سهردێرهكان
دەربازبوویەکی گۆڕی بەکۆمەڵ کۆچی دوایی کرد.
ئەبابەکر عەلی سەعید دانیشتوی گوندی کورێمێ سەربەناحێی مانگێشک قەزای ئامێدی کۆچی دوایی کرد.
ئەبابەکر لە دایکبووی سالی ١٩٥٤ یەکێکە لە دەربازبوانی کۆمەلکوژییەکەی ٢٨ی ئابی ١٩٨٨ گوندی کورێمێ و یەکێک بوو لەکارەکتەرەکانی فیلمی ١٠٠١ سێو ـ بەداخەوە رۆژی ٢٠/٩/٢٠٢٠ بەهۆی نەخۆشییەوە کۆچی دوایی کرد .
ئەبابکر شایەتحالێکی گرنگی دۆسێی ئەنفال بوو، شایەتحاڵی دادگای بالای تاوانەکان بوو لە دۆسێی ئەنفالدا.
بەناوی ماڵپەرو گۆڤاری ئەنفالستانەوە بەشداری خەمی کەسوکاریانین و نیگەران و خەمبارین
سالی ١٩٨٨ لە ٢٥ ئابدا هێرشکرایە سەر ناوچەی بادینان و تەوای ناوچەکە لەلایەن فەیلەقی پێنجی سوپای عێراقەوە گەمارۆدراو قۆناغی هەشتەمی ئەنفال دەستی پێکرد، هەتا رۆژی ٦ی ئەیلولی هەمان سالی خایاند، رۆژی ٢٨ی ئابی سالی ١٩٨٨ خەڵکی کورێمی و هەندێک خەڵکی گوندی چەلکی خۆیان رادەستی سوپاکرد، بەلام دوای ئەوەی ژن ومندال وپیاویان جیاکردەوە هەر لەجێدا پیاوەکانیان گوللەباران کرد کەژمارەیان ٣٣ پیاوبوو بەلام خۆشبەختانە ٦ کەس لەو کۆمەلکوژییە بەبرینداری رزگاریان بوو یەکێک لەوانە ئەبابکر بوو .
