سهردێرهكان
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
- جینۆسایدی کورد و جینۆسایدی جولەکە. -………………… سروە نوری ئەزیز
- لە نێوان قەفەسی ئایخمان و حکومەتی فەرامۆشیدا. – …………………. د.کامەران محەمەد
چیرۆکی وێنە منداڵە ئەنفالکراوەکانی گوندی وارانی .
چیرۆکی وێنە، منداڵە ئەنفالکراوەکانی گوندی وارانی .
ئامادە كردنی گۆڤاری ئەنفالستان .
لەگەشتێكیدا گۆڤاری ئەنفالستاندا سەردانی گوندی وارانی خوارومانكرد، لەوێ چاومان بەمامۆستایەک کەوت بەناوی (قادر) لەکاتێکدا سەرقاڵی گفتوگۆ بووین وێنەیەكیان بۆ هێناین كە کۆمەڵێک منداڵی لە خۆگرتبوو وێنەکە ساڵی 1986 گیراوە، لەبارەی ئەو وێنەیەوە مامۆستا قادر سوێندی بۆ میوانەکانی خوارد كە چەندین دەزگاو رێكخراو داوایانکردووە پێم نەداون، بەڵام پێشكەش بەخۆشەویستی و كاری خۆبەخشانەی ئێوەو گۆڤاری ئەنفالستانی دەکەم.
ئەو مناڵانەی كە لە وێنەكەدا دیارن. زۆربەیان ئەنفالكراون، ئەفسوس بەهۆی بچوكی تەمەنیانەوە. ناناسرێنەوە، وەك دیارە منداڵەكان خۆیان گۆریوە ئەو رۆژە خەڵكی گوند بە گەورە و بچوكەوە خۆیان بۆ ئاهەنگی هاوسەرگیری (عەدنان محەمەدو هاوسەرەكەی) ئامادەکردووەو خۆیان جلی جوانیان پۆشیوە.
بەداخەوە دوای دوو ساڵ لە گرتنی ئەو وێنەیەو ئاهەنگی هاوسەرگیری عەدنان و هاوسەرەکەی هەم ئەو منداڵانەی كە لە وێنەكەدا دیارن هەم خێزانو مناڵەكەی كاك عەدنانیش بەرشاڵاوی ئەنفال كەوتن و ئیتر رۆیشتن وجارێکی تر نەبینرانەوە .
منداڵەکانی ناو وێنەکە:
لەلای چەپ وەستاوەكان: هیوا عەزیز، وەزیرە، بوشرا، ساڵح لە ژیاندا ماون، چیمەن محەمەد و كوێستان موحسین و رێزان كەریم ڕێژاو ساڵح ئەنفالكراون .
دانیشتوەكان لەلای راستەوە: توران حەسەن ،مهاباد فازیل محەمەد ئەنفالكراون . ئەوی تر نەناسراوە، زارا ساڵح فازیل ئەنفالكراوە .سێ كچەكەی تریش نەناسراون بەڵام ئەوان ئەنفالكراون . لە دوای بڵاوکردنەوەی ئەم وێنەیە بەرێز جەمال وارانی لە کۆمێنتێکدا نوسیوێتی ( کوێستان و لەمیعە) خوشکی منن، دیارە یەکێک لەو کچانەی نەناسراوەتەوە لەمیعەیە.
تیمەکەی ئەنفالستان بۆ گوندی وارانی بریتی بوون لە :
سمکۆ سابیر ، عومەر عەبدولكەریمو مامۆستا جومعەكەریم محەمەد
ئەم بابەتە لە ئەنفالستان ژمارە ١١ و ١٢ دا بڵاوکراوەتەوە .
