سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
دۆزی تاوانباری هۆڵەندی فرانس ڤان ئانرات و ڕاست كردنەوەو ڕوون كردنەوەیەك بۆڤینۆس فایەق وعەلی مەحمود.
دۆزی تاوانباری هۆڵەندی فرانس ڤان ئانرات و ڕاست كردنەوەو ڕوون كردنەوەیەك بۆڤینۆس فایەق وعەلی مەحمود.
ئەمیرقادر/هۆڵەندا
ڕۆژنامەی (رۆژنامە)
دوو بابەتی بەڕێز ڤینۆس فایەقی بەناوی سەرەتای دادگایی كردنەكەی فرانس ڤان ئانرات-
لەژمارەی 38 لاپەڕە 11 و 39 لاپەڕە 12 دا بەدووبەش بلاوكردۆتەوە، پێشتریش وەك
ئاگاداربووم هەمان بابەتی بە داڕشتنێكی تر لە كوردستان ڕاپۆرتداو لەماڵپەڕەكانیشدا
بڵاو كردبۆوە. من لەم بارەیەوەو بەدەمی لەكاتی پرۆسەی پێداچوونەوەكەی ڤان ئانراتدا
هەندێك لەو شتانەم بۆ ڕوونكردەوە كە بەداخەوە لە ڕاپۆرتەكەیدا بە هەڵە یاداشتی
كردبوو، ئەوەی لام سەیر بوو دواتر هەمان بەبا‌تی بەهەمان هەڵەوە بەشێوەیەكی
بەربڵاو تر بڵاوكردۆتەوە.
من
سەرنجەكا‌نی خۆم لەسەر بەشێك لە بابەتەكەی ڤینۆس خان بەم شێوەیە ڕوون دەكەمەوە،
بەوسیفەتەی كە لەهەموو پرۆسەكەدا من بەرپرسی ئەو دۆزە بووم و ئاگاداری زۆرینەی
زۆربەی كارو ڕاستیەكانی ئەودۆزەم وهەمیشە بۆم گرنگ بووە ڕاستیەكان چۆنن لەزمانی
هۆڵەندیەكانەوە و بە وەرگێڕانی دەقی بابەتەكانی دادگا و دۆكومێنتەكانی دادگا و،
پارێزەری گشتی و یاداشت كردنی ڕاستیەكانی ناوهۆڵی دادگا كە خۆم هەم وەك
وەرگێرهەندێك جار وهەم وەك بەرپرسی ئەو دۆزە وهەم وەك كەناڵی پەیوەندی قوربانیەكان
و پارێزەرو دادگا بەشداربووم لەزۆرێك لە كەناڵەكانی میدیایی هۆڵەندیدا لەم
بارەیەوە گفتوگۆم كردووە وزانیاریم داوە.
من
هەمیشە گریانم بۆ دۆزی قوربانیەكان و ئەو تاوانە هاتووە ئەوەی زۆریش دڵتەنگی
كردووم ئەو تاوانەگەورەیەو ئەم هەموو تاوانبارەو ئەدای كەسی كوردو ئەوانەبووە كە
بڕیاربووە لەسەنگەری قوربانیەكاندا بن، دەسەڵات و حیزب زۆریان كار بەمە نەبوو ئێمە
دەمان زانی هاوكارمان نابن و ترسمان هەبوو كەوەك نزار خەزرەجی وەفیق سامەڕایی
لایەنگرو ئەندامی ڕێكخراوەكانیان نەبن! ،خۆش بەختانە وا‌دەرنەچوو، یەكیەتیەكان و
كۆمیتەی بەنەلۆكس هاوكاری مادیان كرد ئەگەرچی لە ئا‌ستی ئەم كارە زۆرەدا نەبوو،
زۆر خەڵك لەپشتمان بوون و پشتیان بەرنەداین
لا‌یەنەكانی
تر خۆیان نەكرد بەخاوەنی مەسەلەكە و ڕێگریشیان نەكرد، ئەندام و دۆستەكانیشیان لە
خۆپیشاندانەكان بەشداربوون، بەڵام ئەوەی بەمیدیا وڕاگەیاندنە‌كان دەگەڕێتەوە
هەمیشە باسیان لەوە كردووە كەچەند كەس ولایەنی خێرخوا و قوربانیەكان شكاتیان
كردووە، ڕاپۆرتەكەی ڤینۆس خانیش بەهەمان تۆن و ڕێچكە نووسراوە و دووبارەكردنەوەی
هەمان شتە، لەهیچ كوێیەكدا ناوی ناوەندی چاك و هەڵسوڕاوانی چاك وكۆمیتەی بە
دادگاگەیاندنی فرانس ڤان ئانارات و كۆمیتەی هەڵەبجە ناكات، كەدڵنیاشم و خۆشم
ئاگادارام كەخۆی هەمووجار بەهۆی بانگەوازەكانی چاك و كۆمیتەی هەڵەبجەوە هاتووە.
