سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ئاماژەکانی تاوانکاریی جێنۆساید .
ئاماژەکانی تاوانکاریی جێنۆساید .
هۆمەر محەمەد
یەکەم هەنگاوی زەمینە زەمینەسازی و ئامادەکاری .
١- دەستنیشانکردن: کێن ئەوانەی دەبێت ریسوابکرێن و دواتر بکوژرێن و لە گۆڕ بندرێن؟ئەوانەی دەوڵەت، سەرۆک، نەفرەتیان لێدەکات و تەواوی دەزگاو دامەزراوەی مێدیایی رادیۆو تەلەفزیۆن و مزگەوت و کێساو ناوەندە کۆمەڵایەتی و سیاسیەکان و تۆڕە کۆمەڵایەتیەکان. دەخرێنە خزمەتی ئامانجەکەیەوە کە ڕەشکردن و لەمرۆڤ خستنی گروپە دەستنیشانکراوەکەیە. داماڵینیان لەهەموو بەها مرۆیی و کلتوری و نیشتمانیەکان. ٢- ڕەشکردن و ڕیسواکردن: سیاسەتی ڕەشکردن لەبنەرەتەوە بۆ ئەوەیە جەلاد باشترو ئاسانتر دەستی بچێتە قوربانی و گروپی دەستنیشانکراو. بۆنمونە کوشتنی (کورد) یان کوشتنی ئێزدی، ببێتە کارێکی رۆتین و ئاسان. * – نازییەکان بەرلەوەی دەست بەقڕکردن و جێنۆسایدکردنی جووەکان بکەن. پێیان دەگوتن (رەگەزە پیسەکە). نابێت لەسەر زەمینی ئەوروپا بمێنن.بەعسیەکان، بەرلەوەی دەست بەهەڵمەتەکانی ئەنفال بکەن. بەکوردە گوندنشینەکانیان دەگوت کافرو مەجوس و بەکرێگیراوی ئێران و خائین زادە. یان دەبێت بێنەوە ڕیزی نیشتمانی یان دەبێت قایل بن بەوەی نیشتمانیان بۆ بکرێت بەگۆڕستان.
ئاگاداری ئیزدییەکان بن.
تکایە کوردی بەئەخلاق و هوشیار، ئاگاداری سیاسەتی ئابروبەرانەو تاوانکاریانەی فاشیزم بن، تکایە نەکەونە داویانەوە، ئەو هەڵمەتەی ئێستا بۆ ڕەشکردنی ئێزدییەکان بەرگەڕخراوە. ئەگەر بەتوندی رەتنەکرێتەوە ئەوسا پەشیمانی دادی کەس نادات و پەڵەیەکی ڕەش بەناو چاوانی هەرکەسێکەوە دەبێت ، کە ئاگری دوبەرەکێ خۆش دەکات. جا موسڵمان بێت یان ئێزدی.
بیرتان بێت، کە ئاینەکان هەرچەندە پیرۆزبن، جەنگەکان پیرۆزنین و وێرانکارن.مرۆڤی هۆشیار ئاین دەکاتە ئاوی ئاشتی و کڵپەی ئاگری جەنگ دەکوژێنێتەوە. مرۆڤی گەمژەو شەڕانگێز ئاین دەکاتە بەهانەو ئاگری جەنگی پێخۆش دەکات.
