سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئەنفال‌و چیرۆكی پورە خواز
ئەنفال‌و چیرۆكی پورە خواز
عومەر محەمەد
ساڵی 2003 كارمەندی رێكخراوی شنەبای ئاشتی ژاپۆن بووم ، دوای ئەوەی رژێم لە كەركوك شكستی خوارد سێ رۆژ دوای ئەوە ئێمە گەیشتینە كەركوك بەنیازی ئەوەی هاوكاری ئەو گوند نشینانەی ناوچەی دوبز بكەین، لە نەخۆشخانەی ئازادی كەركوك پیاوێكمان هەلگرت كە رێپیشاندەرمان بوو بۆئەوەی بچینە گوندێكی (تەرحیل) ڕاگوێزراوی نێوان دوبزو هەولێر ئەو پیاوە هەرلەناو سەیارەكەدا چیرۆكی پورەخوازی بۆگێڕامەوە ووتی : لەگوندی قەرەچەپ كە هەموویان عەرەبن تەنها یەك تاقە پیرەژنی كوردی تێدا دەژیا ئەویش ژنی پیاوێكی عەرەب بووەو لێی جیابووەتەوە، كابرا هاوسەر گیری لەگەڵ ژنێكی تردا كردووەتەوە بەڵام هەر لەناو حەوشەكەی خۆی هۆدەو هەیوانێكی بۆكردووەو پورخواز لەوێدا ژیاوە، كەچی دوای ئەوەی ئەنفالی چوار كۆتایی هاتووە، رۆژێكیان هێزێكی پرچەكی سوپا بە شۆفڵەوە چوبوونە گوندی قەرەچەپ ئەو زالًمانە هۆدەو هەیوانەكەی پورە خوازیان روخاندبوو خۆشیان خستبووە ئیڤایەكەوەو بردبویان، لەوێ ئەفسەرەكە بە مێردە كۆنەكەی‌و خەڵكی گوندەكەی گوتبوو دەیبەین بۆ هەولێر، بەڵام راستیان نەكردبوو هەر ئەو بردنە بوو جارێكی تر ئەو پیرەژنە نەبینرایەوە.
ئێمە كە بەلای گوندی قەرەچەپدا تێپەرین جەختم لەشۆفێرەكە كرد و لاماندا هەوالًی ئەو چیرۆكەم پرسی تەنها دوو كەسی عەرەب كە دشداشەی سپی وچاكەتیان پۆشیبوو قسەیان بۆكردین، سەیربوو ! هەردوكیان جەختیان لەوە دەكردەوە كە ئەو ژنە ئێستا لە هەولێرە .. بەڵام لەبەرئەوەی ئۆتۆمبیلی رێكخراوێكمان پێبووشۆفێرەكە هاوكارنەبوو، نەمتوانی زۆر بمێنینەوەو بچەمە ماڵی مێردەكەی چونكە لادانمان بۆگوندی قەرەچەپ سەرپێچی كاری رێكخراوەكەمان بوو. لەوەها حاڵیكدا دەبوو من بەرپرسیارێتی گیانی ستافەكان‌و ئۆتۆمبیلەكەش هەڵگرم . بەداخەوە نەمتوانی لەوەندە زیاتر زانیاری لەبارەیەوە وەرگرم
ئەم چیرۆكە لە ژمارە یەكی گۆڤاری ئەنفالستان بەهەرسێ زمانی كوردی ، عەرەبی، ئینگلیزی بلاوكراوەتەوە.
