سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
ئەرسەلان ڕەحمان : باوکم کیمیایی نەیکوشت، بەڵکو بێکارەبایی وگەرمای هەولێر کوشتی . دیدار عومەر محەمەد
ئەرسەلان ڕەحمان :
باوکم کیمیایی نەیکوشت، بەڵکو بێکارەبایی وگەرمای هەولێر کوشتی . دیدار عومەر محەمەد
لە شەوێکی درەنگ وەختی مانگی شوباتدا بوو رێک ١٤ی شوباتی ئەمساڵ لەگەڵ مامۆستا ئەرسەلان رەحمان لە تۆڕی کۆمەڵایەتی فەیسبوک، خەریکی بیروراگۆڕینەوەو گفتوگۆ بووین لەمەڕ کەم تەرخەمی میدیاو جەنگی سایکۆلۆژی داعش و بێباکی میدیای کوردی، ئەوسا گفتوگۆمان لەسەر بەرنامەیەکی (K.N.N) بوو کە مامۆستا ئەرسەلان بەشداری تێداکرد بوو، ئەوسا تازە بەیەکتری ئاشنا ببوین و هێشتا یەکترمان نەدیبوو لەمەر فۆنەتیکی زمانییەوە پرسیارم لێکرد داخۆ مامۆستا خەلکی ناوچەی بالیسانە؟ ئەو لەوەڵامدا بە پێکەنینەوە نوسی نەخیر من هەورامیم، ئێمەش شەقی بەعسمان پێوەیەو دوای کیمیابارانەکەی ١٦ی ئازاری ساڵێ 88 چووينه ئێران دوایی کە هاتينهوه رۆژگاری بەعسیەکان ئێمهى گهيانده گردهچال ، ئێمە بەلێبوردنی گشتی هاتینەوە، بەلام لەبری ئەوەی بمانبەنەوە بۆ زێدی خۆمان راگوێزراوین بۆ ئۆردوگای گردەچاڵ، ئیدی گفتوگۆکەمان درێژەی کێشاو زانیم مامۆستاو خانەوادەکەشی پریشکی گازباران و ئەنفالیان بەرکەوتووە، جگەلەوەی هەموویان بریندار بوون، لەزێدی خۆشیان هەڵکەندراون بە زۆرەملێ ورەوانەی گردەچاڵی نزیک شاری هەولێر کراون . مامۆستا لە میانەی گفتوگۆکەماندا باسی سەربازێکی عێراقی بۆکردم کە دوای ئەوەی لەبەرەی جەنگی هەڵەبجە سوپای عێراق شکاوەو ئەو سەربازەش دابراوە پەنای بۆ خانەوادەکەی ئەمان هێناوە کە ئەوسا هەموویان برینداری کیمیایی بوون لەو شیودۆڵانەی ناوچەی هەوراماندا خۆیان حەشارداوە، ئەمانیش بەمیهرەبانیەوە ئامێزیان بۆ کردووەتەوەو داڵدەیان داوەو کردوویانە بەکوڕی خۆیان و هەر لەگەڵ خۆشیاندا بردویانە بۆ ئێران ووەک کوڕی خۆیان مامەڵەیان لەتەکداکردووە. هەتا ئەوکاتەی دەزگا سیخوڕییەکانی ئێران هاتوون (خالید) سەربازە عێراقییەکەیان بردووە بۆ کەمپێکی تر لەسایەیاندا حەواوەتەوە.
ڕەنگە ئەم دیدارە لە دیدوتیڕوانینی هەندێک کەسدا نەچێتە خانەی ئەنفالەوە چونکە بەداخەوە تیروانینی ئێستا بۆ خوێندنەوەی تاوانی ئەنفال روکەش و تارادەیەکی زۆر هەر رمڵلێدان و گۆترەکارییە، دەنا ئەم خانەوادەیە هەرچەندە نەبراون بۆ نوگررەسەلمان بەڵام گورزی ئەنفالیان بەرکەوتووەو بەلای کەمەوە لە زێدی خۆیان هەڵکەندراون و لەژینگەی بنەرەتی خۆیان دورخراونەتەوەو بەر سیاسەتی ڕاگواستن کەوتوون. هەرئەوشەوە لەسەر دیدارێکی رۆژنامەوانی ڕێککەوتین، سەرئەنجام ئەمدیدارەی لێکەوتەوە . بۆ درێژەی دیدارەکە کلیک لێرە بکە
