لەنێوان خراپ و خراپترین چاک ھەڵدەبژێرم ………………… عادل عوسمان
لەنێوان خراپ و خراپترین ، چاک ھەڵدەبژێرم …………………………..عادل عوسمان
لەسەر داوای برای بەڕێزم کاک(عومەر محەمەد) بۆ ڕسواکردنی ئەو ئەنفالچیانەی کەخۆزگە بەسەردەمی بەعس دەخۆن، ویستم بەشداریەک بکەم.
سەردێڕی وتارەکەشم دەربڕینی ژنێک بوو بەناوی زەینەب، کە نزیکایەتی خێزانیان لەگەڵ ماڵی سەدام حسەیندا ھەبوو، لە نەوەدەکانی سەدەی ڕابردودا، لەکاتی شەڕی کەنداودا ھەڵھاتبونە دەرەوەی عیراق. دەیگێڕایەوە، دەیووت ئەوەندە تێکەڵاوی خێزانیمان ھەبوو بە سەدامم دەوت مامە سەدام. بەڵام بەھۆی خوێندندنمەوە لەقوتابخانە کە کوردو مەسیحی لەگەڵمان دەیخوێند، باسی خراپی و پیاوکوژی بەعس و سەدامیان دەکرد، منیش نەدەچوو بە ئەقڵمدا کە مامە سەدام! ئەوەندە دڕندەبێت کە ھاوەڵەکانم باسیان دەکرد.
ڕۆژھاتوو چوو، باسەکان بونە ڕاستی و منیش بەھۆی دۆخی شەڕی کەنداوەوە ئاوارەی ھەندەران بووم و ئازادتر لە دڕندەیی بەعس و مامەسەدام! تێگەیشتم. ئەو گێڕانەوەم بۆ ئەوەبوو کەبڵێم ئەوژنە نوێنەرایەتی ئەخلاقێکی جوان و ڕەوشت بەرزانەی دەکرد و لە گێڕانەوەکەی بەردەوام بوو تاھاتە سەردۆخی ھەنوکەیی عیراق و خراپی دۆخەکەو ئەوپرسیارەی کرد.
کە ئایا مرۆڤ دەتوانێت، لە نێوان خراپ و خراپتردا، خراپ ھەڵبژێرێت؟ لەوانەیە ئەگەر بەراوردی بکەیت بەدۆخی لەدەستچوی ئەنفالچی و کاسەلێس وسودمەندەکانی دوێنێ و پڕدەسکەوتەکانی ئەمڕۆو بازرگانەکانی خوێنی ئەم ڕۆژگارە وتبێتی، خراپ لە خراپتر باشترە. بەڵام مرۆڤی ئەرکدار ماندوو بوو تێکۆشەر بەژیانی ئازادو کۆمەڵگەوە، وەڵامی جیاوازو کاری جیاواز دەڵێتەوەو دەکات.