من شتی
زۆر سەیرم بینی لە دادگای فرانس ڤان ئانرات دا و كە وەك كورد هەستم بەشەرمەزاری
كرد، ئێرانیەكان كە زۆر بەربەستیان بۆ دروستكرابوو لانی كەم ئێمە 3 جار لە گەڵیاندا
كردمانە كێشە و ڕێگری ئامادەبوونیان بووین بەڵام هەمیشە بە 2 تا 3 كەسی زمان زان و
یاسایی هەموو كۆبوونەوەكا‌ن بەشدار دەبوون، لە سەرەتا هەتا كۆتایی هەموو
شتەكانیان یاداشت دەكرد، بەرپرسی كوردم بینی كە بە حساب هاتبوو بۆ دادگاكە تا
گوێ بیستی باسەكان بێت تەنەا 10 دەقە مایەوە و ڕۆیشت! هاوڕی هۆلەندیەكەم وووتی
ئەمە چۆن ئەبێت ؟! ،بە گاڵتەیەك كە پڕ لە شەرم بوو ووتم كورد زیرەكە هەر سەری
شتەكە ببینێت، ئاخیرەكەشی تێدەگات!، نوێنەری سەفارەتی عێراقم بینی كە دەبوو لەناو
هۆڵی دادگابێت ولای قوربانیەكان و ژووری پێشەوە بێت، لە هۆڵێك لە پشت ڤیدیۆوە و
لەڕێگەی وەرگێرەوە گوێی لە شتەكان دەگرت !، ئەوا‌نە‌م بۆیە باسكرد دەمەوێت لانی
كەمی ڕێز لەو هەوڵانەی ڤینۆس بگرم كە لانی كەمی زەحمەتی ئەوەی كێشاوە لانی كەم
لەكاتی پێداچوونەوەی دۆزەكەدا لە هۆلی دادگا بوو چەند كاتژمێری كاتی خۆی بۆ تێگەیشتن
لەم بابەتە تەرخان كرووە.
بەڵام
بەداخەوە كەوتۆتە هەڵەی گەورەوە كە من لام وایە بەشێكی كێشەی زمانەكەی بێت و
بەشێكیشی خۆ ماندوونەكردن و بە دوادا نەچوون وبەكەم گرتنی ڕاپۆرتدان و ئامادەكردنی
ڕاپۆرت بێت، شتێك كە من لە رۆژنامە نووسە هۆڵەندیەكان بینیم و فێربووم
پاككردنەوەولە بێژنگ دانی زانیاریەكان بوو، زنیاری دوورلە هەستی خۆت و
تێكەڵكردنی كۆمێنتارەكانی خۆت لەگەڵ بەڵگە و ڕاستیەكاندا، رۆژنامەنووسانی وەك
ئارنۆڵد و فرانك سلایپەر كە لەم بوورەدا كاردەكەن، بۆ هەر ڕاستیەك لە هەموولا
پرسیار دەكە ن!
من ناچمە
سەر دێڕ بەدێری نووسیننەكە ی ڤینۆس، كە ئەوە كاری زۆری دەوێت و بەڵام چەند
ئاماژەی بچووك بە شتەكان لام گرنگە،
1- دەست
پێكی بابەتەكەی یان تایتڵی باسەكەی ( سەرەتای دادگایی كردنەكەی فرانس ڤان ئانرات
)، من كە با‌سەكەم خۆێندەوە بۆم دەركەوت كە ڤینۆس باسی بەشی پێداچوونەوە دەكات
،سەرەتای كاربۆ دادگایی فرانس ڤان ئانرات و بڕیاری دادگاو مەسەلەی سزای 15 ساڵ و
قەرەبووی زیانەكان و زۆر شتی تر باس ناكرێت،ئەوەی باسی لێدەكرێت مەسەلەی سزای 17
ساڵ و ئەو دوو بەرپرسەی یەكێتی و پارتیەكە تەلەفۆننیان لە وەزارەتی دادو
پارێزەری گشتی هەڵنە دەگرت وتایبەت بوو بە لێكۆڵینەوە لەگەڵ بەرپرسێكی پایەبەرزی
چەكە كیمیاویەكا‌نی عێراق بەناوی ” دكتۆرعەلا ” كە لە موسڵ بوو، من
خۆشم لەسەر داخوازی وەزارەت و لەگەڵ پرۆفیسۆر زێخفێلد كە پارێزەری قوربانیەكانە
هەوڵماندا وهەر لەكاتی خۆشیدا بەرپرسی ئەولایەنانە لەمە ئاگادار كرانەوە.
