سهردێرهكان
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
- جینۆسایدی کورد و جینۆسایدی جولەکە. -………………… سروە نوری ئەزیز
- لە نێوان قەفەسی ئایخمان و حکومەتی فەرامۆشیدا. – …………………. د.کامەران محەمەد
دوای (٢٧) ساڵ چاوەڕوانی،عتیە سەعید عەبدولرەحمان کۆچی دوایی کرد .
دوای (٢٧) ساڵ چاوەڕوانی،عتیە سەعید عەبدولرەحمان کۆچی دوایی کرد .
لە دیدارێکدا بۆ ساڵنامەی ئەنفالستان کۆچکردوو دەڵێت:“ئێستاش دڵم هەردەڵیت منداڵەكانم ماون تامردن هەر چاوەڕوانم بگەڕێنەوە”
ئەنفالستان -گۆپتەپەی شەهیدان. هێمن عەبدوڵا:
عتیە سەعید عەبدولرەحمان، دانیشتوی گوندی گۆپتەپەی سەر بە ناحیەی ئاغجلەر، دوای ٢٧ ساڵ چاوروانی کچەئەنفالکراوەکانی ڕێکەوتی ١٤/١٢/٢٠١٥ لە شاری كەركوك گیانی سپارد.
٢٧ساڵ لەمەو پێش لە رۆژی ٣ی ئایاری ١٩٨٨ لە کیمیابارانی گوندەکەیاندا کۆمەڵێک کەسوکاری گیانیان لەدەستداو رۆژی دوایش کەوتنە دەستهێزە پەلاماردەرەکەی ئەنفال خۆی و هاوسەری (محەمەد ساڵح ئەمین) و هەردوکچەکەی (پەیمان وبەیان) رەوانەی تۆپزاوا کران ولەوێ کچەکانیان لێ جیاکرانەوەو خۆی وهاوسەرەکەی رەوانەی زیندانی نوگرەسەلمان کران و ماوەی شەش مانگ لەو زیندانەدا لەگەڵ خەلکێکی زۆردا دەستبەسەر بوون، لەدوای راپەرین گەرانەوە بۆ گوندو لەگوندی گۆپتەپەنیشتەجێ بوونەوەو دوای ماویەک محەمەدی هاوسەری کۆچی دوایی کردو پورەعتیە بە تەنها لە 
ماڵێکی ساردوسڕدا دەمێنیتەوە،ژیانی پورەعەتیە لەوكاتەوە رووی لەنەهامەتی كرد كەوردە وردە چاوەكانی بەرەكزی دەچوون، پاشان قاچەكانیشی سست بوون و هەرگیز بەبێ كۆچان لەدووی نەدەهاتن دوا ساڵەكانی تەمەنی لەلای كچەزاكانی لەشارەكانی رانیەو كەركوك بەسەر دەبرد، هەتا لەش ساغ بوو هەر لەگوندی گۆپتەپە دەژیا بەتەنها لەگەڵ ئەوەی كوڕی یەكیك
لەكچەكانی لەگەڵی دەژیا بەناوی خەبات..
ئەمشەو ڕیکەوتی ١٤/١٢/٢٠١٥ لە شاری كەركوك گیانی سپارد ،ئەو ئاواتەی لەگەڵ خۆی بردە ژێرگڵ كەهەی بوو بۆگەڕانەوەی منداڵە ئەنفالكراوەكانی
ئەو ناوانەی لە خوارەوە ریزبەند کراون كەسە نزیكەكانی عەتیە بوون کە لە پڕۆسەکانی جینۆساید (ئەنفال وكیمیاباران)ی گوندی گۆپتەپەدا شەهید یان بێسەروشوێن بوون :
- ناجیە سعید عبدالرحمن خوشكی
- پێنچ كچ وچوار كوڕی ناجیە كە دەبن بە خوشكەزای پورە عتیە بەناوەكانی (هاوار،نەسرین ،ڕەنگین،تریفە،قەدرییە، سەلام،ستار،أبراهیم،دلێر )
- دووكچی پورەعتییە بەناوەكانی (پەیمان و بەیان)
- برایەكی بەناوی عەباس سەعیدعبدالرحمن
- برازایەكی بەناوی جەنگی عزیز عبدالرحمن
- دووخوشكەزای تریشی بەناوەكانی (عوسمان كەریم و رەسوڵ كەریم )كەناسرابوو بە( دكتۆرئاسۆ)
بەناوی گۆڤاروماڵپەری ئەنفالستانەوە پرسەو سەرەخۆشی خۆمان ئاراستەی کەسوکاری دەکەین .
تێبینی : هەموو وێنەکان لەلایەن فۆتۆگرافەر (هێمن عەبدوڵاوە)هاتوون .
