سهردێرهكان
مەراسیمی دابەشکردن وواژۆکردنی کتێب
مەراسیمی دابەشکردن وواژۆکردنی کتێب
ئەمرۆ رێکەوتی ٥/١/٢٠٢٠ کات: کاتژمێر٢:٣٠ ی پاشنیوەڕۆ لە کافێی ئەمنەسورەکە- مۆزەخانەی نیشتمانی گۆڤاری ئەنفالستان، بە ئامادە بوونی جەماوەرێکی بەرچاو مەراسیمی واژۆکردن و ناساندن و دابەشکردنی (٣) پەرتوکی نوسەر سمکۆ سابیر، سازکرد
پەرتوکەکان بریتی بوون لە “ئەنفال وتێگەیشتنە جیاوازەکا” جێنۆسایدی زڕگۆشەکان” “شێخ حوسێنی هەزار کانی” کە هەرسێکیان تایبەتن بە لێکۆڵینەوە بەتاوانی ئەنفال و جێنۆساید.
مەراسیمەکە لەلایەن هونەرمەندو راگەیاندنکار مامۆستا هاوار مستەفا خان بەرێوەچوو.
سەرەتا سمکۆ سابیر نوسەری کتێبەکان و جێگری سەرنوسەری ئەنفالستان ناوەرۆکی کتێبەکانی خستەڕوو، دواتر عومەر محەمەد سەرنوسەری گۆڤاری ئەنفالستان، کورتەیەکی دەربارەی گۆڤاری ئەنفالستان و شێوازی دەرچوونی و کارکردنیان دەربارەی دۆسێی ئەنفال باسکردو نرخاندنێکی بۆ هەرسێک کتێبەکە کرد. و دواتریش دەستکرا بەدابەشکردن و واژۆکردنی کتێبەکان.