2-زانیاری و داتای هەلە لەباسەكەدا.ڤینۆس خان لەكاتی دادگای لێكۆڵینەوەدا باسی لە دوو شتكردبوو ،گوایە كوردەكانی ئێران لەبەر ڕژێمی ئێران لەهۆڵی دادگادا ناوێرن بەكوردی قسەبكەن لەبەر بەرپرسانی ڕژێمی ئێران!، خۆم قوربانیەكانی سەردەشتم پیشانداولەبەرچاوی خۆیدا ئەو پرسیارەم لێكردن،خۆیان پێچەوانەی ئەوشتەیان ووت، كێشەكەیان ئەوەبوو كە وەرگێرە كوردەكان كاك شەوكەت وكاك حەسەن حسێن بە سۆرانیەكی خراپ قسەیان دەكردو زۆر ووشەی عەرەبیان بەكاردەبرد كەئەوان لێی تێنەدەگەیشتن! هەرلە هەمان ڕاپۆرتدا باسی ئەوەی كردبوو كە عەلی مەحموود نابرێتە ناوهۆڵی دادگا بەڵام لە دەرەوەی دادگاوەش زۆر كاری گرنگ دەكات، خراپیەكەی ئەوەبوو هەمان رۆژ كە گفتوگۆكەی تێدا ئەنجام داوە من بەشایەدی لانی كەم 4 كەس كاك عەلی كەهیچ شوناسێكی پێنەبوو بردمە ژوورەوە، ڤینۆس خان لەخۆی نەپرسیبوو كە ئەگەر كەسێكی وەك كاك عەلی ئەوەندە دەوری بوبێت و بەقسەی خۆشی زمانیش نازانێت بەڵام چۆن دەبێت لە دەرەوە بێت و بۆ وەك ڤینۆس خان خۆی ناچێتە ژوورەوە!؟
3- تێ نەگەیشتن و یاداشتكردن بەوردی زۆربەشی بابەتەكەی ڤینۆس خانی خراپكردووە، بۆنموونە من ئاگادارم كە ڤینۆس خان زیاد لەنیو رۆژی تەواو گوێی لە لیكۆڵینەوەی (كێیس ۆڵتەر بێیك )* وئەو ڕاپۆرته بوو كە باسی دەكات كە لانی كەمی 300 جار ناوی ئەم لێكۆڵەرەوەوئەم ڕاپۆرتە هاتووە كە چی ڤینۆس خان زۆرهەڵەی سەیری كردووە بە جۆرێك كە‌ئەگەر بتەوێت بابەتەكەی ڤینۆس خان بكەیتەوە هۆڵەندی و بیدەیتە دەست هەرئەوانەی كە باسیان دەكرێت خۆیان ناناسنەوە بۆ نموونە لە یەكەم پەرەگرافی بەشی دوودائەم هەڵانە كراون: (0)
( ئەو ڕاپۆرتەی كە واڵتەر دایك نووسیویەتی )
Full Final and compleet Discosure كەمەبەستی (كێیس ۆڵتەر بێیك )* ەو ڕاپۆرتەكەش بەم ناوەوەیە.
