سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
سبەینێ شانزەی سێ یە، چ دەبوو ئەگەر وابوایە ؟
سبەینێ شانزەی سێێە، چ دەبوو ئەگەر وابوایە ؟
عومەر محەمەد
ساڵی ٢٠١٤ وتارێکم نوسی، لەبری دەستخۆشی هەندێک کۆمێنتی ناخۆشم بۆ نوسرابوون، بەڵام لەبەرئەوەی دەمزانی نوسەرەکانیان هێشتا زۆریان ماوە لەمەبەستەکەم تێبگەن زۆر خۆم تێنەگەیاندن ئەوان وایانزانی بوو من دژی بەپارێزگا بوونیم، لەکاتێکدا لەوەم زیاتر بۆ داواکردبوون، ماڵیان ئاوابێت ئەوانیش زۆرتر پێیان لێ ڕانەکێشاو زوو خاڵی بوونەوە.
لەو وتارەدا نوسیبووم : گرنگە هەڵەبجە ببێتە پارێزگا، بەڵام نەك لەبەرئەوەی كە ڕوبەری شارەوانی قەزاكە گەورە بووە و پرۆژەكانی ئاوەدانی پێشنەكەوتون. لەبەرئەوەش نا، كە ژمارەی دانیشتوانەكەی زیادی كردووە، بەڵکو لەبەر قسەی حسابی ترو هۆكاری لەپێشتر، كە گرنگە لە بەرچاویان بگرین.
لەپێش هەموویانەوە هۆكاری مێژویی‌و ناوە مەعنەوییەكەی هەڵەبجەیە كە لە سۆنگەی جێنۆسایدو ئەو تاوانە گەورەیەی دەرهەقی كراوەو هەڵەبجەی بەدنیادا ناساندوە. ئەوەی دەبێت لە بەرچاوبگیرێت لەپێش هەموو هۆكارەكانی ترەوە تاوانی گەورەی دەوڵەتی عێراقە، كە دەبوو زۆر زووتر بكرایە بەشارێكی مێژویی وەک چۆن قودسی بۆ فەلەستینیەكان‌و نەجەف بۆ شیعەكان‌و هیرۆشیما بۆ ژاپۆنیەكان، بووە بەشوناس هەلەبجەش ببێت بەشوناسی کورد بەڕوی دكتاتۆرییەتی بەعس‌و شۆڤێنێتی عەرەبیدا هاوکات نیشانەیەکی پرسیاریش بێت بۆ بێدەنگی كۆمەڵگەی نێودەوڵەتی. نەک هەر ئەوەندە
داوامکردبوو ببێت بەشاری ئاشتی و لەهەموو چەکێک دابماڵدرێت، تەنانەت هەڵمەتێک دەستپێبکرێت تاقە کەسێک نەبێت لەهەڵەبجە پێکەوە دەنگیان نەبێ بەڵکو ئەگەر هەش بێت هەموو دڵ لێک ئێشاوەکان ئاشت ببنەوە.
هەموو توندوتیژییەک لەهەلەبجە یاساغ بێت.. (لێدان لەمنداڵ، لێدان لەژن، شەڕی عەشایەری وشەڕی حزبەکان).
لەنوسینێکی تردا داوامکردبوو، هەموو ماڵێک ناوی شەهیدەکانی و ونبوەکانی لەسەر (تابلۆیەک، مەرمەرێک) بنوسێ و بەدەرگای ماڵەکەیدا یان بەدیواری حەوشەی ماڵەکەیدا هەڵی بواسێ ..
ئەفسوس هەڵەبجە نەک نەبوو بە شاری ئاشتی بەڵکو بە تابلۆیەک و چەند واژۆیەک ناونرا پارێزگا و لەپەرلەمانیش ناونرا پایەتختی ئاشتی .. بەڵام ئەویش بەدەردی قودس ودڵەکەی کوردستان برا، وەک چۆن زۆر کەرکوکی تەعریب و تەرحیل چۆکی پێدانەدان لە ئازادیدا ماڵەکانیان دەگوازنەوە بۆ چەمچەماڵ وهەولیرو سلێمانی کەم وزۆر هەڵەبجەییەکانیش لەساڵی ٢٠٢١ و سەدەی بیست ویەکدا پشت لەتابلۆی پارێزگاو پایتەختی ئاشتی دەستیان کردووە بەکۆچ. !
چ شەرمەزارییەکە، ئەو هەڵەبجەییانەی (دیکتاتۆرییەت) دڵی شکاندبوون (دیموکراسیەت) ئاشتی نەکردنەوە ؟ چ درۆیەکی گەورە بەدەم ئازادی و دیموکراسییەوە کرا ؟ چ ستەمێک لەم شارەو ئەو هەموو قوربانیانە کرا ؟
چ دەبوو ئەگەر هەڵەبجە شارێکی رەمزی و مێژویی بوایەو لەڕوی مەعنەوی و کارگێری وپرتۆکۆڵییەوە لە ئاستی پایتەختدا بوایە و ئێمەش ئەو شوناسەمان بۆ سەروەری هەبوایە ؟
چ دەبوو ئەگەر دەسەڵاتداران وحزبی کوردی وەفاداری ئەم هەموو خوێنە بوایەو لەدەسەڵاتداری هەموو ناوچەکە جیاوازبوایەو جێگەی شکۆمەندی بوونایە ؟
