دیسانەوە دەربارەی ئەم وێنەیە.
دیسانەوە دەربارەی ئەم وێنەیە.
عومەر محەمەد
لە ٢٣ی ئازاری ساڵی ٢٠١٥ دەربارەی ئەم وێنەیە رای خۆمم بلاوکردەوە ئەوساش رام گەیاند ئەم وێنەیە بەهی ئەنفال نازانم، هەرئەوسا نوسیومە : (من بەپێی تێفکرین و وردبوونەوەم لەم وێنەیە ناچێتە عەقڵمەوە ئەم وێنەیە هی ئەنفالبێت، بەڵکو پێدەچێت وێنەکە هی ئاوارەیی ساڵی ١٩٩١ بێت، نەک هی ئەنفالی ساڵی ١٩٨٨ . هەروەک لە شیوەی جل و بەرگ و تەنانەت پێکەنینی هەندێکیاند دیارە، راستە ئەنفالکردن لە کوردستان بووە بەڵام کۆمەڵکوژی بە زۆری لە بیابانەکاندا بووە، هەروەک لە چیاکەی پشتەوەیاندا دیارە کە ئەم منداڵانە لەبیابان نین وای نابینم بۆ مەرگ وەستابن، بەڵکو وای بۆ دەچم بۆ وەرگرتنی هاوکارییەکانی رێکخراوەکانی نەتەوەیەکگرتووەکان ورێکخراوە (ئێن جی ئۆ)کان وەستابن . دیقەت بدەن پێڵاوەکانیان قوریان پێوەیە. سەرباری ئەو تێبینیانەش دورنی یە، ئەم منداڵانە خەڵکی کوردستانی رۆژهەڵاتبن. بەهیواین ئەم تێبینیانە سودیان هەبێت لە مەودوا وێنەو بەڵگەکان بە وردبینیەوە بڵاوبکرێنەوە.) بروانە ئەنفالستان ژمارە ١١ و ماڵپەری ئەنفالستان رۆژی ٢٣ی ئازاری ٢٠١٥ یاخود لەم لینکەی خوارەوەدا .
http://www.anfalistan.com/2015/03/23/%d8%af%db%95%d8%b1%d8%a8%d8%a7%d8%b1%db%95%db%8c-%d8%a6%db%95%d9%85-%d9%88%db%8e%d9%86%db%95%db%8c%db%95/
دوو ساڵێک پێش ئێستا رۆژنامەنوس کاک ئەسعەد جەباری دیداری لەگەل کوڕێک سازدابوو بەناوی کاک فەتاح خالۆبازایانی سەبارەت بە ئەنفال و لەو دیدارەدا کاک فەتاح جەخت دەکاتەوە یەکێک لەو منداڵانە ئەوەو بەبیری دیت وێنەکە گیراوەو پرکێشی ئەوەشی کردبوو کە گوتبووی وێنەکە لە تۆپزاوا گیراوە، ئەم دیدارە لە رۆژنامەی کوردستانی نوێ بڵاوکرایەوە. من هەر ئەوکاتە لەگەڵ کاک ئەسعەد قسەم کردو جەختم کردەوە کە ئەم وێنەیە هی ئەنفال نیەو ئەو کاک فەتاحەش بەهەڵەدا چووە، ئەوسا ئەوەی دەمگوت تەنها بۆچوون بوو نەک یەقین چونکە هیچ بەڵگەیەکم بەدەستەوە نەبوو بەڵام بەپێی لێکدانەوەو شیکردنەوەی خۆم بروام بەوە نەهێنا بەداخەوە کاک ئەسعەد و کاک فەتاح نەیانسەلماند هەرچی کاک ئەسعەد بوو پپشتی بە قسەکانی فەتاح بەستبوو. ئەگەرچی من ساڵی ٢٠١٥ ئەو رونکردنەوەیەی سەرەوەم بڵاوکردبووە، بەلام هەر خەمڵ وپێش بینی بوو، سەرئەنجام قسەکانم هاتنەدی ئەمڕۆ ۱٦/٤/۲۰۱۹ پەیجی فۆتۆگرافەری ئێرانی جاسم غەسان پور( jassem ghazbanpour ) بڵاوی کردووەتەوە کە ئەو خاوەنی وێنەیەکەیەو وێنەکەش لە کاتی ئاوارەبوونی کوردەکانداگیراوە کە ساڵی ۱۹٨٨ لەسەر سنووری ئێران و عێراق-ە ئەو منداڵانە ڕیزیان بۆ وەرگرتنی خۆراک بەستووە و شوێنەکەش ئۆردووگایەکی کوردەکانە لەئێران.جێگەی ئاماژەیە کاک ئەسعەد جەباری لەدوای دەرکەوتنی راستییەکە پۆزشێکی نوسی و داوای لێبووردن لە خوێنەرەکانی دەکات، نوسیوێتی : سەرەڕای ئەوەی کەتووشی هەڵەبووم لەساغکردنەوەی وێنەکە لەهەمانکاتدا نەدەبوو کاک فەتاح کە خاوەنی ئەنفالە خۆی بەیەکێک لەو منداڵانە بناسێنێ و منیش شەرمەزار بکات. هاوکات داوای لێبووردن لە (جاسم غەسان پوریش) دەکات. رونکردنەوەکەی کاک ئەسعەد لەرۆژی ١٦ی نیسانی ٢٠١٩ لەم ماڵپەرەدا بلاوکراوەتەوە . یاخود کلیک لەم لینکەی خوارەوە بکە .
http://www.anfalistan.com/2019/04/16/%d9%be%db%86%d8%b2%d8%b4-%d9%88-%da%95%d9%88%d9%88%d9%86%da%a9%d8%b1%d8%af%d9%86%db%95%d9%88%db%95%db%8c%db%95%da%a9-%d8%a8%db%86-%da%95%d8%a7%db%8c-%da%af%d8%b4%d8%aa%db%8c-%d8%a6%db%95/
