سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ناچارم قسەیەک بکەم …………….عومەر محەمەد
ناچارم قسەیەک بکەم ……………عومەر محمەد
سەبارەت بە وێنەی ئەو کاتژمێرەی چەند رۆژێکە لە سۆشیاڵ میدیا بەچری بلاودەکرێتەوە قسەی خۆمم هەبوو بەڵام هەستم کرد کاتێکی زۆرم بە رونکردنەوەی ئەم وێنەو پێناسەو چیرۆکانە دەڕوات کە گومان لەڕاستییان دەکرێت یان بە دڵنیایی ناڕاستن.
ئەمە یەکەمجار نیە کە هەڵەو چەواشەکاری لە دۆسێی ئەنفالدا دەکرێت .. بۆیە دەڵێم چەواشەکاری چونکە بروم وایە ” سەد دۆسێمان لە گوماندا بمێنێتەوە باشترە لەوەی درۆ بەدەم وێنەیەک یان چیرۆکێکەوە بکەین ..”
هاوڕێیان پیویستمان بە دیقەت وریاییەکی زۆرهەیە، کورد میللەتیكی بێ کەس وبێ پلان و بێ سیاسەتمەدارەو دۆسێکەشی هەستیارەو رایەڵی نێودەوڵەتی و بەرژەوەندی ئیقلیمی و نێودەوڵەتی تێدایە، بۆیە دورنیە درۆیەک کۆی دۆسێیەکەمان نەخاتە ژێرپرسیارەوە بەتایبەتیس کە نەیارە زۆرزان و حێلەبازو ستەمکارەکانمان بێن و بڵێن : نەخێر ئەوەی دەیڵێن راست نیەو ئەمە راستەکەیەتی .
هەتا ئیستا زیاد لەوێنەو چیرۆکێکم ساغکردووەتەوە، کە پەیوەندیان بەئەنفالەوە نەبووەو وەک بابەت وبەڵگەی ئەنفال خراونەتە رو نەک لەفەیسبوک بەڵکو هەبووە لەدەزگاکانی راگەیاندن هەڵای ناوەتەوە، بەڵام کە بەدواداچونم بۆکردووەو راست نەبووەو هیج پەیوەندییەکی بەئەنفالەوە نەبووە .
سەبارەت بەم کاتژمێرە : وتەبێژو کارمەندی وەزارەتی شەهیدان کە خۆی لە سەماوەیەو دەڵێت : ئەو کاتژمێرە هی گۆرەکەی سەماوە نیە ! ئێ چ پیویست دەکات تۆ لەبەرسپلیت و دور لەگەرمای بیابانی سەماوە، شیعری بۆبنوسی ؟ هەر بەراست بۆچی کاتژمیرێک با هی ئەنفالیش بێت دەتهێنێتە قسە بەڵام کۆی دۆسێیەکەت فەرامۆش کردووە ؟
باگریمانەی ئەوە بکەین ئەوسەعاتە هی گۆرە بەکۆمەڵەکەی سەماوەیە، بەڵام ئایا نیشاندانی ئەو سەعاتەو ئەوانەی تریش بەم شیوازە لە فەیسبوک و سۆشیاڵ میدیا چیمان پێدەبەخشن ؟ بەبروای من بڵاوکردنەوەو نیشاندانیان بەم شێوەیە هەڵەیەکی میدیایی و یاسایی و دۆکومێنتارییە، چونکە بە نیشاندانیان ئەم خراپیانەی هەیە :
١- کەسوکاریان برینداردەکرێن و خەوو خۆراکیان لێ دەشێوێنن، من لەنزیکەوە ئاگاداری باری دەرونیانم و دەزانم لەچ دۆخێکدان..
٢- هیچ بەهایەکی دۆکێومێنتارییان نامێنێ، تەنها هەڵچونێکی کاتی دروست دەکات و بەرپرسیارێتی ئەخلاقی و سیاسی دروست ناکات.
٣- سبەی وێنەیەکی ترئەمەی ئیستا لەبیرخەڵک دەباتەوە .
٤- دەرونی منداڵانی خوارهەژدەساڵ دەشێوێنێ و دەیانترسێنێ.
ئازیزان دۆسێی جێنۆساید خاڵی نابێت لەهەست وسۆز، بەڵام ئەوەی پێش بەم تاوانانە دەگرێت وهاوکاری هەستانەوەی قوربانیەکان دەکات هۆش ولۆژیکە نەک هەڵچونی کاتی و جێنێودان و دوعاکردن . بیری شۆڤێنیزمی بەم ئەتوارانە پاشەکشە ناکات، بەڵکو هارتردەبێت .
نایشارمەوە من پێشتریش نوسیومە ئەم هەرزان فڕێدانەی وێنەو چیرۆکە چەوشەکراوەکان بۆ ناو سۆشیاڵ میدیا بە ئاسایی نابینم و هەست دەکەم دەستیك ئەم دۆسێیە دەشێوێنێ و هێشتا نازانم کێیە، پێشتریش لەبارەیەوە نوسیومەو مەترسییەکانیم خستووەتە روو، ئامانجیش یاری کردنە بەهەستی خەڵک و بێبەهاکردنی دۆسێی ئەنفال وجێنۆساید .. دەنا وێنەی زۆر زۆر کاریگەرم لای خۆم پاراستووەو تەنها لە سیمنارەکانم ولەشوێنی شیاوی خۆی دەتوانیت بیبینیت . نەک لەناو سۆشیال میدیا.
