سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
بڕیارەکە هەڵوەشایەوە
بڕیارەکە هەڵوەشایەوە
anfalistan : بڕیاری بەسەربازگەکردنەوەی تۆپزاوا هەڵوەشایەوە، دوای ئەوەی کۆدەنگیەکی ناڕەزایی لەسەر بەسەربازگە کردنەوەی تۆپزاوا دروست بوو، ئەمڕۆ خەلیل رەحیم بەڕێوەبەری کاروباری شەهیدان و ئەنفالکراوانی کەرکوک ڕایگەیاند، کە پڕۆژەی بەسەربازگەکردنەوەی تۆپزاوا بەتەواوەتی هەڵوەشایەوە. لای خۆشیانەوە کۆمەڵەی داکۆکی لەپرسی ئەنفال ڕایانگەیاند کەوا نوسینگەی سەرۆک کۆمار ئاگاداری سەرۆکی کۆمەڵەکەیانی کردوەتەوە کەوا سەرۆک کۆماری عێراق لەگەل وەزیری دیفاعی عێراق قسەی کردوەو نۆژەنکردنەوەی سەربازگەی تۆبزاوا هەڵوەشێنراوەتەوە .لەپەیوەندییەکی تەلەفۆنیدا بەڕێوەبەری گشتی کاروباری شەهیدان و ئەنفالکراوانی سلێمانیش مافناس ئەدیب لەتیف بە ئەنفالستانی ڕاگەیاند: بەهەوڵی پەڕلەمانتارانی کوردو سەرۆک کوماری عێراق، لەوەزارەتی بەرگری عێراقەوە بڕیاری بەسەربازگەکردنەوەی تۆپزاوا هەڵوەشێندرایەوە.
تۆپزاوا لەسەروەختی ئەنفالدا کرابووە بنکەی سەرەکی کۆکردنەوەو پۆلێنکردنی گوندنشینە ئەنفالکراوەکانی هەرسێک پارێزگاکانی سلێمانی و هەولێرو کەرکوک بوو، ئەویش سەربازگەیەک بوو لەسەرنەخشەی روسی وەک سەربازگەکانی تری عێراق دروستکراوەو دەکەوێتە خۆرئاوای شاری کەرکوکەوە.
دەستخۆشی بۆ هەموو ئەو کەس وڕێکخراوو لایەنانەی کە لەو دەستدرێژییە بێدەنگ نەبوون و توانییان فشار بخەنە سەر حکومەتی عێراق و بریارەکە هەڵبوەشێننەوە. بەڵام ئەگەر لەئایندەدا تۆپزاوا نەکرێتە مۆنۆمێنتێکی شایان بە مێژووی کوردو عێراق ئەوا دواڕۆژی هەر بەسەربازگەکردنەوە دەبێت .
