سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
دوای سیانزە ساڵ تەرمی كورەكەی لەحەوزی مزگەوتدا دۆزییەوە.
دوای سیانزە ساڵ تەرمی كورەكەی لەحەوزی مزگەوتدا دۆزییەوە.
عومەر محەمەد
٢٣ی ئازاری ٢٠٠٩ سلێمانی
زانیارییەکانی ئەم بابەتە لە مامۆستا هێمن عەبدوڵا وەرگیراون .
حاجی محمد عەلی دانیشتووی گوندی گۆپتەپەیە لە دایكبووی سالی 1932 ە، هەرلەمنداڵیەوە لەگوندی گۆپتەپە گەورەبووەو هەرلەوێش هاوسەرگیری کردووەو ماڵی پیکەوەناوە، هەتا ساڵی 1988 لە گۆپتەپە دانیشتوونو بەكشتوكاڵوكاسبی خۆیانەوە خەریك بوون، ئێوارەی رۆژی 3/5/1988 لە بۆمبارانو پەلاماری فرۆكەكانی بەعسدا بەچەكی كیمیاوی كورێكی بەناوی عومەركە هەروا مانگێك دەبوو زەماوەندی هاوسەرگیری بۆكرابوو، گیان لە دەستدەداو دوای سیانزە ساڵ چاوەڕوانی کە پێیانوابوو ئەنفالکراوە بەرێکەکەوت ئێسكو پروسكی عومەرو ٩کەسی تر لە ناوحەوزی مزگەوتی گەورەی گوندی گۆپتەپەدا دەدۆزنەوە.
پاش دوڕۆژ لەكۆستی گەورەی گوندی گۆپتەپە، بە هۆی بەلامارەكانی ئەنفالەوە حاجی محەمەد خۆیو خێزانیشی بەردەستی جاشو جەیشی تاڵانچی دەكەونو لەگەڵ خەڵكی گوندەکەیان دەستگیركراو بەرەو كەمپەكانی كۆكردنەوەیان بردوون.
حاجی محمد دەلێ هەتا تۆپزاوای لای كەركوكێ هەموومان پێكەوە بووین، دوایی لێكیان جیاكردینەوەو ئێمەیان بردە نوگرەسەلمانو كوڕوكچی جحێڵیشیان بەجیابردنو كەس نەیزانی چییان لێهات ) لەرۆژێكدا چاوم بەحاجی محمد كەوت كە بۆخۆم زۆرشەكەتو ماندووبوم، بەڵام كەماندوویو مەینەتی ئەو پیرەمێردەم بینی لەناخەوە هەستم بەژانێكی ئینسانی كرد .
حاجی محمد لەگەڵ دایكیو خێزانی لە تۆپزاواوە بەرێگایەكی دورودرێژی نەبڕواوەو تاقەت پڕوكێندا گەیەنراونەتە نوگرەسەلمانو ماوەی شەش مانگێك لەوێ لەناو گەرمای زۆری بیاباندا دەمێننەوە، بەڵام چۆن مانەوەیەك دەبێ ژیان لە نوگرەسەلمان چۆن پێی بوترێت، ژیانێك بوبێت؟ مەگەر تەنها ئەنفالكراوەكان بتوانن گوزارشتی لێبكەنو وینەی راستەقینەی ئەو دۆزەخە بكێشن، كەگەراشنەوە خۆی ووتەنی مانی چیو حاڵی چی ( سەگ بەحاڵمان نەبی) بەڵام ئەوەی بەلای حاجیەوە ئەستەمە ئەوەنیە ئەو هەموو غەدرەی لەلایەن بەعسەوە بینیوە هەرچۆنێك بێ ئەوە دوژمنەو برایەوە، بەڵام دوای ئەوەی لەنوگرەسەلمان گەراونەتەوە بەسەرهەواری خاڵیدا هاتوونەتەوە، رێگەیان نەداون بچنەوە سەر زیدی خۆیان، چونكە نەگوندماوەو نەماڵو حاڵ، ئەوان بەدەستی بەتاڵ لەماڵ دەرچوونو ئەوەی هەیانبووە، جاشو جەیش تاڵانیان كردووە، لە دوای هاتنەوەشیان دایكیو خێزانەكەی دەمرنو حاجی تەنیا دەكەوێتەوە، ئێستا لەگەڵ بووكەكە بێوەژن كەوتووەكەی بەناوی ( شیرین عەلی رەزا) كە هاوسەری حسێنی كوڕێتیوئەویش بەنەخۆشی كۆچی دوایی كردووە، پێكەوە لە گوندی گۆپتەپە بەهەناسەساردی دەژین .
وەكو لەوێنەكەدا دەیبینی دوای دوای 21 ساڵ حاجی محمد لەسەر ئەو حەوزە كۆنە بەماتەمینیەوە وەستاوە، كە عومەری كوڕیو 9 كەسی تری خەڵكی گۆپتەپە بەنیازی خۆ دەربازكردن پەنایانبردبووە بەرئاوە شۆرەكەی تا لەكاریگەری چەكی كیمیاوی رزگاریان بێت، بەڵام ئاوەشۆرەكەی حەوزی ماڵی خواش بەهانایانەوە نەهاتو دوای 13 ساڵ تەرمەكانیان بەرێكەوت لەلایەن خەڵكی گۆپتەپەوە دۆزرانەوە.
