سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
مەڵبەندی كوردۆلۆجی- زانكۆی سلێمانی سیمینارێکی بۆ سەرنوسەری ئەنفالستان سازکرد
مەڵبەندی كوردۆلۆجی- زانكۆی سلێمانی
سیمینارێکی بۆ سەرنوسەری ئەنفالستان سازکرد
سیمیناری “سەرچاوەکان لە بارەی ئەنفال و تراژیدیاکانی کوردەوە: سەرنج و ڕاستکردنەوە” سیمینارێک بوو بۆ بەڕێز عومەر محەمەد قادر لە مەڵبەندی كوردۆلۆجی- زانكۆی سلێمانی دەربارەی سێ کتێبی چاپکراو دەربارەی تاوانی ئەنفال
ڕۆژی چوارشەممە 26-6-2019، لە هۆڵی داود بەگی جاف، سیمیناری مەڵبەندی كوردۆلۆجی- زانكۆی سلێمانی بە ناونیشانی (سەرچاوەکان لە بارەی ئەنفال و تراژیدیاکانی کوردەوە:سەرنج و ڕاستکردنەوە) بۆ بەڕێز عومەر محەمەد قادر نوسەر لە بواری ئەنفالدا بەڕێوەچوو.
لەو سیمینارەدا کە بەڕێوەبەر ولێپرسراوانی بەشەکان وستافی ئەکادیمیی مەڵبەندی کوردۆلۆجی وستافی گۆڤاری ئەنفالستان و دەربازبوانی کۆمەلکوژی ئەنفال و ژمارەیەك لەکەسوکاری ئەنفال و پێشمەرگە دێرینەکان ونوسەران وئەکادیمستان وخوێنەران ئامادەی بوون.
عومەر محەمەد لە دیدێکی ڕەخنەییەوە کە ئەنجامی خوێندنەوە و پێداچونەوەیەکی وردە، ژمارەیەکی زۆر لەو هەڵە و ناڕاستییانەی خستەڕوو کە لە سێ کتێبی جیاوازی تایبەت بە ئەنفالدا بڵاوکراونەتەوە. کەبریتی بوون لەم کتێبە چاپکراوانە ( قرار محکمة الانفال- تقدیم قاضي محمد العریبي –اعداد الحقوقي بهزاد علي ادم) و جێنۆسایدی کورد تاوانی ئەنفال – تەها سلێمان و کاریگەرێتییە دەرونییەکانی ئەنفال لەسەر جێماوانی – بەهادین محەمەد عەبدولرەحمان.
لەو ڕوەوە نوسەر سەرەتا ئاماژەی کرد بۆ ناوی نووسەران و ناونیشان و ساڵی چاپی ئەو سێ بەرهەمە جیاوازە و ئەو دامەزراوانەی ئەرکی چاپکردنی ئەو سێ کتێبەیان لە ئەستۆگرتووە. دواتر لەڕێی پیشاندانی وێنەیی بابەتەکەوە، ئامادەبووانی ئاشناکرد بە دەیان هەڵەی زەق کە لەو سێ کتێبەدا دەستنیشانی کردوون لە ڕووی ڕەنووس وزمانەوانیی و ڕاست و دروستیی ناوی ناوچە جوگرافییەکان وکەسایەتییە باسکراوەکان و مێژووی ڕووداوەکانی شاڵاوەکانی ئەنفال لە ساڵی 1988 دا.
هەروەها ڕەخنە و گلەییەکی زۆری ئاراستەی ئەو رۆژنامە و دامەزراوە حزبیی و حکومییانە کرد کە لە بڵاوکردنەوەی ئەو سێ کتێبەدا کەمتەرخەم بوون، لە خوێندنەوە وسەرنجدان لە شێوازی نووسین وڕێبازی زانستیی توێژینەوە و ڕێگرتن لە بڵاوبوونەوەی ئەو هەڵانە کە بەسەر نووسەرانی ئەو سێ کتێبەدا تێپەڕیون وبە بڕوای سەرنوسەری ئەنفالستان ئەو کتێبانە هێندەی زیانیان گەیاندووە بە هەوڵ وهەنگاوەکانی بە دۆکیمێنتکردنی تاوانەکانی ئەنفال لە ڕووی گێڕانەوەی ڕووداوەکان وناوهێنانی دەربازبووان وشایەتحاڵەکان وسکاڵاکاران نیوهێندە سودیان نەگەیاندووە، ئەمەو زۆر لایەنی تری خستەبەر سەرنجی رەخنەکانی کە دەبوو بە وریایی وپەرۆشییەکی زیاتر وئاستێکی بەرزتری نووسینەوە مامەڵەیان لەگەڵ بکرایه.
پاش تەواو بوونی بابەتەکەش،ژمارەیەك لە ئامادەبووان لە وتەکانیاندا نیگەرانیان دەربڕی لەوەی وەك پێویست بایەخ بە دۆکیومێنتکردنی ئەنفال نادرێت وئەو هەوڵانەش کە دراون بەو چەشنە هەڵە و کەموکورتییان تێدا بووە.
لەو ڕووەوە د.فایەق گوڵپی کە سەرکردە وپێشمەرگەیەکی دێرین وپزیشکێکی بەخزمەتی هێزی پێشمەرگەی کوردستان بووە لە کاتی شاڵاوەکانی ئەنفالدا، داوای دامەزراندنی ناوەندێکی سەربەخۆی نەتەوەیی تایبەت بە ئەنفالی کرد بۆ لێکۆڵینەوە لەو تاوانە گەورەیەی جینۆسایدکردنی خەڵکی کوردستان و هەموو تاوانەکانی تر وپەیداکردن و هێشتنەوەی بەڵگە و نووسراوەکانی پەیوەست بە ئەنفال.
