ئه‌نفالستان – پیاوێک هه‌ناسەی دەریا بوو .. ئاسۆ بیارەیی

پیاوێک هه‌ناسەی دەریا بوو .. ئاسۆ بیارەیی

تشرینی یەکەم 23, 2015 Omer ئه‌نفال لێدوان نووسین ناچالاککراوە لە پیاوێک هه‌ناسەی دەریا بوو .. ئاسۆ بیارەیی

پیاوێک هه‌ناسەی دەریا بوو

هێشتا چاوەڕیی وی دەکەم ئەم یاداشتەم لە دمی کەسی سێهەمەوە لە دایک بووە، ئەو ژنە وای دەگۆ: {..من نە دەریام دیتبوو نە شەپۆلەکانی، بەلام چون گەردەلوولی هەردەکانی گەرمیان هەڵی دەکرد، هەردەکانی جەستەمی کاک بە کاکی دەکرد، کە دەچوومە جێی ژوانی، شتێک نەدەما ناوی نهێنی بێ نێون من و وی. زۆر جاران ژوان لە کاتی بێری بوو، هێندە لە یەکتر ڕادەماین، هه‌ر هێندەی مابوو، ببینە کۆمەڵێ دڵۆپی خوشەویستی و دەریایەک لە ئەوین دروست بکەین، بۆ نا، دەبووین گەر ئەنفال هەموو شتێکی نەسووتاندایە، کەڕەتی وا هەبوو، بە دەم دروێنەوە، گوڵە گەنمی چەپک دەکرد و دەیدامێ.. بەڵێ! ئەنفال بە هەموو گڕییەوە، نەیتوانی تینی چاوەڕوانی من دامرکێنێتەوە من بە تەنیا بە گەرمی لەشی ئەو هه‌ڵ دەکەم..ئیستەش شەوانە سەردەنێم بە سنگییەوە، گوێ لە هەناسەکانی دەگرم، هێندە گوێم لێ گرتوون، وەک ئاوازی گۆرانی دیوانە.، یەک یەک بڕگەکانی دەناسمەوە، من ئێژم ئەوەی دڵوازیی نەکردیە، تامی میوەی باخی ژیان نازانێ.. من هەنووز ئەو میوەیە دەخۆم بۆیە بەردەوام لە چاوەڕێیدام،،ئەنفال چەند دۆزەخ بوو، بەلام من لەو بەهێزترم دەمەوێ ئەو کوڕەی دەریایەم بۆ گەڕێتەوە.. } کانی قادر، هاوینی ١٩٨٨ دورنیە، منیش هێشتا دوای ئەو تەمەنە، لەو رۆژەوە گەرمیان ئەنفال کراوە، چاوەڕیی گەڕانەوەی سەدان کچی دەریا بکەم، کە بۆ کۆڕە مێرخاسەکانی بگەڕێنەوە..