سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
دەشلێن هیچمان لێ پەیدا نابێ……………… هۆمەرمحەمەد
دەشلێن هیچمان لێ پەیدا نابێ.
لە کۆنفرانسەکەی زانکۆی گەرمیاندا، ساڵی ٢٠١٥ باسێکم پێشکەش کرد، لە ناو سەرنج و رەخنەکانمدا (لە میدیای کوردی) رەخنەیەکم بەرۆکی ئامادەبوویەکی گرتەوە، ئەگەرچی بە رێزەوە ناویم هێنا کە بەهەڵەدا چووەو هەڵەی بەسەردا تێپەڕیوە. تەنها ئاماژەم بە (هەڵە) کردووەو بەڵگەم خستووەتە ڕو، ئەوەندەو هیچی ترنا، هەرلە دوای تەواو بوونی باسەکەم چەند دۆست و هاوڕێیەک لە دڵسۆزییانەوە هاتن و رەخنەی ئەوەیان لێگرتم، کە نەدەبوو باسی هەڵەکانی بکەم، ئاخر بۆچی ؟ چونکە ئێمە هاورێی یەکین !
دەی من وا تێگەیشتووم رەخنەکردن دوژمنایەتی نیە، رەخنە گرتن نابێت لەسەربنەمای دۆستایەتی وهاوڕێیەتی بێ، هەروەک نابێت لەسەر بنەمای ڕق و دوژمنداریش بێت، چونکە ئەوەی ئەمرۆ ئێمە دەیکەین و دەیڵێن و دەینوسین سبەی مێژووە .. مێژوو بەچاوپۆشی وخزمایەتی و برادەرایەتی دروست نابێت .. کە رەخنەی بابەتێک دەکەم بەدوای دۆستایەتیەوەم . نەک دوژمنایەتی، هەقوایە رەخنەو جنێو لێک جودا بکەینەوە ڕێگەم بەخۆم نەداوەو رێگەش نادەم تۆمەتبخەمە پاڵ کەس وجنێو بەکەس بدەم، لە کوێدا وەها منتان دیت، لێم قبوڵ مەکەن، لەهەر نوسینێکمدا زانیتان هەڵەم کردووە سوپاسی رەخنەکانتان دەکەم.
