سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
تێنەگەیشتن یان نەیانوسیت تێبگەن .؟!
تێنەگەیشتن یان نەیانوسیت تێبگەن . 
عومەر محەمەد
١٨ی ئازاری ٢٠١٦ – سلێمانی
لە کۆنفرانسێکی زانکۆی ئەمریکیدا کە بۆ ناساندنی تاوانەکانی داعش لە دۆسێی ئێزدییەکاندا بە جینۆساید، پرسیم :
مەبەست لە ناساندنی تاوانەکانی (ئەنفال وکیمیابارانی هەڵەبجەو ئێزدیەکان )چییە ؟ ئایا ئێمە هەر بۆئەوە دروست بووین کە جینۆساید بکرێین و چیرۆکەکانمان بۆ خۆمان وئەوانی تربگێڕینەوەو فرمێسک بڕێژین و فرمێسکی درۆینەمان بۆبرێژن ؟ یاخود وەختی ئەوە هاتووە کە دەبێت میکانیزمێک و ئیرادەیەکی نێوخۆیی و نێودەوڵەتی هەبێت بۆئەوەی پێش بەم بەربەرێتیە بگرێت ؟ کاتێک من ئەم پرسیارەم کردو زانکۆی ئەمریکی ئەم کۆنفرانسەی سازدابوو، کە کوردانی باکور، بەهەمان نیازی سرینەوەو پاکتاوکردن لە شارەکانیان لەلایەن ئەردۆگانەوە خرابوونە ژێر گوشارو بۆمبارانەوە. (سەرباری ئەوەی بە چەپڵەی ئامادەبوان دیاربوو کە بەگەرمی پێشوازی لە پرسیارەکەم کرا) بەلام ڕێکخەران و بەرێوەبەرانی کۆنفرانسەکە لەمەبەستی پرسیارەکەی من تێنەگەیشتن (نەیانویست تێبگەن) بۆیە خۆشیان لەوەڵامی پرسیارەکە گێل کردو لە جەولەی دووەمی پرسیارەکاندا دەستبەرزکردنەوەم بێهودە بوو یەکسان بوو، بەنەبیستن ونەبیننم . کەچی وەڵامی پرسیارە لاوەکییەکەم درایەوە کە پرسیم ئامانج لەگرتنی ئەم کۆنفرانسە بۆ ئێزدییەکان چییە ؟ وەڵامەکە ئەمە بوو : ئامانج لێی ناساندنی تاوانی داعشە دژ بەئێزدیەکان وەک تاوانی جینۆساید بەجیهان !
بەڵام پرسیاری سەرەکی ئەمەیە، باشە وا ناساندمان، دوای ئەوە چی دەبێت ؟ خۆیەکێک لەگرنگی بەفەرمی ناساندنی تاوانەکان بەجینۆساید ئەوەیە جارێکی تر تاوانەکە دژ بەگروپی جینۆساید کراو دوبارە نەبێتەوە ؟ بەلام خۆ ئەنفال لە دادگای دەوڵەتیکی دانپێدانراو بەفەرمی وبەبریاری دادگا بەجینۆساید ناسێنراوەوەو پەرلەمانیش دانی پێداناوە بەلام کورد هەر جینۆساید کرایەوە ! داعش ئێزدیەکانی جینۆساید کرد.
ئیدی وەختی ئەوە هاتووە دنیا شەرمەزار بکەین دەرهەق بەو تاوانانە، کەچی ساڵی ٢٠١٠ لە هەڵەبجە کاتێک قونسوڵی ئەڵمانیا هاتبوو بۆ شارەکە هەلەبجەییەک پیامدا هەڵشاخا بە بیانووی ئەوەی من رێزم لە میوانی هەڵەبجە (قونسوڵ) نەگرتووە لەبەرئەوەی پێمگوت تۆ دەبوو بەوەڵامی تەواوەوە بهاتیتایە بۆ ئەم شارە و لێرە داوای لێبوردنت لەخەڵکی ئەم شارە بکردایە چونکە بەرپرسیاری یاساییتان لە ئەستۆیەو کاتی کیمیاباران بە فرۆشتنی مادەی کیمیایی هاوکاری سەدامتان کرد لەدژی دانیشتوانی ئەم شارە .
