سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
چل و دوهەمین ساڵیادی بۆردومانی قەلادزی
چل و دوهەمین ساڵیادی بۆردومانی قەلادزی
ئەمرۆ یادی بۆمبارانکردن وکۆمەڵکوژی شاری قەڵاتدزێ یە، چلودوو ساڵ پێش ئێستا لەم ڕۆژەدا (24/4/1974 ) فرۆکەوانەکانی هێزی ئاسمانی سوپای بەناونیشتمانی کە جڵەویان بەدەست بەعسیەکانەوە بوو، بێگوێدانە خەڵکی مەدەنی بۆردومانی شاری قەلادزێیان کرد ، لەو کاتەدا زانکۆی سلێمانی گوازرابووەوە بۆ قەڵاتدزێ و بزوتنەوە سیاسی و چەکدارییەکەی گەلی کورد بەسەرکردایەتی بارزانی و هاوکاری شای ئیران و ئەمریکا رژێمی بەعسی تورەکردبوو. زۆربەی خوێنکارانی زانکۆی سلێمانی بۆ درێژەدان خوێندنیان ڕوویانکردە قەڵاتدزێ، رژێمی بەعس ئەم هەنگاوەو بەرپەرچدانەوەیەی پێ قوت نەچوو، بۆیە لەڕیگەی هێزی ئاسمانیەوە فرۆکەکانی ناردە سەر ئاسمانی ئەم شارە بەبۆمبی ناپاڵم بۆردومانی شارەکەیان کرد، بەهۆیەوە کۆمەڵکوژییەکی چەند سەدکەسی لێکەوتەوەو دەیان کەسیش بریندار بوون . بەپێی ئەو ئامارەی هەتا ئێستا ساغکراوەتەوەو هەموو ساڵێک لەساڵیادی بۆمبارانەکەدا دەخرێتە ڕوو سەدو شەست و سێ (163) هاولاتی شەهید بوون، لەوانە بیست(20) کەسیان خوێندکارانی زانکۆی سلێمانی بوون و نزیکەی سەد هاولاتی تریش بریندار بوون.
وەنەبێ ئەم تاوانە دوا کرداری دڵرەقانەی بەعس وسوپا بێت، نەخێر هەر دوو رۆژ دوای بۆردومانکردنی شاری قەڵاتدزێ شاری هەڵەبجەش بەبۆمبی ناپاڵم بۆمبارانکراو نزیکەی ٥٠ کەس شەهیدبوون و ١٠٠ کەسیش برینداربوون.
ئەم تاوانەی بەعس بەهەموو پێوەرەکان دەچێتە خانەی تاوانی جەنگ وتاوانی دژە مرۆڤایەتیەوە، چونکە بۆردومانی هەردوک شاری قەلادزێ وهەلەبجە بە بۆمبی قەدغەکراوی ناپاڵم ، کە ئەوسا دوو شاری قەرەباڵغی کوردستان و شوێنی نیشتەجێ خەڵکەکەی و سەدان خوێندکارو ماڵی ئاوارەی هەڵاتووی دەستی رژێم بوون ، جگەلەوەش بۆمبارانکردنی شووێنی مەدەنی ، بەهەموو پیوەرە یاسایی و نێودەولەتیەکان تاوانی جەنگ وتاوانی دژە مرۆڤایەتیە، لەبەرئەوەی نابێت دەوڵەت و سوپا بەهیچ پاساوێک لە جەنگدا خەڵکی مەدەنی بکەنە ئامانج ،لەکاێکدا کە دەولەتی عیراق پەیماننامەی جنیف و پەیماننامەی بەربەست و قەدەغەکردنی جینۆسایدی واژۆ کردبوو.
ئیدی لە سەرەتای ساڵانی هەشتاکانەوە بەردەوام یادی ئەم بۆمبارانە دەکرایەوەو لە زۆربەی شارەکانی کوردستان خۆپیشاندان بەروی رژێمی بەعسدا دەکران و رژێم ترسێکی زۆری لە هاتنی ئەم ڕێکەوتە (٢٤/٤)بوو.
ماڵپەری ئەنفالستان
٢٤/٤/٢٠١٦ سلێمانی
