دووەمین كۆنفرانسی “جینۆساید ڕەنگدانەوەی لە ئەدەب و هونەرومیدیادا” لەشاری سلێمانی بەڕێوەچوو.
كۆنفرانسی “جینۆساید ڕەنگدانەوەی لە ئەدەب و هونەرومیدیادا” لەشاری سلێمانی بەڕێوەچوو.
ئەنفالستان : وەزیری ڕۆشنبیری و لاوانی حكومەتی هەرێمی كوردستان، لە ڕێوڕەسمی كۆتایهاتنی كۆنفرانسی “جینۆساید ڕەنگدانەوەی لە ئەدەب و هونەرومیدیادا” خەڵاتی ڕێزلێنانی وەزارەتی پێشكەش بە توێژەرانی بەشداربووی كۆنفرانسەكە كرد.
كۆنفرانسی “جینۆساید ڕەنگدانەوەی لە ئەدەب و هونەرو میدیادا”، ڕۆژانی ٢٥ -٢٦ی ئابی ٢٠٢٥ لە هۆتێل هایكرێس لە شاری سلێمانی دەستیپێكرد و دوو ڕۆژ بەردەوام بوو.
لە كۆنفرانسەكەدا نزیكەی بیست توێژەری بوارە جیاوازەکانی ئەدەب و هونەرو میدیا، بەشداریان كرد، سەرجەم توێژینەوە پێشكەش كراوەكان، لە دوو توێی كتێبێكدا چاپ و بڵاوكرانەوەو لەرۆژی یەکەمی کۆنفرانسدا بەسەر ئامادەبواندا دابەشکرا.
لە كۆنفرانسەكەدا دەیان ئەكادیمی و نووسەر و ئەدیب و كەسایەتی هونەری و كۆمەڵایەتی و سیاسیی و چالاكانی بواری ئەنفال و جینۆساید و كیمیاییباران بەشدار بوون.
لە كۆتایی كۆنفرانسەكەدا، وەزیری ڕۆشنبیری و لاوان خەڵاتی ڕێزلێنان و بەشداربوونی پێشكەش بە توێژەرانی بەشدار و پانێلیستەكان كرد و هیوای سەركەوتنی بۆ خواستن.
كۆنفرانسی جینۆساید ڕەنگدانەوەی لە ئەدەب و هونەرو میدیادا، كۆنفرانسێكی زانستییە، كە وەزارەتی ڕۆشنبیری و لاوان ڕێكیخست
