سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
ئەمرۆ ٣٥ هەمین ساڵیادی کۆمەڵکوژی وراگواستنی کوردانی فەیلیە
ئەمرۆ ٣٥ هەمین ساڵیادی کۆمەڵکوژی وراگواستنی کوردانی فەیلیە
Anfalistan – سلێمانی :
ئەمڕۆ 4-4-2015 یادی کۆمەڵکوژی کوردانی فەیلیە تاوانێکی تری جینۆسایدی کوردان کە ٣٥ ساڵ بە سەر کوشتنی بەکۆمەڵ و راگواستن و وڵاتبەدەرکردنی بەشێکی تر لە كوردانی باشور بەتایبەتیش فەیلیەکاندا تێپەڕدەبێت، ئەو تاوانەی کە دەرهەق بە کوردان بەتایبەتیش بەرانبەر ژنان و مندالانی کورد کرا، جینۆسایدێکی تەواو بوو، جگەلە کوشتنی گەنجەکانیان پاشئەوەی ناسنامەی عێراقیان لێسەندرایەوە لەوڵات دەریانکردن و دەستیان بەسەر ماڵ وسامانیاندا گیراو بەناو کێڵگە مینڕێژکراوەکانی سەرسنوردا رەوانەی وڵاتی ئێرانیان کردن، بێگومان کوردانی فەیلی هەر باجی کورد بونیان نەدا بەڵکو باجی شیعەبوونیشیاندا.
پاش ٢٣ ساڵ لە ئەنجامی تاوانەکە ئینجا رژێمی بەعس لە دەسەڵات لابرا، و دوای ٨ ساڵ لەروخانی بەعس سزای یاسایی بۆ سەدام وچەند بەرپرسێک لە دادگای باڵای تاوانەکان بۆ دۆسێی دوجەیل وئەنفال دادگایی کران .
ئەگەرچی هەرلەسەرەتای گرتنی سەدامەوە هەڵمەتێک بۆ كۆكردنەوەو ئامادەكردنی بەڵگەنامەو دێكۆمێنتەكانی کۆمەڵکوژی وراوەدونانی كوردی فەیلی لەوای ساڵی 2003 دۆسیەكە گەیەنرایە دادگای باڵای تاوانەكانی عێراق، دادوەری لێكۆڵینەوەو داواكاری گشتی و دەستەی پارێزەرانی بەرگریكار لە دۆسیەكە دیاریكران، پاش چەندین دانیشتن و لێكۆڵینەوە لە پەڕاوەكان و گوێگرتن لە سكاڵاكارو شاهێدحاڵەكان. یەكەم دانیشتنی دۆسیەكە لە 26-1-2009 بە رێوەچوو، زیاتر لە “100” سكاڵاكارو شاهیدحاڵ ئامادەی دادگاکە ئامادەی شایەتی دان بوون و چیرۆکی مەینەتیەکانی خۆیان بۆ دادگایان گیڕایەوە.
لە 29-11-2011 لە دانیشتنی كۆتایی خۆیدا، كە چل و چوارەمین دانیشتن بوو، دادگا بڕیاری كۆتایی خۆیدا، كە كوردی فەیلی لەلایەن دەسڵاتدارانی عێراق و حزبی بەعسی فەرمانڕەوای عێراقەوە جینۆسایدكراوە. بۆ زانیاری دەتوانرێ وردەكارییەكانی بڕیارەكە لە دەقی بڕیارەكە كە لە كتێبەكە دانراوە بخوێنرێتەوە.
