سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
هەموو چاو لە کەسوکاری ئەنفالکراوانی نەوجول بکەن .
هەموو چاو لە کەسوکاری ئەنفالکراوانی نەوجول بکەن .
ئەنفالستان – نەوجول : ئەمرۆ ١٣ی ئایاری ٢٠١٥ کەسوکاری شەهیدان وئەنفالکراوانی دێی نەوجول پەردەیان لەسەر کارێکی گرنگ لادا، کارێک کە ماوەیەکە سەرقاڵن پێیەوەو بەهەوڵێ راستەوخۆی کامەران محەمەد جەوهەر و لەسەر ئەرکی خۆیان (دیوارێکیان بۆ ناوی شەهیدان وئەنفالکراوەکانیان )دروستکردووە .
ئەم هەنگاوەی خەڵکی نەوجول لەرادەبەدەر گرنگە بەتایبەتیش لەئێستادا کە قەیرانی ئابوری سەراسەری هەرێمی کوردستانی گرتووەتەوە، پێماندەلێت هیچ کۆسپێک نامان وەستێنێ و هیچ هێزێک گیان وبەهای ئەومرۆڤانەمان پێکەم ناکاتەوە .
خەڵکی نەوجول بەبێ دەنگی بەهەموو کەسوکاری ئەنفالکراونیشیان گوت : تەنها لەموچەی ئەنفالکراوەکانتان و هیچی ترنا دەتوانن لەدەروازەی گوندەکانتاندا دیوارێک بکەن و ناوی هەموو ئەنفالکراوەکانتانی لەسەر بنوسن، پێیان گوتین ئەوە ئێمە کردمان وفەرموون ئیوەش چاولە ئێمە بکەن .
بیرۆکەو راپەراندنی پڕۆژەکە لەلایەن بەرێز کامەران محەمەد جەوهەرەوە بووەو کەسوکاری شەهیدان وئەنفالکراوانیش هاوکارییان کردووەو ئەمرۆ پەردەیان لەسەر دیوارەکە لادا کە ناوی (١٢٥) ئەنفالکراوو ٤٥ شەهیدی سەنگەری لەسەر نوسراوە . بڕی تێچوی کارەکە یەک ملێون ونیوی تێچووە .
دیزاینی کارەکە لەلایەن هونەرمەندی شێوەکار (مامۆستا جومعە کەریم)ەوە ئەنجامدراوەو کاری خۆش نوسی بۆکراوە .
هەروەک ئەمرۆ یاریدەدەری سەرنوسەری ئەنفالستان کاک سمکۆ سابیر لەمەراسیمەکەدا ئامادە بوو بروسکەی دەستخۆشی وهاوسۆزی ئەنفالستان خوێندرایەوە لێرەشەوە دوبارە دەستخۆشیان لێدەکەین وکارەکەیان بەرزو بایەخدار دەنرخێنین .
نەوجول بەرلە پەلامارەکانی ئەنفال ناحێیەکی گەرمیان بوو لە روی کارگێرییەوە سەر بەقەزای خورماتوو بوو، بەڵام سالێ ١٩٨٧ لە میانەی راگواستنی گوندەکاندا لەلایەن بەعسیەکانەوە روخاو خەلکەکەشی دابەشبوونە سەر ناوچە جیاجیاکان، بەزۆریش ملیان بەسیاسەتی بەعس نەداو چوونە گوندە ئازادکراوەکانی وارانی وحەیدەرە سورو گوندەکانی تری ناوچەی داوێ و لەپەلامارە خوێناوییەکەی ئەنفالی سێ گەرمیاندا خەڵکێکی زۆری نەوجول لەگوندەکاندا گیران و ١٢٥ کەسیان بێسەروشوێن کران .
فۆتۆکان : ئەنفالستان
