سهردێرهكان
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
- خراپەکاریی سادەکردنەوە: ستراتیژی سادەکردنەوەی تاوانەکانی جینۆساید لای دەستەبژێری سیاسی کورد. ……………….. ئیبراهیم سادق مەلازادە
- عجاج التكريتي بين عقوبة الدنيا وحساب الآخرة. د. سەربەست نادرعبدول
لە رۆژی ٨ی ئایار (٢٧)ەمین ساڵیادی ئەنفالکراوانی گوندەکانی بناری خاڵخاڵان دەکرێتەوە
ئەنفالستان – سلێمانی : وابریاره 8/5/2015 رۆژی هەینی كاتژمێر(10)ی سەرلەبەیانی لە مۆنۆمینتی بابە رووشه لەگوندی جەلەمۆرد، سالیادی ئەنفالکراوانی گوندەكانی بناری خاڵخالان بكریتەوە، یادەکە لەلایەن كەسوكاری سەربەرزی شەهیدان و ئەنفالكراوان و بەهاوکاری لایەنە بەیوەندیدارەكان بەرێوەدەچێت،
کاروان ئەحمەد سەرپەرشتیاری مەراسیمەکە 
بە ماڵپەری ئەنفالستانی راگەیاند لەو یادەدا چەندین چالاكی هەمەجۆر نمایش دەکرێت لەوانه، جگەلە خویندنەوەی وتاری وتاری كەسوكاری ئەنفالكراوان و وتاری تاقانەكانی ئەنفالکراوان، شانۆیی چاوەڕوانی بیشكەش دەكرت و سێ كەسایەتی كە خزمەتیان بەبواری ئەنفال كردوه لەلاەیەن كەسوكاری ئەنفالكراوانەوە خەلاتی ریزلینانیان بیشكەش دەكریت، دواتر لەناوگوندی جەلەمۆرد بیشانگایەكی فۆتۆكرافی بۆ(27)وێنەی هاولاتیانی گوندی جەلەمۆرد نمایشدەكریت وەك بێشانكایەك، كەبۆ یەكەمین جاره ئەو وینانه نمایش دەكریت، ئەوەی زۆر جێگای بایەخه لەوتاری كەسوكاری ئەنفالكراواندا جەختی لێكراوەتەوە، دادگایكردنی جاش و مستەشارەكانە، هاوکات پشتیوانی لەدۆسیەكەی بەریز حاكم هاوژین دەکەن
لە مانگی نیسانی ساڵی ١٩٨٨دا سوپای عێراق پاشئەوەی قۆناغی ئەنفالی گەرمیانی تەواوکردو هەموو خەلکەکەی ئەنفالکرد، پەلاماری گوندەکانی قەزای چەمچەماڵ وکۆیەو دوکان و تەقتەق و ئاڵتونکۆپری داو لە ئێوارەی ٣/٥/١٩٨٨ هەردوگوندی عەسکەرو گۆپتەپەی بەچەکی کیمیایی بۆردومانکردو بۆ رۆژی دوایی گوندەکانی ناوچەی قەلاسێوکەو بناری خاڵخاڵان و دەشتی کۆیەو شوانی روخاندو خەڵکەکەی ئەنفالکران.
گوندی جەلەمۆرد لەو پەلامارەدا هەموو خەلکەکەی گیران و رەوانەی بنکەی سەرەکی کۆکردنەوەی کردن لە سەربازگەی تۆپزاوای نزیک شاری کەرکوک بەڵام جگە لە چەند پیرەمێردو پیرەژنێک کە ماوەی ٦ مانگ لە گرتوخانەی تۆپزاوا دەستبەسەربوون هیچ کەسێکیان نەگەرانەوە، بەپێی قسەی گوندنشینەکان بێت ٤٧١ کەسی خەلکی جەلەمۆرد ئەنفالکراون
