سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
پۆزش و ڕوونکردنەوەیەک! بۆ ڕای گشتی ..ئەسعەد جەباری
پۆزش و ڕوونکردنەوەیەک!
بۆ ڕای گشتی
لەژیانی تایبەتی و گشتیماندا زۆرجار دەکەوینە هەڵەوە، سووربوون لەسەر هەڵەو خۆبەڕاست زانین ئەوەش دیسانەوە بەڵایەکی گەورەیە، دانان بەهەڵەدا فەزیلەتە.
دوو ساڵ پێش ئێستا من دیدارێکم سازدا لەگەل کاک فەتاح سەبارەت بەوێنەیەک کە ئەو خۆی ووتی لەو وێنەیەدا منی تیام!، منیش پاڵپشت بە قسەکانی ئەو ووتم بۆ دیدارێکی ڕۆژنامەوانی ساز نەدەین بۆ کوردستانی نوێ، ئیتر ڕێکەوتین و لەکۆفی مۆزەخانەی نیشتمانی ئەمنەسوورەکە دیدارەکەمان سازداو ڕاستی ڕووداوەکانی خۆی گێڕایەوە کە چیان بەسەرهاتووە لەکاتی هەڵمەتی ڕەشبگیری پرۆسەی تاوانی ئەنفال ۱۹۸۸، من لێرەدا باس لەو بەشە ناکەم کە قسەی تیاکردووە لەحیکایەت و بەسەرهاتە پڕ لەتراژیدیاکەی، تەنها دێمە سەر ئەو وێنەیەی کە گوایە کاک فەتاح-ی تیایە!.
پاش ئەوەی ئەمڕۆ ۱٦/٤/۲۰۱۹ پەیجی وێنەگری
گەورەی فۆتۆگرافەری ئێرانییان بۆ ناردم کاک( jassem ghazbanpour ) لەوێ باس لەوە دەکات
کە ئەو خاوەنی وێنەیەکەیەو ڕووداوەکەش لەکاتی کۆڕەوەکەی ساڵی ۱۹۹۱ لەسەر سنووری ئێران
و عێراق-ە، لەکاتێکدایە ئەو منداڵانە ڕیزیان بەستووە بۆ وەرگرتنی خۆراک و شوێنەکەش
نێو یەکێکە لەئۆردووگاکانی ئەودیو لەئێران.
من داوای لێبووردن
لەخوێنەرەکانم دەکەم، سەرەڕای ئەوەی کەتووشی هەڵەبووم لەساغکردنەوەی وێنەکە
لەهەمانکاتدا نەدەبوو کاک فەتاح کە خاوەنی ئەنفالە خۆی بەیەکێک لەو منداڵانە
بناسێنێ و منیش شەرمەزار بکات.
دیسانەوە داوای
لێبووردنیش لەکاک (جاسم غەزبەنپوور) دەکەم بۆ ئەو هەڵەیەو بمانبەخشێ.
ئێستا ڕوونبوویەوە کە
وێنەکە هی سەردەمی ئەنفال نیەو هی کۆڕەوی ساڵی ۱۹۹۱ لەئۆردووکایەکی نزیک
سنوور لەودیوی ئێران گیراوە.
دووبارە من داوای
لێبووردن دەکەم.
ئەسعەد جەباری
سێ شەممە ١٦ /٤/۲۰۱۹
وێنەی یەکەم کاک جاسم. وێنەی دووەم – منداڵەکان لە رۆژهەلاتی کوردستان – ئاوارەیی ١٩٩١
