تاقانەکانی ئەنفال کێن؟……….عومەرمحەمەد

کانونی دووهەم 13, 2019 Omer وتار لێدوان نووسین ناچالاککراوە لە تاقانەکانی ئەنفال کێن؟……….عومەرمحەمەد

---

تاقانەکانی ئەنفال کێن ؟

• 

عومەرمحەمەد

تکایە ناخوازم بەم چیرۆکانە ئازارت بدەم بەڵکو مەبەستمە بڵێم ئەوە مێژومانەو دەبێت ئیدی مرۆڤ بین، هەتا بەهەموومان ژیانێکی شکۆمەندانە بدۆزینەوە، شایانی مرۆڤ بێت، بێگومان لەپێش هەموویانەوە ئەم ستەملێکراوانەی دیکتاتۆرییەت دڵی شکاندن و “دیموکراسیەت”! ئاشتی نەکردنەوە ! تاقانەکانی ئەنفال نزیکەی ٢٠٠ کەسن ” گەنج وپیرن، منداڵن، نێرومێن” هەریەکەیان خاوەنی چیرۆکی تراژیدی خۆیەتی، ئەنفال کە هەمووشتێكی لەبەریەك ترازاندووە، ئەم مرۆڤانەی فرێدایە پەراوێزی ژیانەوە، ئەوسا نەماڵیان هەبوو نە سەرپەنایەك تیایدا بحەوێنەوە…! هەرشەوەی لەماڵێك ڕۆژیان دەكردەوە، ئەگەرماڵێک هەبوایە ئەویش بەترس و روگیریەوە ! .ئەوجۆرە ژیانە زۆربەیانی توشی نەخۆشی كردبوو، هەبوون هەر زوو لە چاوەڕوانی ئازیزانیاندا بە حەسرەتیانەوە كۆچی دواییان كرد. بوون بەشوانی عەرەب : ناخۆشترین چیرۆک لای من ئەو منداڵە گەرمیانیانە بوون کە لەترسان و لە برسان ڕۆیشتبوونە ناوچە عەرەبنشینەكەولەوێ ببونە شوانی عەرەبە مەڕدارەکان، بەمە هەم نانێکیان چنگ دەکەوت و هەم خۆیان لە چاوی سیخورەکانی بەعس ونکردبوو.بارەگا ماڵ وحاڵیان بوو : لەوانە دڵتەزێنترئەومێرمنداڵانە گەوربوون، لەرێگەی تەجنیدی ئیجبارییەوە جلی بەسەربازیان لەبەرکرا، بنكەوبارەگای ئەویەكە سەربازیانەی كەسوكاروخانەوادەكەیانی ئەنفالكردبوو.ببووە شوێنی حەوانەوەیان .. ئەوان لە كاتی مۆڵەت وەرگرتنیاندا، هەرلە سەربازگەکانیاندا ماونەتەوە‌و لەوێ مۆڵەتەكانیان بەسەربردووە..!! لەبەرئەوەی كەسێكیان نەمابووهەتا بێنەوە بۆلای، (سەربازگەكە باشترین شوێنی حەوانەوەم بوو.. ئەو رۆژە زۆر گریانم کە یەکێک پێگوتم: تۆسەیری ئەم بەشەرە ناکەی، ئاخر کەس هەیە مۆڵەتی نەوێت و لێرە بمێنیتەوە ؟)*! ئەو تاقانانە لە سەروەختی ڕژێمی بەعسدا یەکە سەربازییەكان‌ولە دوای ڕاپەڕینیش، بارەگای پێشمەرگە شیاوترین شوێنی خەوتن‌وحەوانەوەو پشوودانیان بووە…!ڕقیان لە جەژنە : زۆربەیان سەرباری پابەندی ئاینیش هێشتا رقیان لەرۆژانی جەژنە بەلای کەمەوە حەزی پێناکەن، چونکە ئەو رۆژە ئەوان تیایدا تەریق دەبوونەوە، خۆیان لە بانگێهشتی دۆست و ناسیاویان دەشاردەوە، چونکە شەرمیان دەکردو خۆیان پەنا دەدا .
قوربانیەکی دووسەرە :نامۆترین چیرۆک هی ئەو پیاوە گەرمیانیەیە، کە سەربازی یەدەگی عیراق بوو، ساڵی ١٩٨٢ بەدیلگیراو ماوەی ٩ ساڵ دیلی جەنگ بوو، کەهاتەوە ژن ومنداڵەکانی بەتۆمەتی خیانەکاری ئێرانی ئەنفالکرابوون ! ئەویش یەکێک بوو لەو بێ ماڵ وسەرپەنایانە !
لەوەش بە ئازارترئەوەیە دەسەڵاتی کورد وەک ئەم بەعسیانە رەفتارلەگەڵ هاونیشتمانی بکات ؟! عەیب ونەنگیەکی تریش ئەوەیە (مرۆڤ) هەبێت گاڵتەوگەپ لەسەرئەم برینە ئینسانی ونەتەوەییە بکات ؟!
* – ئەوەی ناوکەوانەکە قسەی تاقانەیەکە وای پێگوتم.

سلێمانی – ١٣/١/٢٠٢٩

سه‌رنجه‌كان

---