سه‌ردێره‌كان
- تاوانی ئەنفال و زیانە کلتوورییەکانی کورد لەکوردستانی باشوردا. هۆمەر محەمەد
- ڕۆڵی سینەما لە پاراستنی یادەوەری ئەنفالدا – وانەیەک لە هۆڵۆکۆستەوە
- سەرنجێک لەسەر دەرکەوتنی (بەراء) هۆمەر محەمەد
- الإجرام بصيغته القانونية 2 جريمة إسقاط الجنسية والترحيل – قرار (٦٦٦)
- دیسانەوە دۆسێی ١٨ کچە فرۆشراوەکە لەنێوان ساختە و ڕاستیدا. هەڵوەستەیەک لەسەر قسەکانی کاک شۆڕش حاجی
پەیامێکی رون ومەترسیدار
پەیامێکی رون ومەترسیدار
عومەرمحەمەد
سلێمانی ١٠ی ئایاری ٢٠١٨
ئەگەرسوڵتان هاشم ئازادبوو، عێراق و دەستورەکەشی دەچنە زبڵخانەی مێژووەوە ، هەوڵدان بۆ ئازادکردنی تاوانبارێکی تاوانی ئەنفال، هەمان ئەو عەقلیەتەیە کە کورد وەک (رەگەزە پیسەکە) لە عێراق دەبینێت و بەسوکی دەزانن، ئەمە پەیامێکی رون وئاشکرای دەوڵەتی عێراقە بۆ کاندیدەکوردەکانی ئێستای هەلبژاردنەکان دەنا چۆن سەرۆکی پەرلەمانی عێراق، کە پەرلەمانەکەی تاوانی ئەنفالی بەجینۆساید ناساندووە، دێت بەوپەری بێ شەرمییەوە بە پێشچاوی کامیراوە لە بەغدا بەنیازی ئازادبوونی پێشوازی لە کەسوکاری سوڵتان هاشم دەکات ؟! ئەمە پێشئەوەی سوکایەتی بێت بە قوربانیانی ئەنفال و کەسوکارەکانیان سوکایەتیە بە پەرلەمان و ئەندامانی ئەو پەرلەمانەو سیادەی دەوڵەتی عێراق. پەیامێکە پێماندەڵێت هەرچۆنێک وکێ دەنێرن بۆ پەرلەمان بابێن بەڵام هیچ نرخ وبەهایەکیان نابێت .لە توانای هیچ کەسێکدا نیە (بەسەرۆکی دەوڵەتیشەوە) تاوانبارانی (تاوانی جینۆساید) داڵدەبدەن و سزاکانیان سوک بکەن، تەنانەت لەکاتی دادگایی کردنیاندا هەموو پارێزبەندییەک “حصانە”یەکیان لێوەردەگیریتەوە، هیچ پێگەیەکی دەوڵەتی وئاینی وکۆمەڵایەتی فریای تۆمەتباران ناکەوێ چ جای تاوانباربێت و دادگا سزای دابێت .!
ئێستا سلطان هاشم بە چەندین برگەی یاسایی سزادراوەو تاوانەکانی سەلمێندراون، تاوانبار سولتان هاشم ئەحمەد وەزیری بەرگری پێشووی عێراقی بووە، لەسەردەمی ئەنفالدا فەرماندەی فەیلەقی یەک بووە کە تاوانەکانی ئەنفالی لەناوچەی ئەنفالی یەک و دوو، سێ و چوار ئەنجامداوەو هاوکارو پشتیوانی فەیلەقی پێنج بووە لەسەرخستنی قۆناغەکانی تری ئەنفال . لەبری بەڵگەیەک سەدان بەڵگەی تاوان لە دادگای باڵای تاوانەکان بۆسەلماندنی درندایەتی ئەو پیاوە خراونەتەڕوو سەرئەنجام چوارجارحوکمی لە سێدارەدان، چەندین حوکمی زیندانی کردن لەحەوت ساڵەوە هەتا زیندانی هەتاهەتایی بۆدەرچووە.
ئەگەرچی ئەم ئاوە لیخنە لەپێشەوە لە هەرێمی کوردستان رژاوە، بەتایبەتیش لە داڵدەدانی تۆمەتبارانی ئەنفال و پشتیوانی سەرکردایەتی حزبەکانی کوردستان لەتۆمەتباران، بەڵام ئەم هەنگاوەی سەلیم جبوری بۆ ئازادکردنی سوڵتان هاشم کە نوێنەری سوننەکانەو سەرکی پەرلەمانی عێراقە، تەواو بە دڵی شیعەکانیشە، پەیامێکە بەرون و رەوانی دەڵێت: نەک ئەنفالکراوان تەنانەت ئەوانەی لە دژی بەعس جەنگاون و شەهیدبوون بە سیاسەتمەدارانی کوردیشەوە بێ شکۆ و بێ نرخن لەعێراقدا، ئەگەر قایلن بە دەستەمۆیی و بێ ئینتیما بێن بەخێر بێنەوە بۆ عێراق ئەگەرنا باسەری خۆیان و ئێمەش نەیەشێنن .
بۆیە ئەگەر قەوارە سیاسیەکانی کورد بەتوندی دژی ئەم هەوڵە نەوەستنەوە. دەبێت بەوەش قایلبن کەوا کاندیدەکانیان وەک هێزو پشتی “سلطان هاشم” تەماشا بکەین، نەک نوێنەری کوردو کەسوکاری ئەنفالکراوان .
بۆیە هەرکەسوکارێکی ئەنفال ئەگەر دژی ئەم هەوڵە نەوەستێتەوەو پشتیوانی کاندیدەکان بکات سوکایەتی بە خوێنی کەسوکارەکەیەوە دەکات کە ٣٠ ساڵە لەبیابان دەست وپەنجەیان هەڵوەریوەو تێکەڵ بەلمی بیابان بووە.
