سهردێرهكان
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
- جینۆسایدی کورد و جینۆسایدی جولەکە. -………………… سروە نوری ئەزیز
- لە نێوان قەفەسی ئایخمان و حکومەتی فەرامۆشیدا. – …………………. د.کامەران محەمەد
ئازاد کردنی تاوانبارانی ئەنفال، سوکایەتیە بەهەیبەتی دادگاو مافی قوربانی .
ئازاد کردنی تاوانبارانی ئەنفال، سوکایەتیە بەهەیبەتی دادگاو مافی قوربانی .
بەپێی هەواڵێک کە لە ماڵپەڕی خەندان لە زاری سەرکردەیەکی عێراقییەوە وەرگیراوە بڵاوکراوەتەوە کەوا هەوڵ هەیە بۆ ئازادکردنی تاوانباری ئەنفال لیو
ا رکن (سوڵتان هاشم ئەحمەد ) کە سەروەختی تاوانی ئەنفال فەرماندەی فەیلەقی یەک و دواتریش بووەتە پارێزگاری پارێزگای موسڵ و وەزیری بەرگری عێراق لە دوای روخانی رژێمی بەعس دەستگیرکراو لەدادگا بە تۆمەتی بەشداری کردن لەتاوانی ئەنفال دادگایی کراو سزای لەسێدارەدانی بۆ دەرچوو، کەچی وەک لە هەواڵەکەدا هاتووە لە هەفتەی داهاتوودا ئازاد دەکرێت، بەو هۆیەوە ژمارەیەك رێكخراوی تایبەت بە ئەنفالو جینۆساید لە دژی هەوڵەكانی ئازادكردنی سوڵتان هاشم هاتوونەتە دەنگ و بەیاننامەیەكیان بڵاوكردەوە.
ئەنفالستان : لەبەیاننامەكەیاندا كە 303 رێكخراو واژۆیانکردووە ئەمڕۆ ٤/١١/٢٠١٥ (سێشەممە) بڵاویان كردۆتەوە داوا لە”حكومەتی هەرێمی كوردستان و نوێنەرانی كورد لەبەغدا دەكەن بێدەنگی بشكێنن و هەڵوێست لەبەرامبەر ئەم هەوڵە دەربڕن”.
ئەوەش لە بەیاننامەکەی ئەو رێکخراوانەدا هاتوە “ئازادكردنی ئەو تاوانبارانەی لەدادگای باڵای تاوانەكان بڕیاری سزایان بۆ دەرچوەو جێبەجێ نەكردنی بڕیارەكانی دادگا و رزگاربونی تاوانباران لەسزا، سوكایەتیە بە خودی بڕیارەكانی دادگا و كەسوكاری قوربانیان بە تایبەتیش قوربانیانی ئەنفال و هەڵەبجە”
رێكخراوەكان لەدوا بڕگەی بەیاننامەكەیان دەنوسن “ئەمە لەكاتێكدایە حكومەتی هەرێم بەوە تۆمەتبارە كە داڵدەدەری بەشی زۆری 423 تۆمەتبارەكەی ئەنفالە بە تایبەتیش تۆمەتبارە كوردەكان، بۆیە جارێكی دیكە داوا دەكەینەوە، تۆمەتبارانی ئەنفال دادگایی بكرێن و لیستی تۆمەتبارانی ئەنفال بدرێتە پۆلیسی ئەنتەرپۆل بۆ ئەوەی ئەو تۆمەتبارانەی هەڵاتون دەستگیر و دادگایی بكرێن”.
ئەمە لەکاتێکدایە کە تاوانبارانی جینۆساید هیچ حصانەیەکی ناوخۆیی ونێودەوڵەتی نایانگرێتەوەو نەسەرۆکی دەوڵەت ونەهیچ کارمەندێکی دەوڵەت مافی ئەوەیان نیە تۆمەتباران و تاوانبارانی جینۆساید، داڵدەبدەن و بەربەست لەبەردەم لێپێچینەوەو سزادانیان دابنێن .
