سهردێرهكان
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
- کۆمەڵێک بیرۆکەو پێشنیار بۆ دیدێکی نوێ بۆ یادکردنەوەی تاوانەکانی جێنۆساید …………………………هۆمەر محەمەد
مەلەك شێخ كاكە حەمەی هەزاركانی: هەموو ساڵێك بڕی (١٤٠٠٠) كۆمەك بە ئەنفالستان دەبەخشم !
مەلەك شێخ كاكە حەمەی هەزاركانی:
هەموو ساڵێك بڕی (١٤٠٠٠) كۆمەك بە ئەنفالستان دەبەخشم !
جەلالی هەزاركانی
مەلەك شێخ كاكە حەمەی هەزاركانی، خوشكی شێخ حسێن هەزاركانی كەسایەتییەكی دیارو ناوداری گەرمیانەو دانیشتووی گوندی هەزاركانی بووە.بەهۆی پێگەو ناوبانگی، شێخ حسێنی هەزاركانی لە قۆناغی سێی ئەنفالدا، لەقەڵای قۆرەتوو، كە شوێنی كۆكردنەوەی ئەنفالكراوانی گەرمیان بوو، لەلایەن خودی سەدام حوسێنەوە بڕیاری ئازاد كردنی درا، بەڵام شێخ حوسێن ووتبووی بەو مەرجەی كە هەموو خەڵكی نێوقەڵای قۆرەتوو کە لەگەڵیدا ئەنفالکرابوون ئازاد بکرێن،دەنا ئەو ئامادەنییە تەنها خۆی و مناڵەکانی ئازادبن و خەڵك لە تەنگانەدا بەجێبهێڵێت. بەعسیەکان بە مەرجەکەی قایل نەبوون بۆیە ئەویش لەگەڵ 13 كەسی خانەوادەكەیدا لەگەڵ ئەو خەڵکە ئەنفالکران.
لەكاتی سەردانیكردنی بۆمەزاری كەسوكارەكەی لەگوندی هەزاركانی، (مەلەك خان)ی تاقانەم بینییو باسی گۆڤاری ئەنفالستانم بۆكرد کە تایبەتە بەدۆسێی ئەنفال و بەكۆمەكی كەسوكاری ئەنفالكراوان و خەمخۆری دۆسیەی ئەنفال دەردەچێت، با زانیاریتان لەو بارەیەوە هەبێت، بێئەوەی داوای لێبکەین مەلەك خان هەڵوێستی دەربڕی كەوا ئامادەیە ساڵانە هاوكاری ماددی و مەعنەوی ئەوگۆڤارە بكات..دواتر زیاتر بۆم رونکردەوە کە بڕی هاوکارییەكە گرنگ نیە، بەڵكو بەشداریكردنی ئێوە بۆخۆی پیشاندانو پاڵنەرە بۆئەوەی ئەوگۆڤارە بەردەوام بێتو خزمەتی زیاتر بەكەسوكاری قوربانیانی ئەنفال بكات، ئەو ژنە ئازایانە ووتی هەموو ساڵێك بڕی چواردە هەزار ئەنفالستان دەبەخشم. ئەمەش وەك رەمزێك بۆیادی 14/ 4 كە ساڵیادی ئەنفالەو وەك ئاماژەیەك كە (14) كەس لەئەندامانی خێزانەكەم ئەنفالكراون .
