سهردێرهكان
- مفهوم الإبادة الجماعية بين النظرية الأكاديمية والتمييز قراءة نقدية لمنشورات الأمم المتحدة ………..هومر محمد
- مەترسی ئەنفالکردنەوەی ئەنفال دادگایکردنی عەجاج. …………..ئیبراهیم شێخ وەسانی
- تاوانی ئەنفال بۆ نەوەکانت بگێڕەوە! با گۆپتەپە دووبارە نەبێتەوە… سروە نوری ئەزیز
- عەجاج وەک ئایشمان ………………..سەیوان محەمەد
- لە سێدارەدانی عەجاج و لە گۆڕنانی دۆسێی جێنۆساید ……………………………هۆمەر محەمەد
یادی ٢٧ ساڵەی ئەنفالکراوانی گوندی قەشقە کرایەوە
یادی ٢٧ ساڵەی ئەنفالکراوا
نی گوندی قەشقە کرایەوە
ئەنفالستان – سلێمانی : ئەمرۆ هەینی رێکەوتی ١٠/٤/٢٠١٥ لە گوندی قەشقەی سەربەناحێی قادرکەرەم گەنجانی گوندەکە لەسەر ئەرکی خۆیان و بەبەشداری خەڵکێکی زۆر یادی ٢٧ ساڵەی تاوانی ئەنفالکردنی گوندەکەیان کردەوە.
سەرەتای یادەکە بە دەقیقەیەک وەستان بۆ بەرزراگرتنی گیانی ئەنفالکراوان وشەهیدانی بەرگری لەئازادی کوردستان دەستی پێکرد، دواتر وتاری لیژنەی ئامادەکار خوێندرایەوە، پاشان کورتەیەک لەمێژووی دروست بوون وبەرخۆدان و باری رۆشنبیری کۆمەڵایەتی و چەند پارجە هۆنراوەیەک خوێندرانەوە. جێگەی ئاماژەیە لەمیانەی مەراسیمەکەدا خەڵاتی رێزلێنان بەخشرایە چەند کەسایەتی جیاواز کەهەریەکەیان بەجۆرێک رۆڵیان لە بردنە پێشەوەی ناساندنی دۆسێی ئەنفال و خزمەتی کەسوکاری ئەنفالکراواندا بینیبوو، یەکێک لەوانە سەرنوسەری گۆڤاری ئەنفالستان بوو .
برگەی دووهەمی یادەکە کردنەوەی پێشانگایەکی شێوەکاری بۆ هونەرمەندی شێوەکار ئاشتی گەرمیانی و پێشانگایەکی فۆتۆگرافی بوو بۆ وێنەی ئەنفالکراوانی گوندی قەشقە.
گوندی قەشەقەی سەربەناحێی قادرکەرەم جگەلە ئەنفالکراوەکانی ٢٩ پیاوی تریان لە سەنگەری بەرگریدا شەهیدبوون کە لەناویاندا چەند فەرماندەیەک هەن .
پەلاماری ئەنفالی گەرمیان کە سێهەم قۆناغی پەلامارەکانی ئەنفال بوو لە ٧نیسانی ساڵی ١٩٨٨ دەستی پێکردو یەکەمین پێشرەوی لە ناوچەی خورماتووەو ناحیی نەوجول بەرەو گەرمیان بوو، لە ٢٠ی نیسان تەواوی ناوچەی گەرمیانی گرتوو هەموو گوندەکانی لەگەڵ زەوی تەختکردوو، خەلکەکەی ئەنفالکرد . لەمیانەی پەلاماری ئەنفالی گەرمیاندا لە رۆژانی ١٠- ١١ی نیسانی ساڵی ١٩٨٨ گوندی قەشقەو وێڵە کەوتنە بەرپەلاماری ئەنفال و بەهۆیەوە خەڵکەکەی لە گوندەکەیان دەرکران و لەلایەن سوپاو جاشەوە گیران ورەوانەی عالیاوا کران کە ئەوکاتە بنکەکەیەکی کاتی کۆکردنەوەی ئەنفالکراوەکان بوو لەنزیک ناحیی قادرکەرەم . دوای ئەوەی رەوانەی بنکەی سەرەکی تۆپزاواکران لەوێ پۆلێنکارییان بۆکراو گەنجەکانیان رەوانەی بیابان و قەراغی چاڵەکانی مەرگی بەکۆمەڵ کردو پیرەکانیشیان رەوانەی زیندانەکانی دوبزو نوگرەسەلمان کرد سەرئەنجام ١٠١ کەسی ئەم گوندە و ٣٩ کەسی گوندی وێلە کۆمەڵکوژو بێسەروشوێنکران.
پەلامارەکانی ئەنفالی گەرمیان، خوێناویی ترین پەلاماری کۆی قۆناغەکان بوو کە لە٧ی نیسانی ساڵی ١٩٨٨ دەستی پێکردو لە ٢٠ی نیسانی هەمان ساڵ پرۆسەی سەربازی کۆتایی هات بەهۆیەوە نزیکەی ٢٥ هەزارکەسی گوندنشین لەسەرانسەری گەرمیان کۆمەڵکوژوبێسەروشوینکران .
