سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
دایکی سەیاف (ئوم سهیاف) بهرپرسی داعش له بازرگانیكردن به ژنانهوه ڕادهستی ههرێم دهكرێت.
دایکی سەیاف (ئوم سهیاف) بهرپرسی داعش له بازرگانیكردن به ژنانهوه ڕادهستی ههرێم دهكرێت.
وەزارەتی بەرگریی ئەمریكا، ڕادەستكردنی ژنە تیرۆریستێكی داعش بەوەزارەتی ناوخۆی حكومەتی هەرێمی كوردستان، رادەگەیەنێت، یەكێتیی خانمانی كوردستانیش داوا دەكات، لێكۆڵینەوەی ورد لەگەڵ ئەو ژنە تیرۆریستە بكرێت كە بەرپرس بوە لە بازرگانیكردن بە ژنانەوە. ئوم سەیاف یاخود نەسرین ئەسعەد ئیبراهیم، یەكێكە لە ناوی كەسە دەستڕۆیشتووەكانی نێو رێكخراوی تیرۆریستی داعش كە بەرپرسیار بووە لەبازرگانیكردن بە ژنان و بەكۆیلەكردنیان بەتایبەتیش كچان و ژنی ئێزدی. وەزارەتی بەرگریی ئەمریكا لەبەیاننامەیەكدا، ئاماژەی بەوەكردوە: رۆژی 7ی ئەم مانگە، ئوم سەیافی رادەستی وەزارەتی ناوخۆی حكومەتی هەرێمی كوردستان كردوە. لایخۆشیەوە هاشم ئەلهاشمی، پسپۆڕی كاروباری گروپە تیرۆریستییەكان لەلێدوانێكیدا بۆ رۆژنامەی زەمانی عیراقی رایگەیاندوە: راستكردنی ئوم سەیاف بەحكومەتی هەرێمی كوردستان، لەسەر داوای ئەو ژنە تیرۆریستە بوە. لە ڕۆژی 16ی مایسی ئەمساڵ و لەپرۆسەیەكی تایبەتی هێزی كۆماندۆزی ئەمریكا لە ناوچەی دێرزور لە سوریا و بەسەرپەرشتی خودی باراك ئۆباما، ئوم سەیاف دەستگیر كرا پاش ئەوەی لەلایەن ئەو هێزە تایبەتەوە هەڵكوترایە سەر مۆڵگەی ئوم سەیافو هاوسەرەكەی كە بە ئەبو سەیاف ناسرابوو، ئەوەبوو لەو هێرشەدا ئەبو سەیاف كە بەرپرس بوو لە فرۆشتنی نەوتی داعش پۆستی وەزیری نەوتی لەو گروپە تیرۆریستیەدا هەبوو لەگەڵ چەندین چەكداری دیكەی داعش كوژران. ئەبو سەیاف كە ناوی راستەقینەی(تاهیر بن تاهیر عەونی حەرزی)یە خەڵكی وڵاتی تونسەو بەر لەوەی پەیوەندی بەداعشەوە بكات، كەسێكی وەرزشەاوان و شارەزای پۆكسێن بووە، لەساڵی 2004 بۆ پەیوەندیكردن بەگروپە تیرۆریستیەكان رووی لە عێراق كردوە، دووجار لە عیراق دەستگیرو زیندانی كراوە. رۆژنامەی واشنتۆن پۆست لەدوای ئەو پرۆسە تایبەتەی هێزی كۆماندۆزی ئەمریكا لەنێوخاكی سوریا كە تیایدا ئەبو سەیاف كوژرا، دەستگیركردنی ئوم سەیاف و ئازادكردنی كچێكی ئێزدی كە وەك كەنیزە لەو جێگەیەدا بوە راگەیاند. دیسان كەناڵی سی بی ئێس لەراپۆرتێكیدا ئاماژەی بەوەكردوە : ئوم سەیاف، ڕۆڵێكی بەرچاوی هەبوە لەبازرگانیكردن بەژنانەوە و لەهەمان كاتیشدا جێدەستی دیار بوە لەئەشكەنجەدانو كوشتنی كایلا مۆلەر ئەو كچە ئەمریكییەی وەك كارمەند لەنێو رێكخراوێكی مرۆیی لەسوریا كاری دەكردو لەلایەن داعشەوە رفێنرا. دوا بەدوای هەواڵی رادەستكردنی ئەو ژنە تیرۆریستەی داعش بە هەرێم، ئەنجومەنی خانمانی كوردستان لەبەیاننامەیەكدا ئاماژەیان بەوەكردوە: ئوم سەیاف، ڕۆڵی سەرەكی لە بەكۆیلەكردنو كڕینو فرۆشتنی ژنانو كچانی ئێزیدا هەبوە هەربۆیە هیواداری وەزارەتی ناوخۆی حكومەتی هەرێم لێكۆڵینەوەی ورد لەگەڵ ئەو تیرۆریستەدا بكەن .
سەرچاوە ماڵپەڕی K.N.N ) )