4- لەبەشیكی تردا باسی سەردانی دێلەگاسی پۆلیس و وەزارەتی داد دەكات بۆكوردستان، كەڕاستیەكەی ئەوەیە هیچ دەلەگاسیەك بۆ ئەم كارە سەردانی كوردستانیان نەكردووە، ئەگەرمەبەستی كوردستان عێراق بێت و زۆریشمان هەوڵ دا، دەلیلە بنەڕەتێەكەش ئەوەبوو، كە ئەوكات وەزارەتی دەرەوەی هۆڵەندا عێراقی بە نائامن دادەنا ولەولای تریشەوە حكومەتی هەرێمی كوردستان هەوڵێكی وایان نەدا، دواتر وەفدەكە پێشنیاری ئەوەی كرد كە لە توركیا ژمارەیەك لە قوربانیەكان ببینێت، ئەوەی من ئاگادارم دەوڵەتی توركیا بواریان نەدا. ئەوەبوو كەكاتێك كاك عەلی ڕەحیمی لێكۆڵینەوەی لەگەڵ كرا وەك قوربانی شاری سەردەشت، دواتر كۆمەڵێك لەقوربانیەكانی شاری سەردەشت هاتبوونە ئێرە بۆبەشداری لەڕۆژێكدا كە یو، ئێن، سازی دەدات لە هۆڵەند وهەرلێرەش بەباشمان زانی بیانكەیەنە شایەد، كە وەزارەتی عەدل ئەم قوربانیانەی بینی بۆی گرنگ بوو كە سەردانی سەردەشت و ناوچە كیمابارانكاراوەكانی ئێران بكات.
ئەگەر چەند قسەیەك
لەسەرسەرنجەكانی كاك عەلی بكەم و لەسەرەتاوە دەست پێ بكەم دەكرێت لەو ڕاستیەوە
دەست پێبكەم كە كاك عەلی وێرای هەموو ئەوهەڵانەی ڤینۆس خان كردوونی ولە هەندێكیاندا
نەك لەسەرداتاكان بەڵكو لەسەر بۆچوونی خۆی و ئەنجام گیریەكانی بنیات ناوە، كاك
عەلیش بەهەمان شێوە و هەربەوجۆرەی خۆی لای باش بووەو بە بێ پاڵپشتی هیچ داتایەك
ودۆكومێنتیك خۆی ئەنجام گیرەیەكانی خۆی لەبری ڕاستیەكان دادەنێت، لەهەمووش سەیرتر
ئەوەیە كە زانیاری ئەنجام گیریەكانی كاك عەلی زۆربەیان 180 پلە فەرق دەكەن
لەماوەیەك بۆماوەیەكی تر، لە سەرەتاوە هەر زانیاریەكی دەستبكەوتایە دەیكرد
بەبانگەواز و بابەت و شتێكی لەسەردەنووسی زۆربەی ئەوزانیاریانەشی لە منەوە دەبیست
و وەك كاری خۆم هەموو شتەكان چۆن بوون و كۆبونەوەكا‌ن چۆن دەگوزەران ئاوام بۆ باس
دەكرد، من تەنەا كوردبووم لە كۆمیتەی بەدادگاگەیاندنی فرانس ڤان ئانراتدا وئەگید
هەڵبەست كە كوردێكی باكور بوو دوای 3 جاربەهۆی سەرقاڵی خۆیەوە هیچكە بەشدارنەبوو،
كاك عەلیش 2 جارهاتۆتە لای محامی جاری یەكەمیان بۆئەوەی ببێتە شایەدی گۆپتەپه و
وەك سەرجەم شایەدەكانی تر دۆسیەمان بۆدروستكرد وئامادەكرا بۆ لێكۆڵینەوە، سەرجەم
ئەوانە كارەكانی خۆیان كرد بەڵام كەوەزارەت تێلیان بۆكرد بۆتۆماركردن وئامادەكردنی
شایەدیەكەی كاك عەلی وەڵامی نەدانەوە وخۆی لەوشایەدیە دزیەوە و وەڵامی بە وەزارەت
نەدایەوە وتەلەفۆنەكانی ئەویش وەك هی كاك سەعدی و بەرپرسانی تری كورد بێ ئامانج
بوون و بەوەش بەداخەوە گۆپتەپە بێ شایەد و تەنەا بەناوهەبوولەدۆسیەكەدا و زەرەرێكی
گرنگ بەم دۆزه گەیشت وسەرجەم شایەدەكان و پارێزەرو پۆلیسی لێكۆڵینەوە ئەمە دەزانن
ودۆسیەكە لای منە وئەمانەی تێدایە، كاك عەلی 2 جاریش لە سەرجەمی 6 جار هاتووە بۆ
لای پارێزەری گشتی و هەردووجارەكەش من بردوومە كەبۆ گفتوگۆ بوو لەسەر دۆكومێنتەكان
