سهردێرهكان
- وانەیەک بۆ مێژوو……….. هۆمەر محەمەد
- سینەما وەک پارێزەری مێژوو کورد ڕزگاربوویەکی بەهێزە، نەک قوربانییەکی زەلیل. ………………..هۆمەر محەمەد
- چاوەڕوانی لە نێوان عەشق و غەنیمەتدا گفتوگۆی من و پورزا عارف ……………………هۆمەر محەمەد
- ئاماری ئەنفالکراوانی گوندەکانی داوێی گەرمیان ………..هۆمەر محەمەد
- دوای ٣٨ ساڵ دەپرسم بۆچی هەڵەبجە؟……………….نەجیبە قەرەداغی
مەراسیمی واژۆکردن
کاتژمێر پێنجی ئێوارەی ئەمڕۆ٢٦/٨/٢٠٢٣ لە ڕێکخراوی ئازادبوون لە شاری سلێمانی لەلایەن گۆڤاری ئەنفالستانەوە، رێوڕەسمی ناساندنی کتێبی (نوگرەسەلمان، قەڵای مەرگ و پاکتاوی نەژادیی) کە لەلایەن بەندەوە نوسرابوو،ئەنجامدرا. سەرەتا کاک هۆمەر محەمەد کورتەباسێکی سەبارەت بە فۆڕمی کارکردنی نوسەر و گۆڤاری ئەنفالستان و ئامانجەکانی کارکردنی گۆڤارەکە پێشکەش کردو دواتر بەڕێز سالار مەحمود سەرۆکی یەکێتی نوسەرانی جینۆساید بەباسێک سەبارەت بە نوگرەسەلمان و ئەو دڵڕەقی و دڕندەییەی بەعس لە ئەنفالدا ئەنجامیداوە، رێورەسمەکەی دەوڵەمەند کردو هەروەها باسی لە ئەزمون و شێوازی کارکردنی نوسەر لە بواری ئەنفال و جینۆسایدکرد. دواتر نوسەری کتێبەکە باسی لە نوگرەسەلمان و ناوەڕۆکی کتێبەکە بۆ ئامادەبوانی کردو هاوکات کاک عەلی مەلا عارف چەند دیمەنێکی ئازاربەخشی نوگرەسەلمانی باسکرد کە بەچاوی خۆی لە نوگرەسەلمان بینیبووی.لە بەشی کۆتاییدا ئامادەبووان سەرنج و تێبینی و دەستخۆشی خۆیان پێشکەشکرد.شیاوی ئاماژەیە ئەم کتێبە بەسپۆنسەری برای بەڕێز کاک تەحسین قادر و لەدیزاینی بەڕێزان هاوار خان و کاروان عوسمان و هەڵەچنی کاک ئاوات کۆکەیی بوو. سوپاس بۆ هەموو ئەو ئازیزانەی هاوکارمان بوون. دەستی هەموو لایەک خۆشبێت
