سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
ساڵح رۆستەم نامیق : هەتا لە ژیاندابم تەقە لەهیچ زیندەوەرێک ناکەم ئەوە ڕێزێکە بۆ کەسوکارە ئەنفالکراوەکەم . بەڵام ئەوجاشەی تەقەی لەمن کرد، ئێستا موچەکەی یەک ملیون دینارە
ساڵح رۆستەم نامیق :
هەتا لە ژیاندابم تەقە لەهیچ زیندەوەرێک ناکەم ئەوە ڕێزێکە بۆ کەسوکارە ئەنفالکراوەکەم . بەڵام ئەوجاشەی تەقەی لەمن کرد، ئێستا موچەکەی یەک ملیون دینارە
ساڵح رۆستەم نامیق
لەدایکبووی : ١٩٧٣
نیشتەجێی پێش ڕوداو : گوندی گڵال کەوەی حاجی نامیق – کەلار
نیشتەجێی ئێستا: رزگاری – ئاسودە
دیمانە : عومەر محەمەد
شوێنی دیمانە : کەلار
رێکەوتی : ٤/١١/٢٠١٦ کات ١١ی شەو .
سالح بۆمن چەندەی هەڵوەستە بوو، دوو هێندە گرنگە کەسێک کە رۆژگار ستەمی گەرەی لێکردووەو ئەو بەمیهرەبانی ماوەتەوە، ساڵح پیاوێکی نەخوێندەوارە بەڵام هێندەی بیریارێک خاونی بیروراو ئیرادەیە بەرلەوەی بچینە ناودیدارەکەمانەوە هەندێک قسەمان کرد، بەلامەوە زۆر سەرنج راکیش بوون، کە ساڵح رۆستەم گوتی: ئێمەی کەسوکاری ئەنفال دەبێت رێز لە ژیانی زیندەوەرانیش بگرین، دەیانجار لەو پێدەشت و جەوەڵانەی گەرمیان ئاسکم بینیوە خەوتووە، بە هێواشی گەراومەتە دواوەو لەخەوم نەکردووە، بەداخەوە خەڵکیش هەیە دەچێت ڕاویان دەکات. بەدەم ئەم قسانەوە وردەردە چوێنە ناو دیدارەکەمانەوە .
کاک ساڵح ئەگەر خۆت بناسێنێ ؟
من ساڵح رۆستەم نامیق
خەڵکی چ گوندێک بوون ؟
خەڵکی گوندی گڵاڵ کەوە، گڵاڵ کەوەی حاجی نامیق بەناو بانگە .
تەمەنت چەندە ؟
لەدایکبوی ١٩٧٣ . جابزانە چەند دەکات
ئەوسا پێش ئەنفال گوندەکەتان چەند ماڵ بوون ؟ بەچیەوە سەرقاڵ بوون ؟
پێش ئەنفالەکە شەش ماڵ بووین .
