سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
ئەنفال ، بەعس ، هەڵەیەكی زەقی نوسەران !
ئەنفال ، بەعس ، هەڵەیەكی زەقی نوسەران !
ئاكۆ ئەحمەد
لە دوای جێبەجێكردنی شاڵاوەكانی ئەنفالەوە لە ساڵی 1988، زۆربەی ئەو نوسەرانەی كە لەو بوارە دەنوسن و خزمەت دەكەن ، كەوتونەتە هەڵەیەكی نەویستراوەوە ، وە ئەم هەڵەیەش ڕەنگە بەڕوكەش بچوك بێت ، بەڵام كاریگەری نەرێنی گەورەی جێهێشتوە لەسەر ئەم كەیسەو كاركردن لەسەری ، وەبێگومان ئەم هەڵەیەش سەرچاوەی بیركردنەوەی سیاسیەكانی ئێمەی كورد بوە لەو كەیسەو دواتر ڕەنگدانەوەی تەواوی لەسەر نوسەرانی كەیسەكە جێهێشتوە ، ئەم هەڵەیەش خستنە ئەستۆی هەموو جینۆسایدی كوردە بە ئەستۆی (حزبی بەعس ) ، واتا كاتێك باسی جینۆساید دەكرێ بێگومان بە ڕاستەوخۆ ناوی بەعسیشی بەدوادا دێت ، بە تێڕوانینی من ئەمە یەكێك لە گەورەترین هەڵەی نوسەرەكانی ئەوبوارەیە ، چونكە ئەمە بەو واتا دێت بەرپرسی سەرەكی جینۆسایدی كورد تەنها حزبی بەعس بووەو كۆمەڵگەی عەرەبی لێ بێبەری دەكرێت ، وە هەركاتیش بەعس نەما ئەو ئەو تاوانە بەتەواوی دەسڕێتەوە ، وەك ئەوەی لە عێراقدا ڕویدا لە دوای 2003 ەوە كە حزبی بەعس قەدەغە كرا ، ئەمەش ئەوە دەگەیەنێت ئیتر حكومەتی عێراق دەتوانێت پابەند نەبێت بە لێبوردن و قەرەبو كردنەوەی زیان لێكەوتوانی جینۆسایدی گەلی كورد و وە بەبەشێك لە كارەكانی حكومەتەكانی عێراقی نازانێت بەڵام لەڕاستیدا حزبی بەعس پارتێكی دابڕاو لە بیرو كەلتوری عەرەبی نەبووە بەڵكو لە ڕاستیدا پراكتیكە كردنی بیرو خواستی نەتەوەی عەرەبی بوە . وە بۆیە دەبێت نوسەران و سیاسیەكانی ئێمە كاتێك باس لە جینۆسایدی كورد دەكەن باس لە دەوڵەتی عێراق بكەن نەك ڕژێمێكی تایبەتی كە سەردەمێك حوكمی كردوە .
