردستان..کە بریتی بوون لە گەرمیان، هەڵەبجە، چەمچەماڵ..گۆپتەپەو عەسکەر بۆگد..بالیسان و شيخ وةسانان. جەلەمۆرد…هەروەها وێنەی گوندی کورێمێ لە پارێزگای دهۆك. نمایشکران.
هەر لەیادی 28سالەی تاوانی ئەنفالكردنی گوندی جەلەمۆرد و گوندەكانی بناری خالخالان لەگوندی جەلەمۆرد چەندین خەلاتی رێز لێنان بەخشرانە کەسایەتی ولایەنی جیاواز .کەیەکێک لەوانە سەرنوسەری ماڵپەری ئەنفالستان بوو .
سالی ١٩٨٨ پەلاماری ئەنفال گەیشتە ناوچەی شوان وشێخ بزێنی وقەلا سێوکەو خەڵکی ناوچەکەی روبەری تاوانی گەورەو کۆمەڵکوژی کردەوە لە ١٠ ئایاری ساڵی ١٩٨٨ سوپا گەیشتە گوندەکانی دەوروبەری جەلەمۆرد و هەموو ئەو خەڵکەیان دەستگیرکرد کە لە دۆڵێکدا بەناوی بابەروشە لە نزیک گوندی جەلەمۆرد خۆیان شاردبووەوە بەڵام لەلایەن سوپاو جاشەوە گیران وئەنفالکران، کە تەنها لە گوندی جەلەمۆرد زیاتر لە ٤٠٠ کەس و لەگوندەکانی گۆپتەپەو عەسکەریش نزیکەی ٦٠٠ کەس و لەگوندی کانی هەنجیر ١٢٤ کەس و جقولیجە ١٢٠ کەس و لە شێخان ١١٨ کەس ولە گلناغاجیش نزیکە ١٠٠ کەس ئەنفالکران وجارێکی تر نەبینرانەوە.