و كاسێتی ڤیدیۆكەی دادگای عێراق و دواجار خۆی بێزاربوو داوای كرد كە ئامادە نەبێت
وهەردوو جارەكەش من ئەگەر شتێكی وتبێت بۆم كردۆتە هۆڵەندی. كاك عەلی لەبەشێك لەقسەكانیدا ئاوا دەنووسێت: من لە 100% لەگەڵ ئەم قسەیەی كاك عەلیدام، بەڵام من داوادەكەم كە خۆی
بەوردی بەقسه و ڕاپۆرت و نووسینەكانیدا بچێتەوە ڕاستی ئەمەی بۆ دەردەكەوێت و
دەزانێت كەچەند جیاوازی لە قسەكان وئاڵ و گۆڕكردن بەڕاستیەكان هەیە، لەمەدا بەشی
شێر بەركاك عەلی دەكەوێت، تۆخۆت باسی ئەوەت كردووە كە چاك ئانرات دادگایی دەكات
وهەرخۆشت لەكوردستان دەیلی نیوز دەنووسیت ،فرانس ڤان ئانرات هاوڵاتیەكی هۆڵەندی
بوو وحكومەتی هۆڵەندا دادگایی كردوتەواو، هەركەسێك تێدەگات جیاوازی ئەم دووانە
چەندەو هەردو بۆچوونە دژ بەیەكەكەش هەڵەن ! ،لە هەموو باس و قسەكانتدا ناوی
كۆمیتەی بەدادگاگەیاندنی فرانس ڤان ئانراتت دەرهێناوە، هەرخۆشت زۆرجار لەسەرئەم
شتانە لەگەڵ زۆرلایەندا لەسەرئەوەی كە باسی ئەم كۆمیتەیه و كارەكانی ناكرێت كێشەت
دروستدەكردوئەمانەش بە دۆكومێنت هەن، وێڕای ئەوەی ئەم كۆمیتەیە كارەكانی بۆگرنگ
بووە، نەك ناوو شاباش و،،،هتد (هەموو دۆزەكە ئەما‌نە كردیان كە چاك ئەندام بوو
تێیدا ولەناو واندا پارتی سۆسیالیست كە تۆ نەدەتناسین و نەسەروكارت هەبوو
لەگەڵیاندا مارتن و زێخفێلد و ئەگید كەتۆ كەسیانت نەدەناسین ودیارە كێ ئەم كارانەی
دەكرد، خۆشت كەمت لەم بارەیەوە باس نەكرووە وتائێستاش بانگەوازەكەی پەرلەمانی
كوردستان هەیە كە بۆ ئەم دۆستانە هاتووەوئەوان لایان گرنگبوو كارەكان بەئامانج
بگات، لەڕابردووشدا دڵنیابە هیچ كەسی ئەم كۆمیتەیە حەزبەباسكردنیان ناكات ،بەڵام
گێرانەوەی ڕاستیەكان سەروەریەودەستپاكیە، زۆرركەس دەوریان بوو لە خۆپیشاندانەكاندا
كەهاتوون یەك لەوانە كاك عەلی ڕاحیمی و یەكێكیتریان خۆت بوویت لەگەڵ
زۆركەسیترداوهەوڵی خۆیاندا ودەورەكەت ڕێزیان لێ دەگیرێت،بەڵام نەك ئەوەی كەخۆت
بۆخۆتی دەنووسی! بەڵكو ئەوەی كە لەدەستت هاتووە!)
كاك عەلی
لەبەشێكی تری نووسینەكەیدا ئاوا وەڵامی ڤینۆس خان دەداتەوە: لەدادگادا و لە كتێبەكەی ئارنۆلدو فرانك
سلایپەردا** ئەوە بە ئاشكرا باس كراوە كە قەدە‌غەكردنی 21 ماددە و فرشتنیان بە
عێرا ق و ئێران لەسەربنەڕەتی ئەوە بووە كە ئەوان ئاگاداربوون لەشەڕەكانیاندا چەكی
كیمیاوی بەكاردێت و ئەمە پێش كیمایابارانی شارو دێهاتەكانی هەردوو لابووە و
قەدەغەكردنەكە پەیوەندی بەشەڕی عێراق و ئێرانەوە بوونە نەك كیمیابارانی كوردستان و
ئەنفال ئەوەی كە كاك عەلی لەنووسینەكەیدا بەجینۆسایدی ناودەبات ،ئەمە هەرخۆشی
هەڵەیەكی گەورەیه و بچووككردنەوەی تاوانی جینۆسایدە لە چوارچێوەی ئەنفالدا
بەتەنەا، سەیرئەوە بوو لەم داگایەی ڤان ئانراتدا زۆربە فراوانی باسی ئەوەكرا كە
