سێوسێنان بەر لەپەلامارەکانی ئەنفال‌و دوای ئەنفال … عومەر محەمەد
سێوسێنان بەر لەپەلامارەكانی ئەنفال‌و دوای ئەنفال
عومەرمحەمەد
٢٢/٣/٢٠١٨
سەرلە ئێوارەی ٢٢ لەسەر ٢٣ی ئازاری ساڵی ١٩٨٨ گوندی سێوسێنان گازبارانکرا، دوای ئەوەی گوندنشینەکان بە نیازی نانی ئێوارە چوونەوە ماڵەکانیان، رێک لەکاتی نانی شێوان بە زرمەو نرکەی کاتوێشا بە ئاگا هاتن،کە لە سەربازگەکەی دەربەندیخانەوە بۆیان هەواڵە کرا، هەرچەندە بۆمبەکان دەنگیان نزم بوو، بەڵا تراژیدیای گەورەیان بە دوای خۆیانداهێنا، بەجۆرێک نەک نانی ئێوارەی لێشێواندن، بەڵکو کەس فریا نەکەوت پارویەک قوتبدات، جگە لە کۆمەڵکوژییەکی ترسناک کە هەر لە جێدا ٦٥ کەس شەهید و نزیکەی ٤٠ کەس بریندار بوون، بەیەکجاری شیرازەی گوندەکەی شێواندن. هەرئەو شەوە ٤کەسی تری گوندی کۆشک لەکاتی بەهاناوەچونیان بۆخەڵکی سێوسینان ٤کەسیان برینداربوون و گیانیان لەدەستدا بۆیە هەمیشە شەهیدەکانی سێوسێنان ٦٩ کەس ناودەبرێن . نابێت ئەوەشمان فەرامۆش بکەین کەوا هەرلەو کیمیابارانەدا پێشمەرگەیەکی خەڵکی هەوارامانیش شەهید بوو.
ئەم پەلامارە ژەهراویە دەستپێکی قۆناغی دووەمی ئەنفال بوو، کە دواتر بووە جێگەی سەرنجی فەرماندەکانی سوپاوە بووە عادەت بۆ پەلاماری قۆناغەکانی تر.
رۆژی دوایی ٢٣ی مانگ هێزەکانی سوپا لە ٨ قۆڵەوە بە فارماندەیی لیواڕکن د.ع زرێپۆش” ئەیاد خەلیل زەکی”[1] پەلاماری ناوچەی قەرەداغی دا، وەک چۆن ئێستا چەتەکانی ئەردۆگان لە عیفرین مریشک وهێلکەشیان دەدزی سوپای عێراق وجاشەکانیش هەروایان دەکرد، زەبری هێز گوندنشینەکانیان لەماڵەکانیان دەدەپەڕاندا و دەستیان دەکرد بەتاڵانی و ماڵ وسامان ومریشک وهێلکەشیان دزی و ئەوەی بەردەستیان کەوت لەگوندنشینەکان گرتیانن و ئەنفالیان کردن.
بۆ درێژەی راپۆرتەکە لێرە کلیک بکە
[1] لە بەڵگەنامەیەکدا کە لەبەردەستە نوسراوێکە تیایدا هەتووە بە فەرمانی بەڕێز سەرۆکی فەرماندە بە بەخشینی مەدالیای ئازایەتی بۆ لیوا روكن (درع) ئەیاد خەلیل زەكی فەرماندەی پرۆسەی ئەنفال بە هۆی رۆڵی بەرچاوییەوە لە فەرماندەیی كردنی پرۆسەی ئەنفالی دووهەم . بە ژمارە ( ٣٤٧)مەرسومی كۆماری بۆ دەرچووە لە ١١ی نیسانی ١٩٨٨ . بۆ زانیاریتان . ئەیاد خەلیل زەکی فەرماندەی عەمەلیاتی ئەنفالی دووەم بوو لەناوچەی قەرەداغ ودواتریش لە ئەنفالی گەرمیان و ئەنفالی قۆناغی چوارەم و لەناوچەی بادینانیش ڕۆڵی بەرچاوی هەبووە ئەم ئەفسەرە تاوانبارە کە ئێستا لە ژیاندا نەماوە لەبەرئەوەی سەربەئاینی شیعە مەزهەب بوو ناوەکەیان لە داداگای باڵای تاوانەکان دەرهێناو شیعەکان رێگەیان نەدا لێکۆڵینەوەی لەگەڵدا بکرێت و داگایی بکرێت . دەبێت ئەوەش بوترێت کە جگەلەم ئەفسەرە کە فەرماندەی یەکەم بووە چەند فەرماندەیەکی تر بەپلەی جیاواز بەشداربوون و فەرماندەیی پرۆسەی ئەنفالیان لە ئەستۆدا بووە، لەوانەی ناویان بەردەست کەوتووە ( عەمید عەلی لەفتە حسێن ئەلعقابی رازگری پێشەوایەتی هۆبەی خالدی سەربازی . لەگەڵ ئەفسەرێکی تر بەپلەی عەقید بەناوی بەدوی حسن صالح ئەویش رازگری پێشەوایەتی رەشیدی سەربازی بووە ئەمانیش وەكو هەڤاڵانی سەركردایەتی تیپەكان ناویان هاتووە کە پرۆسەی ئەنفالی دویان پێسپیردراوەو ناوی لەناو بەڵگەیەکدا هاتووە کە خەلاتیان پێ بەخشراوە، لەبەرانبەر ئەرکەکەیاندا لە پرۆسەی ئەنفالی یەك‌و دوودا بروانە ئەنفالستان ژمارە ١١ ل
