سهردێرهكان
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
- جینۆسایدی کورد و جینۆسایدی جولەکە. -………………… سروە نوری ئەزیز
باهەموومان ١٠ی ئایار لە (جەلەمۆرد)بین
رۆژی ١٠ی ئایاری ٢٠١٦ یادی قوربانیانی تاوانی ئەنفالکردنی گوندی جەلەمۆرد، دەکرێتەوە، هەر بەوبۆنەیەوە لیژنەی ئامادەکاری یادەکە داوا لەخەڵکی کوردستان دەکەن بەشداری بکەن کە رۆژی ١٠ی ئایار کاتژمێر ١٠ی سەرلەبەیانی لە مۆنۆمێنتی گوندی جەلەمۆرد بەرێوەدەچێت. ئەم یادە لەکاتێکدا دەکرێتەوە کە لەزۆربەی ناوچەکانی تری هەرێمی کوردستان یادی ئەنفال بایکۆت کرا، بەڵام رۆژی ١٠ مانگ کەسوکاری قوربانیانی ئەنفال لە گوندی جەلەمۆرد ئەو یادە دەکەنەوەو رێز لە قوربانیەکانیان دەگرن .
بەرلە ئۆپەراسیونەکانی ئەنفال جەلەمۆرد یەکێک بوو لەو گوندە قەرەباڵغانەی بناری خاڵڵان، بەلام لەپەلامارەکەدا دوای کیمیابارانکردنی گۆپتەپەو عەسکەر لەرۆژی ٣ی ئایاردا هێزەکانی سوپا دەستیان کرد بەهێرش وپەلامارو گوندی جەلەمۆردو گوندەکانی دەوروبەری لە رۆژی ١١مانگی ئایاری ئەوساڵەدا بەرپەلاماری ئەنفالکەوتن و خەڵکێکی زۆر گیران و ئەنفالکران پەلامارەکە هێندە درندانە بوو تەنها لە گوندی جەلەمۆرد نزیکە ٥٠٠ کەس گیران و ئەنفالکران، کەسەرئەنجام ٤٧١ کەسیان بێسەروشوێنکران وجارێکی تر نەبینرانەوە، ئەگەرچی ناوچەکە خەڵکێکی زۆری ئەنفالکراون بەڵام جەلەمۆرد لەبەرئەوەی گورزی گەورەی بەرکەوتوو بەهۆیەوە زۆرترین رێژەی ئەنفالکراو و شەهیدیان بە ئازادی خەڵکی کوردستان بەخشیوەو کەمترین خزمەتگوزارییان پێگەیشتووە. لەلای خەڵکی ناوچەکە نازناوی هەڵەبجەی دووهەمی وەرگرتووە.