تەعریب و تەهجیر وتەرحیل وگۆڕینی دیمۆگرافیای كوردستان و لەناوئەوانەشدا وەك
نموونە وێرانكردنی ناوچەو سومبوڵەكان كرا وەك قەڵای كەركووك لە پاڵ هەڵەبجەوئەنفالدا
پایەكانی جینۆسیاد پێكدێنن، كەچی تازە كەسانێك بێن و باسەكە لەوەدا قەتیس بكەنەوە
كە بەتەنەا ئەنفال جینۆسایدە!چەند
لایەنی گرنگی تر هەن كە ئاگاهانە یان نائاگاهانە لەم باسەدا خۆیان لێنەدراوە و
ئێمە زۆر دۆكومێنتی گرنگمان داوە بەدادگا و زۆربەشیان هەركۆمیتەكە ئامادەی كردوون
و سەدان كاتژمێر كاریان لەسەركراوە ،یەكەمین لێكۆڵینەوە لەسەرئەم دۆزە
وئامادەكردنی بەهۆڵندی و باوەڕپێهێنانی دادوەری گشتی كە ئەم دۆزە دەستپێبكات و بە
ماتریالێكی گرنگی زانی ئەو لێكۆڵینەوە 86 لاپەڕەییە بوو كە مارتن تێرلاغە كردبووی
،ناوی شەهیدانی هەڵەبجە بەداتا و زانیاریەوە كە لەهەڵبجەوەوبەیارمەتی مۆنومێنتی
هەڵەبجە ئامادەكران، ئامادەكردن و وەرگێرانی ناوەرۆكی زیاتر لە 12 ڤیدیۆ و( C.D)وئامادەكردنیان بۆته ماشاكردن نەك
یەك كاسێتی ڤیدیۆ وەك كاك عەلی باسی دەكات، ئامادەكردنی چەندین شایەدو دۆسیەكانیان
بۆ دادگا، وەرگێڕان و ئامادەكردنی زیاتر لە 3000 لاپەڕە لە دۆكومێنت و زانیاری
كەبەشێكیان لە كوردستانەوە لە زەرفی خۆڵدا هاتبوون وەیچ وەك بەڵگەنامەیەكی گرنگ
نە پارێزرابوون ودۆكومێنت كردنیان بە شێوەی شیاو، پەیوەندی و كاری هاوبەش لە كۆ‌میتەكەدا،
بەڕێوەبردنی چەندین خۆپیشاندان وهەموو ئەو زانیاریانەی وەرگێڕدرانە سەرزمانی
هۆڵەندی، پشتیوانی چەندین ڕێكخراوی هۆڵەندی كەسایەتی و لایەنی سیاسی وپەرلەمانی
وپارتی سۆسیالیست وبەشی گرنگی ئەوپرسیارانەی كەهاری ڤان بۆمڵ لەپەرلەما‌ندا كردی
بەبابەتی رۆژ، نەك بەتەنەا كرسیتا ڤان ڤێڵزن كە دواترجێگەی هاری گرتەوە وهەردووبەڕێزان
ڤینۆس و عەلی كەبە هەڵە یان بە نائاگایی و بەتەنەا ئاماژەیان پێداوە، لەم بارەیەوە
دەكرێت زۆر زیاتر باسبكرێت و زۆرشت بخرێنە ڕوو من لەئێستادا كە ئەم كۆمیتەیە كاری
زۆرگەورەتری لەبەردەمدایه و باسكردنی زیاتر بە گرنگ نازانم وهەركەس دەیەوێت
زانیاری زیاتری دەستبكەوێت دەكرێت سەرنجی ماڵپەڕی چاك بدات و لەسەرئەم لینكانە
كلیك بكات..
سەرچاوەو
زانیاری زیاتر:
00- ڕۆژنامە
ژمارە 39 لاپەڕە 12
1.
http://www.nawandihalabja.com/ku/index.php?option=com_content&task=view&id=20&Itemid=26
2.
http://www.nawandihalabja.com/ku/index.php?option=com_content&task=view&id=26&Itemid=26
3.
http://www.nawandihalabja.com/ku/index.php?option=com_content&task=view&id=570&Itemid=26
4. http://www.nawandihalabja.com/nl/index.php?option=com_content&task=view&id=39&Itemid=25
5.
http://www.nawandihalabja.com/nl/index.php?option=com_content&task=view&id=11&Itemid=25
*-Cees Wolterbeek
**-Nederland en Chemische wapens van Irak –Fran slijpers en Mark Akkerman
