سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
هەڵەبجە …………. عومەر خەتات
هەڵەبجە …………….. عومەر خەتات
هەڵەبجە!ساڵی ١٩٤٥، کۆمەڵێــك ڕزگاربووی هۆلۆکۆســت کە بەشــێکی زۆریـــان جوو و کۆمۆنیســتەکان بوون لە زیــندانی بۆخیــنفاڵدی نزیك ڤـایمار ڕزگار کران. لە کاتی ئازادبوونیــاندا، بەشــێکی زۆریـــان شــیعاری “جارێکی تر ڕووناداتەوە- Never again” بە زمــانی جۆراجۆر و لەسەر پلاکاردی بچووك نووســی و بەرزیــان کردەوە. ئەوەی ئەوکات دونیــا لێی تێگەیشتبوو ئەوە بوو کە مرۆڤایەتی مۆدێرن دەیەوێت لاپەڕەیەکی ڕەش لە مێژووی خۆیدا هەڵبداتەوە و لاپەڕەیەکی دیکەی نوێ بکاتەوە. پەڕەی نوێ کەمێــك ئومێدبەخشــی لەگەڵ خۆی هێــنا، ئەوەبوو جاڕنامەی گەردوونی مافەکانی مرۆڤ بەیان کرا، کۆمەڵێــك لە وڵاتانی ئەفریقا و ئاسیا سەربەخۆیــیان بەدەسـتهێــنا، سەرکەوتن لە ڤێتنام، شەپۆلی شۆڕشە دیموکراسیەکان لە ئەمریکای لاتین و باشووری ئەوروپا و ڕووخانی ڕژێمی ئاپارتاید لە باشووری ئەفریقا لەو ئومێــدانە بوون کە شیعاری “جارێکی تر ڕووناداتەوە” کردە ئومێــدێکی گشــتی. مانای شــیعارەکە “جارێکی تر ڕووناداتەوە” تەنهــا بۆ دۆخی جووەکان نەبوو وەك قوربانیــانێکی ئەبەدی، بەڵکو مانای ئەوەبوو کە جارێکی تر هیرۆشــیما، ڤێــتنام، هەڵەبجە و ئەنفــال، کۆلۆنیــالیزم و داگریکاری و شەڕ، جینۆســایدی جووەکان و غەیرە جووەکان دووبارە نابێــتەوە!بەڵام ئەم ئومێــدانە هەر زوو لوتیــان تەقا بە ســنوورەکانی ئایدیۆلۆژیــای نیولیبرالیزم و لۆژیکی جەنگخوازی سەرمایەوە. دنیــا جارێکی تر بەرەو شەڕو ئاشووب و کاولکاریی و سەقامگیرکردنی سیستەمی تاكجەمسەری دنیــا هەنگاوی نا. جەنگ بووە بڕیارێك کە بەهێزەکان هەر کاتێك بیانەوێت دەیدەن و هیچ بەرپرســیارەتیــیەکیش هەڵناگرن. هەڵەبجە لە پاڵ زۆر شــوێنی تری جیهـــان کرایە شــانۆی نمایشــی مەرگێــکی بە کۆمەڵ و ملوانکەیەکی سەرکەوتنیش بۆ ناسیونالیزمێکی ملهوڕی مرۆڤکوژ. شیعاری”جارێکی تر ڕووناداتەوە” لە ئێستادا تەواو شیعارێکی پوچ و بێ مانا دەردەکەوێت. یـــادی کارەســاتی هەڵەبجەدا، ڕۆژێــك نیــیە بۆ قوڕپێوان و هەســت کردن بە مەزلوومیەت، ڕۆژی ملخوارکردنەوە و بێچارەیی نیــیە، مەشــیئەتێکی ئیلاهی نیــیە تێــیدا دەســتی رەحمــەت بەرز بکەیــنەوە بۆ ئاسمان، بەڵکو یادێــکە پێمان دەڵیت کە چارەنووســی ژیانی ئازاد، ژیــانێكی ئارام و بێ جەنگ و خوێــنڕشــتن و نا عەدالەتی لە جنگی خۆمـــاندایە، خەڵکی کوردســتان دەتوانن کارەســاتەکانیان بگۆڕن بە مێژوویەکی درەخشــاوە ئەگەر ئیــرادە بکەن. یادی #کیمیــابارانی_هەڵەبجە شکۆدار بێت
