سهردێرهكان
کەناڵی (N.R.T) بۆ وای کرد ؟!
کەناڵی (N.R.T) بۆ وای کرد ؟!
عومەر محەمەد
کاتژمێر ٨:٣٩ دەقیقەی شەوی ٣١ی تەموزی ٢٠١٨ کەناڵی نالیا راپۆرتێکی دەربارەی جێنۆسایدی بارزانیەکان خستە روو بەڵام بەداخەوە سەرلەبەری راپۆرتەکە هەڵەیە ! بۆچی ؟
چونکە ئەوەی ئێن ئارتی روماڵی کرد، نە بۆ ئەنفال راستە ونە بۆ کۆمەڵکوژی بارزانیەکان. چونکە هەردوک دۆسێکەی بە جۆرێک تێکەڵکردبوو، کورد ووتەنی ئەوسەری نەبێتەوە ! من تەنها بۆ بەرچاو رونی چەند خاڵێک دەخەمەڕوو وەک مشتێک لەخەروارێک دەنا راپۆرتەکە عەیبدارو بێ زانیارییە و ئەوەشی وتوویەتی هەڵەیە . دەنا زنیاریەکان و جیاوازیەکان بەم شێوەیەن
١- بارزانیەکان لە پرۆسەی ئەنفالدا کۆمەڵکوژنەکران، بەڵکو پێنج ساڵ پێش ئەنفال بوون، بۆیە بە ئەنفال ناوبردنی ئەم دۆسێیە وون کردن و نکلۆڵی کردنی دۆسێیەکی تری جینۆسایدی کوردە .
٢- تاوانی ئەنفال ساڵی ١٩٨٨ بوو، بەڵام تاوانی کۆمەڵکوژی بارزانیەکان ساڵی ١٩٨٣ بوو .
٣ – لە پرۆسەی گرتن وکۆکردنەوەی بارزانیەکاندا جاش بەشدار نەبوون، بەڵکو هێزەکانی موخابارت و هێزی تایبەت بوون کەبەسەرپەرشتی فازڵ بەراک وبەرزان تکریتی لە بەغداوە هاتبوون.
٤- لەپرۆسەی گرتن و شوێنبزرکردنی بارزانیەکاندا ژن نەگیران، هەتا ببرێن بۆ وڵاتانی عەرەبی، بەلکو تەنها رەگەزی نێرینە بوون لە ١٢ ساڵییەوە هەتا ٧٠ ساڵ .
٥- پەلاماردانی بارزانیەکان لەبەرئەوە نەبوو کە هێزی پێشمەرگە ناوچەیەکی زۆرو فراوانی رزگارکردووە، بەڵکو بە پاساوی ئەوە بوو کە ئێران چیای گردەمەندو حاجی ئۆمەرانی گرتووەو هێزەکانی پێشمەرگەی پارتی بەشداربوون .
٦- بارزانیەکان لەگوندەکاندا نەگیران، بەڵکو لەکۆمەڵگاکانی نزیک شاری هەولێرو هەندێکیشیان لە شاری بەغدا گیران . بەڵام هی ئەنفال بەپێچەوانەوە بوو. لەگوندەکاندا گیران .
با ئەمەندە بەس بێت دەنا سەرلەبەری راپۆرتەکە هەڵەیە .
ئەمەش لینکی هەواڵەکەی کەناڵی نالیایە http://www.nrttv.com/News.aspx?id=4132&MapID=8
وێنەکە وەرگیراوە
