سهردێرهكان
- بۆ هۆمەر محەمەدی گەورە و منەوەر ڕەوا هەژار
- جینۆسایدی گهلی کورد و گهلی توتسی ………………………………….. سروە نوری ئەزیز
- ئایدیاو چەمکسازی لە نێوان داهێنانی فیکری و بەرپرسیارێتیی زانستیدا……………… هۆمەر محەمەد
- کوردە فەیلییەکانی عێراق.. پێکهاتەیەکی ناوازە، کە لەژیر توندوتیژیدا پلیشاونتەوە پڕۆفیسۆر دکتۆر سەیار جەمیل
- لە پێناوی شکۆی پاڵەیی یاخود فەیلیەکاندا هەڵوەستەیەک لە بڕیای (٤٧٤) هۆمەر محەمەد
کەمال وای پێگوتین
کەمال وای پێگوتین
عومەر محەمەد
ئێوارەیەكی درەنگ وەخت گەیشتینە سەنگاو لە ماڵی پیاوێك بەناوی (كەمال) بۆ پشویەكی كورتخایەن لاماندا، هەرئەوەندەی تا چایەكمان بۆ ئامادەكرا، كاتێك لە نیازی میوان
ە درەنگ وەختەكانی تێگەیشت، كەمال سەری قسەی دامەزراندوو ووتی: سالی 1992 چووین بۆ راو بۆجەوڵەكانی نزیک گوندی تۆپخانە[1]، لە بن كاچ ( ئەشكەوت)ێك فەردەیەك شەكروكۆمەڵێك جلوكەلوپەلم بینی، لەراستیدا من زۆرسەرم سورما لەوەی ئەم فەردە شەکرو کەلوپەلانە چین لەم ئەشکەوتەدا، دواتر ووردبوومەوە باوەڵێكی بچوكیشم دۆزییەوە، باوەڵەکە كۆمەڵێك (تەسكەرە)و پێناسیشی تێدا بوو، منیش هەڵمگرتو هێنام پێشانی پیشانی برادەرەكەممدا، ئەویش ووتی، من خاوەنی ئەم تەسكەرەیە دەناسم (عەلی محمد عەزیز) ی گوندی تۆپخانەیە ئینجا ئاهێكی هەڵكێشاوو وتی: ئەو پیاوە ئەنفالكراوە، براكانی و منداڵەكانی دەناسم ئەم تەسكەرانەیان بۆ دەبەمەوەو دەددەمەوە دەستیان .
عەلی محمد كێ بوو؟ ئەویش ئەنفالکراوێکی گوندی گوندی تۆپخانەو برای فەرەجی تۆپخانە كە لە كۆمەڵكوژییەکی ئەنفالدا لە بیابانەکانی پارێزگای رومادی لە نیسانی 1988 لە ناو گۆرێكی بەكۆمەڵ رزگاری بوو. دواتر خۆی گەیاند بووە كەمپی (ئاڵتاش) كە ئاوارەی كوردی لێبوون.
ئەوكاتەی كەمال سەنگاوی ئەم قسانەی بۆ ئەنفالستان گیرایەوە فەرەجی تۆپخانە لەشانی ڕاستیەوە دانیشتبوو. كە كەمال قسەكانی تەواوكرد فەرەج ئاخێكی هەڵكێشاو ووتی: عەلی برام هەتا تۆپزاواش پێكەوە لە یەك قاعەدا بووین بەلام كە ئێمەیان بەرەوخواروی عێراق برد ئیتر چاوم پێی نەكەوتەوە.
لەئەنفالستان ژمارە (١٠) بڵاوکراوەتەوە
[1] تۆپخانە گوندێکی دورەدەستی گەرمیانەو سەر بەناحێی قادرکەرەمە، لە پەلاماری ئەنفالدا ٢٦ کەسیان گیران و بێسەروشوێنکران یەکێکیشیان بە زیندویی لە کۆمەڵکوژیی بیابانەکانی پارێزگای رومادی دەربازی بوو بەناوی فەرەج محەمەد عەزیز، کە بەفەرەجی تۆپخانە ناسراوە . ئەو کەسەی کەمال باسی دەکات و پێناسەکەی دۆزیوەتەوە عەلی برای فەرەجی تۆپخانە بوو. سەفەرەکەی ئێمەش بەرەو گوندی تۆپخانە بوو، هەر ئەو شەوە گەیشتین و شەومان لەوێ ڕۆژکردەوە.
